{ إجتمــاع طلآب و طآلبات ,, StAt 210}

[بسمة ألـم]

الله يوفقك ان شاااء الله وفالك الفل مارك

بس انا ابغاه السبت :s

[CrEaTiVe4ever]

المشاركة الأصلية كتبت بواسطة كوكو شانيل [/right] أهم شي في الموضوع كوكو شآنيل ي شيخة روحي الله يجوزك وـآحد يقولك أقعدي لآ تقومي <- مآ تقلد توم مررررـآ يسلمو كرييتيف وأسآمة جزـآكم الله ألف خير ..! بجد أبدعتوـآ وشلتوـآ عننآ هم قد الجبآآل الله يعطيكم ألف عآفية >> لآزم أتعرف عليكي يآ بت

شوفتي كيف؟!

هههههههههههههه .. يقلي أقعدي لاتقومي هاه

الله يسلمك ياشوقر.. وجزاكِ الفردوس

إنتي الإبداع كولياتو ياعسل

ويعطيك كول العافية يارب ..

>> من جد نفسي أتعرف عليكي .. خخ بس أنا في الفرع بس جاياكم باذن الله السمستر الجاي

[CrEaTiVe4ever]

المشاركة الأصلية كتبت بواسطة جلنـــار 7777777 بس كووكو ترمي النرد لمدة ساعه مسكينه بعدين تتعب كان خليتيني معااها << creative الله يسعدك يارب شرح وااافي عزيزتي ما شاء الله تبارك الرحمن الله يوفقك ويجعله في ميزان حسناتك إن شاء الله :)

ويسعدك ياعسل ..

ويوفق الجميع ياعسل :) ..

بالتوفيــــق ..

المشاركة الأصلية كتبت بواسطة محتاج لها CrEaTiVe4ever asooom الله يعطيكم الف الف عافية

ويعطيك ألف ألف ألف عافية :)

مُوفـــــــق ..

المشاركة الأصلية كتبت بواسطة الحلى كله..%* CrEaTiVe4ever asooom عوافي و فالكمـ بيرق الحـــــــــــآآآسب*_*||~

آمين والجميع ياااارب

بالتوفيق ياشوقر ..

المشاركة الأصلية كتبت بواسطة ms.ROR asooom CrEaTiVe4ever يـعـطيـكم || ألـف عـآ آ آ فيـه ~

ويعطيك كل العافية يارب ..

مُوفقــــــــــــــــــة

المشاركة الأصلية كتبت بواسطة ms.ROR الشابتر اللي شرحـو asooom نـفـس الملزمـة اللي اعطتنآ هيآ الاستآذهـ .. لكـن الشابتر اللي شرحتو CrEaTiVe4ever مو نفـسـو مررآ .. > صورة الشابتر بالمرفق .. انا مع أ.نعيمة بشير ، بس ليش تعطينآ غير عنكم .! :S لكن لمآ قريت نفـس المواضيع تقريبـآ =| ثـآنـكـيووو كـلـيـآتــكـووون .. مررآ أستفدت D=

ياعسل الكتاب اللي نشرح عليه كتاب >> a first course in probability

وغير كدا أنا شرحت كم شيء كدا بتفاصيل زيادة حبتين عن الكتاب لأن الأغلب مو فاهمها ..
اليوم في بنت بتسألني عن الإتحاد والتقاطع ..الخ فمرة تفاجئت انو في البعض مهم عارفين الى
الآن دا الشيء ..

شيء تاني أنا ( وأعوذ بالله من كلمة أنا ) شارحة على حسب فهمي ومذاكرتي وأسلوبي .. في
ناس محـ تنسجم مع شرحي لأنو بأسلوبي ومحـ يناسبها أبداً وفي العكس ..

وغير كدا أنا بشر زيي زيكم أُخطئ وأُصيب .. فإذا أخطأت في شيء فنرجو التجاوز والعفو والسموحة .. وإن أصبنا فبتوفيق الله سبحانه ..

وأتمنى التوفيق للجمييييييييييع ..

موفقـــــــــــــــــــــــة ياعسل :) ..

المشاركة الأصلية كتبت بواسطة بسمة ألـم مجهود جبار الله يجعله في ميزان حسناتكم اممممممم عندي طلب صغنون مره بدي حدى يحل لي الاسيمنت واكون له \ لها من الشاكرين :$ في المرفقات

جزاك الله كل خير

مُوفقـــــــــــــــــة

[CrEaTiVe4ever]

نصيحــــــــــــــــــــــــــــــة أخويــــــــــــــــــــــــــــــــــــــــــــــ ـــــة :

في البداية حابة أشكر الكل على دعمهم المتواصل المشجع المحمس في آن واحد ..

ثاني شيء لكل شيء كُل شيء في الحياة هدف ولهذا الموضوع هدف ..

فإش هدفو؟!

في بداية الأمر كان الكل يتشكى ويقول انو مو فاهم المادة والمادة صعبة ويبغالها والخ ..

وأنا كُنت وحدة من اللي يشتكو برضو .. بس بتوفيق الله عزوجل يسرلنا أمرنا وفهمناها ..

نزلنا دا الموضوع عشان اللي مو فاهم يفهم .. واللي مو عارف يعرف .. واللي مو عارف يدرس ويذاكر يدرس ويذاكر ..

فـ اش بقي بعد مانزلنا الشرح .. بقي ان كُل واحد يفتح كتابو ويذاكر ويحل مسائل وأنا أقولو بإذن الله حتجيب a+ ..

يعني بالعربي مو كُل من هب ودب ينزل مسائل ويقول رجاءً حلوها ماني فاهم .. طيب الشرح قُدامك ، حاول أقل شيء ورينا إش سويت إش عملت إش إش ..الخ

امكن حلك حيساعدنا يوضحلنا أشياء ماهي واضحة علينا .. يفهمنا يصححلنا أخطائنا ..

بس للأسف في ناس تبغى تستفيد ولا تفيد!! ..

لا خيرها ولا كفاية شرها !!

تبغى كُل شيء على طبق من ذهب .. يعني بالعربي [ أنا أأشر وإنتا تقشر] ..



عيب والله عيب .. ماتدرو قد أيش الواحد يتعب وهوا يسوي الموضوع يذاكر، يجهز للشرح ، يلخص قبل مايكتب ، يكتب ، ينسق ...الخ

وغير كدا زينا زيكم عندنا اختبارات واجبات مواد يبغالها مذاكرة .. احنا كمان عندنا مصالح ..

بس لللأسف الناس ماتفكر الا فمصلحتها !! ..

حلو التعاون .. حلوة روحو .. حلو لما أنتا تعطيني وانا آخذ ، وأنا أعطيك وإنتا تاخذ ..
الين متى واحنا كذا .. والمشكلة العظمى اننا شباب لساعنا .. ماجاتنا المسؤوليات اللي نقول عليها .. معاك عذرك ..

حتى الواحد يحرم نفسو من خرجات وونس مع أهلو عشانكم .. لأنو يحبكم ..

والله ان أهلي كُولهم ومعاهم خالاتي راحو إستراحتنا من الضهر وحينامو ويرجعو بُكرا العشاء ..

زي الجنية جالسة لوحدي في البيت مع بابا عشان عندو عمل بكرة وترجيت فبنات عمتي ينامو معايا ..

حرمت نفسي من أشياء كتييييير .. بس طززز فيا .. أنا عندي عادي دا الشيء ..

بس حسو وفكرو فغيركم ..

فكرو فغيركم ..

فكرو فغيركم .. [وحِب لأخيك ماتحب لنفسك ]

وماكتبت هذا كُولو إلا لأني أحبكم وأتمنالكم زي ماأتمنى لنفسي وأكثر ..

ودي رسالة من القلب وأتمنى إنها توصل للقلب ..

وأتمنى من الكل انو مايتحسس من دا اللي قُولتو ..

والله يوفقنا ويوفقكم جمييييييييييييعاً ..

وبالتوفــــــــــــــــــــــــــيق ..

[P!nk ink]

CrEaTiVe4ever >>> دوري لك صرفة في النك حاولي تبسطيه كل ما ابغي اقرأه اغرز في النص وارجع من جديد

asooom

خدماتكم الجليلة ومساعدتكم لنا في الشرح تحسسني اني مقصره فعلاُ تجاه طلاب وطالبات قسمي
لانى ماقدمت شي لهم ابداً ..

لكن بإذن الله لساني لن يكف عن الدعوات لكم في ظهر الغيب ..

وسأكون متابعة و داعمة لكم بالدعوات
والمساعدة في الشرح إن استطعت

[asooom]

creative4ever >>> دوري لك صرفة في النك حاولي تبسطيه كل ما ابغي اقرأه اغرز في النص وارجع من جديد asooom خدماتكم الجليلة ومساعدتكم لنا في الشرح تحسسني اني مقصره فعلاُ تجاه طلاب وطالبات قسمي لانى ماقدمت شي لهم ابداً .. لكن بإذن الله لساني لن يكف عن الدعوات لكم في ظهر الغيب .. وسأكون متابعة و داعمة لكم بالدعوات والمساعدة في الشرح إن استطعت

يعطيكي العافيه أختي وبالله كتري كمان شويه من الدعوات في ظهر الغيب ,,

[بسمة ألـم]

المشاركة الأصلية كتبت بواسطة creative4ever نصيحــــــــــــــــــــــــــــــة أخويــــــــــــــــــــــــــــــــــــــــــــــ ـــــة : بس بتوفيق الله عزوجل يسرلنا أمرنا وفهمناها .. نزلنا دا الموضوع عشان اللي مو فاهم يفهم .. واللي مو عارف يعرف .. واللي مو عارف يدرس ويذاكر يدرس ويذاكر .. فـ اش بقي بعد مانزلنا الشرح .. بقي ان كُل واحد يفتح كتابو ويذاكر ويحل مسائل وأنا أقولو بإذن الله حتجيب a+ .. يعني بالعربي مو كُل من هب ودب ينزل مسائل ويقول رجاءً حلوها ماني فاهم .. طيب الشرح قُدامك ، حاول أقل شيء ورينا إش سويت إش عملت إش إش ..الخ بس للأسف في ناس تبغى تستفيد ولا تفيد!! .. لا خيرها ولا كفاية شرها !! تبغى كُل شيء على طبق من ذهب .. يعني بالعربي [ أنا أأشر وإنتا تقشر] .. عيب والله عيب .. ماتدرو قد أيش الواحد يتعب وهوا يسوي الموضوع يذاكر، يجهز للشرح ، يلخص قبل مايكتب ، يكتب ، ينسق ...الخ وغير كدا زينا زيكم عندنا اختبارات واجبات مواد يبغالها مذاكرة .. احنا كمان عندنا مصالح .. بس لللأسف الناس ماتفكر الا فمصلحتها !! .. حلو التعاون .. حلوة روحو .. حلو لما أنتا تعطيني وانا آخذ ، وأنا أعطيك وإنتا تاخذ .. الين متى واحنا كذا .. والمشكلة العظمى اننا شباب لساعنا .. ماجاتنا المسؤوليات اللي نقول عليها .. معاك عذرك .. حتى الواحد يحرم نفسو من خرجات وونس مع أهلو عشانكم .. لأنو يحبكم .. والله ان أهلي كُولهم ومعاهم خالاتي راحو إستراحتنا من الضهر وحينامو ويرجعو بُكرا العشاء .. زي الجنية جالسة لوحدي في البيت مع بابا عشان عندو عمل بكرة وترجيت فبنات عمتي ينامو معايا .. حرمت نفسي من أشياء كتييييير .. بس طززز فيا .. أنا عندي عادي دا الشيء .. .

اولا انا حابه اشكرك على ردك ويعطيك ربي العافيه على تعاونك وعلى مجهودك في الشرح

بس كأني انا المقصودة في كلامك اختي

اختي انا ماجبرتك تحليلي الواجب ولا جبرتك تتركي دراستك ولا جبرتك ماتخرجي مع اهلك

معليش بس انا ما اسمحلك تتهميني باني مصلحجية استفيد وما افيد

احنا هنا في منتدى اللي يقدر يساعد اكيد ما بيبخل على اخوانه واخواته

بعدين احنا مقدرين جهدك وجالسين ندعيلكم انتي والاخ اسوم

ودحين جايه تتمنني علينا

انتي ماتعرفي ظروف الواحد ايش عندو وايش ماعندو

اذا تقدري ساعدي واذا ماتقدري لاتجرحي

في غيرك يحب يساعد خليه يفيدني ويفيد غيري

على العموم شكرا

[لسعة شقآوه]

يعطيكم العافية عالشرح الرائع،،

فادني في تجميع افكاري،،

استمروا،،

بخصوص واجبكِ اخت بسمة ألم عرفت احل سؤال 5 و 6 ,,

سؤال 5:

p(ab^c)=p(a)-p(ab)=0.9-0.5=0.4

سؤال 6:
فقرة a:
p(aub)^c=p(a^c)+p(b^c)-p(ab)^c
p(a^c)=1-1/3=2/3
p(b^c)=2/3
p(ab)^c=1-(1/10)=9/10
اذا
p(aub)^c=(2/3)+(2/3)-(9/10)=13/30

فقرة b:
p(b^c)=1-p(b)=1-(1/3)=2/3

فقرة c:
p(a^cb)=p(b)-p(ab)=(1/3)-(1/10)=7/10

ان شاء الله يكون الحل صح,,

بالنسبة لبقية الاسئلة احاول احلهم و ان شاء الله يساعدوكي بقية الاعضاء,,

^_^

[بسمة ألـم]

^^^^^

تسسسسسسسسسلمي ياعسسسل


ربي يجعله في ميزان حسناتك

[CrEaTiVe4ever]

بسمة ألم ..


ياعسل أنا ماخصيت شخص معين .. تكلمت بشكل عام ..

بس أقلك هيا بكل صراحة .. الكلام اللي قولتو ماخرج كدا من غير سبب [عبط] ..
كان حوض وامتلئ ،، وكنتي آخر وحدة رميتي فيه .. وللأسف طفح الكيل !!

صح مالي دخل .. بس هذا حق و[إن الله لا يستحيي من الحق ] وأثارني شخصياً ،، والساكت عن الحق شيطان أخرس ..

والكلام اللي كتبتو والله مو كلو عليك .. بعض الكلام عليك والبعض لأ .. ليه أكذب؟!
والأغلب بسبب البقية مو الكل كمان البعض .. وما أزكي نفسي وما أتمنن عليكم والله أعلم بنيتي ..

بالعكس والله أفرح لما أساعدكم وأحس بفرحكم ويسير فرحي وسعادتي اتنين .. وطعمو غير لما أكون فرحانة لوحدي .. [ السعادة في إسعاد الناس ] ..

وبعدين ما أضمن في يوم من الأيام اني أكون بحاجة لأحد فيكم .. أو تجيني ظروف تخليني أطلب من أحد فيكم شيء ..


وبصراحة من طيب أصلك انك حسيتي ، وصدقك انك رديتي ..
لأن لللأسف البعض مايحس أبداً .. ووالله ماحبيت أجرحك ، وحاسة باللي انتي حاسة بي ، وحاز بنفسي اني قولت دا الشيء .. بس فكري معايا لو حللك واحد من الأعضاء وجاء غيرك وقال زي ماحللولها حيحلولي ! .. اش حيسوو البقية ؟!

كثيــــــــــــــــــــــــــر حيعتمدو ع اللي يساعدو الله يجزاهم خير ،، وحيسوو طبعاً اعلانات انو نزل واجبك وهما يحلولك وانتا مرتااااح روح فلها ياعمي !! .. وبكذا حيضر نفسو وغيرو ومحيكون فاهم شيء .. صح حال بس مو بجهدو بجهد غيرو .. وفي ناس تقول عندنا ظروف ووو وتكون كذابة ! .. كذابة على نفسها بس مو على حساب غيرها .. صح ولا لأ ؟؟!

انتي معاك عذرك عندك ظروف .. عندك أمور شغلات أنا ما أعرف عنها شيء ..

لكن المجال لو انفتح حينفتح ع الكل .. أو يتقنن وأشوف انو أفضل تقنين له انو كل واحد يبغى أحد يساعدو على الأقل يقول اش فاهم من السؤال .. أو يورينا شخبطتو شوي ..

كذا حنفهم ان اللي بنساعدو يستحق أو لأ ! .. وحنساعد نفسنا قبل .. وأجرنا وأجرو على الله [ بنيتنا نساعدو وبنيتو يتعلم ] <<مجرد وجة نظر شخصية ..

وبعدين أنا مايحق ليا أتكلم لأني ماساعدت أحد ولا حليت لأحد واجب ، أو مسألة أو أو .. امكن اللي أضفتو 0.0000001% .. بس إلين متى الواحد يسكت ؟!

وفي النهاية أعتذر منك أشد الإعتذار .. لأن انتي كان عندك ظروفك وأنا ماأدري عنها أي شيء ..
لكن للأسف كنتي من أشعل قنبلتي .. فأرجو السموحة والمعذرة :) .. وخلينا نرجع حبايب زي أول ..

هذا قد قلت ماقلت إن صواباً فمن الله وإن خطاً فمن نفسي والشيطان ..

وفقك الله لما يحبه ويرضاه وجعل عملك في رضاه ..

مُوفقــــــــــــــــــــــــة :) ..