اتسكنتٍ تمريض ..؟ تعالي ياقميلة ..

[Dr.candy]

طيب بما اني خلصت من الاعمال التطوعية في رمضان
ربي لك الحمد .. يارب نسال القبول في العمل

<< بتأخذ شهيييق


فتتتو الله يهديها كتبت شي انا احبو وهوا الايفنتات
و عيوني لمعت و دمعت

عشان مرة احب دا الشيء و حزينة جدا اني فارقت الكلية
وما راح اقدر اشتغل مع الدفعات الجميلة الي في الكلية
عشان بتربط بالامتياز


المهم

بالنسبة للايفنتات السنة الي فاتت اكتشفنا ابداعات جدا جميلة في الكلية
سواء ابحاث , مشاركات تطوعيه
وعملنا ايفننات وحملات وجمعيات و حفلات باسم التمريض

وفي نفس الوقت نتشارك مع كليات ثانية في اعمالهم التطوعية لمن يبغو بنات تمريض

بس نشوف على حسب الفكرة والهدف من المشروع
اهم شي انك تكوني شاطرة و ذكية و خليكي مستفيده و تفيدي غيرك

بس اهم اهم اهم شي

لا تهملي دراستك .. ذاكري و جيبي علامات
<<< دي النصيحة كانو يحفظوني هيا الدكاترة واتهزأ
بس ما اقدر اوقف شي احبو


بالنسبة للكلية ترحب بأي فكرة نعملها للتمريض ..
وكليتنا و دكاترتنا يتحمسو ويساعدو
خليني احط لكم صور الي عملنها في الكلية من السنة الي فاتت
واشتغلنا و تعبنا والحمدلله انجزناا
<<< ترى معروف عننا اننا كلية اكتف ما شاء الله
و مجانين حفلات شواء و تنكرية
>> نرفه عن نفسنا


خلينا نبدأ بالصور


[ 1 ]

مشاركتنا الجميلة مع كليتنا الام "كلية العلوم الطبية التطبيقية "

وكانت لنا مشاركتين الأولى كانت مع الملتقى الثامن

والثانية كانت ضمن حملة ابنيها

ودا الكورنور تبعنا الملتقى العلمي الثامن ..




>> أياااام بس الصراحة كان ابداع مع المجموعة كلهاااا ..
تفتكري يا فتوو XD









[ 2 ]


آرتوفيليا 4

طبعا دي مسابفة يعملوها كلية الاسنان كل سنة
فكرتها انها بتعمل معرض للوحات الفنية من كل الكليات الطبية
وكانت مشاركة فتيات التمريض جدا جميلة












>> اقولكم سر دي رسمة وحده ممرضة دحين تشتغل ماشاء الله
ماشاء الله جدا مبدعة رسمتها و فازت اعتقد ..



[ 3 ]

معنى أن تكون ممرضاً

طيب نيجي للحملة الجميلة الي عملوها دفعة ثانية و ثالثة
الفكرة فكرة فتاة من ثانية هي حملة للتوعية بالتمريض قي مدارس الثانوية
وكانت جدا رائعة طبعا راحو الطالبات للمدرسة و شرحو عن التمريض
و الطالبات ثاني يوم زارونا للكلية وكانت جدا جميلة











[ 4 ]

يوم التمريض العالمي

هنا الكلام خطيير و حلو

في دا اليوم من شهر مايو يوم 10
كل سنة الكلية تحتفل بدا اليوم و نعمل فيلو زي المهرجااان >>> امزح
يعني يوم كامل تنعرض فيه الابحاث المتعلقة بالتمريض
و ابداعات الطالبات .. ماشاء الله ودي كانت صور من معرضنا








[ 5 ]

تفعيل الجمعية العلمية السعودية للتمريض



دي الجمعية منطلقة من جامعة الملك عبدالعزيز و طبعا كلامها كثيير
بس تقدرو تزوروها في الموقع و تعرفو عنها

http://sns.kau.edu.sa/Default.aspx?Site_ID=755&Lng=AR


الأفلام الي اتعملت مؤخراَ في اليوتيوب ..

1- جسد طبيب برنامج المعالج الشمولي
2- رسالة ممرضة للمجتمع ..


و بكذا خلصناااا


مو خلصناا ايفنتات لالا
انتو بيدكم تقدرو تعملو كمان واكثر مافي شي يوقف
حتى لو اتخرجتي مثلا ما توقفي لسااا كل شي عن التمريض مستمرررين فيييه ..

خلوكم شطار و اتعاونو مع ثالثة و رابعة لانه لهم الخبرة اكثرة واحنا موجودين الامتياز كمان نقدر نفيدكم
و نساعدكم ..


ومعليش على الصور الكبيرة دي و التصوير بس دي الي طلعت معاية

[ابرار غروي]

^


Omg !!

ااييييش الجمممااال ذاا
الصور مممرا تحممسسس ، حرام كذا توجعو قلبي

احب الشغالات دي ممرا ياخي بتلاقوني مسنتره فيها كلها
ان شاءالله


من جد الأعمال اللي سويتوها جبباااارة 😍❤❤!
واحس ان كل ذي الأشياء تهون علينا موضوع الدراسة
حلو الواحد ياخد بريك شويا ويغير نفسيته كمان

كلية التمريض حبيتها قبل لا أبدا دراسه
حاسه راح تكون سنه ثانية شي خوورراافففي
ب ابدععع فيها قد ما اقدر انا وصحباتي



ممررا شكرًا ع التحف اللي فوق 😘❤❤❤❤

[Asrar M]

المشاركة الأصلية كتبت بواسطة dr.candy سلالالالام يا آسيااات طيب بحط لكم لينك موقع الكلية بعد ما اتعدل وصار حلو الموقع تقدر تلاقو كل شي الجداول و نبذه عن الاقسام والدكاترة وطريقة التواصل وصور الكلية http://nurs.kau.edu.sa/default.aspx?site_id=667&lng=ar

فتحت الجدول ومافهمت شي ؛(

[Asrar M]

Dr.candy وَ فتو وَ عذاري ،

بجد بجد مو عارفة كيف اشكركم ع جهودكم معانا وتحفيزكم لنا واجاباتكم ع كل استفساراتنا اللي تخطر في بالنا

بجد بحججم الكون شكراً الله يسعدكم ويوفقك يارب

[shahad-]

ماني ععارفه ايشش اقول وايشش اخلي ماششاء الله عليك ي فتو ببجججد ربي يسسعدك ويوفقك وين ماتروححي ماخلليتي سسسؤال يقرقع بقلبي الا وجاوبتي علييهه

ي حبني للبنات اللي زي كذا يحبون يساعدون غيرهم ومايبخلوون عليهم في اي ششئ ، جعلها الله في موازين ححسناتككم وبجججد مممره مممرره ممره شششككرا


وطبعا انا سالفتي ماتختلف عن بعضض بنات دفعتي ، طمووحي ادخل ططب ااسنان وحاولت بككل ماققدر بالسنة التحضيريه اني اجيب معدل مرتفع لككن انت تريد وانا اريد والله يفعل مايريد
وكان قبولي بالتمريضض صصدممه كبيره علي ماقدرت اسستوعبها اصصلن اول ماشفت اول ثلاث تخصصات مانقبلت فيها صرت ماشوف ششئ من الدمووع وسسويت مناححهه ذاك اليووم لان كنت متفائله كككثير بطب الاسنان وكان الكل ينادي علي بالدكتوره وماكنت اتخيل بيوم انو مانقبل فيه ، وبعدين لمن هديت ورضيت ححسسيت بنعممه وانو باقي عندي أممل وشوي وشوي بديت اقرأ عن التمريضض وايش هوا وبصصصراححه وم آنّڳكر انو ددخل قلبي وتحمست للدراسسه ..
لكن يقولون مالحب الا للحبيب الاولي:)
وكانت فكرتي ادرس ترم واحول طب اسنان لكن اكتشفت انو نظامكم سسنوي وي اما احول ممن البدايه او اكمل سننه وييمككن يممكن ييمكن انقبل بما انه مقاعد التحويل محدودهفممرره ممممرة ممحتارهه مدري ايش اسوي ممرات اقول ارضي بنصيبك وكملي تمريضض خخلاصص بس من جههة ثانيه اهلي رافضين البتته البته :'( * ماحد اهلو جالسين يقنعو فييه يحول حاسسب :) *

ووالله راسسي دااخ من التفككير ابي طب اسنان واتسكنت تمريض واهلي يبغون حاسسب مدام انو ماتقبلت بالطبب وانا اخخاف اددخل بالتمريض وماتحول ع الطب واججلسس كذا بالننصص لا حققت اللي ابيه ولا حققت رغبه اهلي

ف ايش تنصحوني اسسوي ؟
ببلييزز عططوني أممل انو مممكن اتحوول لان فتتو ححححططمتني ججدن بالتحويل



ويعططيكم الف اللف عافييه ي اسيات الرحمه

[اسومة الزهراني]

روعه مررررهه ااحب الانشطه والاشيااااء اللي كذاا الصور ذي خلتني ااعشق التمريض بالزيااااده

[bayan-ow]

المشاركة الأصلية كتبت بواسطة fto0o tut = tutorial بالعربي كدا .. مراجعة شوفو النظام عندنا في الكلية كيف.. تفتكرو الاحياء ؟ كيف كان في دكاترة حيوان ودكاترة نبات ؟ نفس الشي هنا .. اللهم .. مثلاً تقسيمات مادة البايوكميستري .. دكتورة لجزئية الـ كاربوهيدرات ودكتورة للبروتين والانزيم ودكتورة لليبدز وووووالخ .. فـ تجيكم دكتورة الكاربز تعطيكم كل الكلاسات الين اخر كلاس تجيكم تقلكم يلا تتوريال تراجعلكم ع السريع الي اعطتكم هوا وبعدها تبدأو جزئية جديدة الي حتكون بروتين او ليبدز او انزيمز او اي شي الموهم كل جزئية بعدها تتوريل وتمضي الحياة - كل دكتورة على حسب .. في دكتورة تقلكم زاكرو واسألكم وفي دكاترة يقرقرو على راصك المنهج في كلاس ع السريع ودكتورة تقلكم ح اجيبلكم اسألة نحلها سوا << احياناً كانت تيجي منها في الاختبار فــ كنا نطيح تصوووووير للسبورة المعروضة فيها السلايدز x'p << كانو يمنعونا نكتبها فـ نصور بالدس هع >> الموهم التتوريل يعني مراجعة ودا كان المراد تفهيمه بس ملاحظة : التتوريل يختلف من مادة لمادة ومن دكتورة لدكتورة عادي بعضهم تفقع وتضطرو تروحو تجيبوها تعملكم وبعضهم تفقعو منها انتو وتصفو ابو كلاسها وبعضهم تتحمسو لتتوريلاتهم وتكون اهم من كلاساتهم نفسها ووووو بالتوفيق ياقميلات وبعدينا بيننا وبينكم نعلمكم على حركات الدس وكدا

شكراً على توضيح
اهم شي حركات الدس بنضيع بدونها

[bayan-ow]

ياسلام مررع عجبتني الأنشطة احب هاذي الأشياء في تحضيري جاني الملل مافي ولا شي اسويه غير الدراسة احب اشارك في هاذي الأشياء ان شاء الله اي شي يصير سنة جاية بكون مشاركة فيه
شكرا كاندي على على صور وكلام الي شاركتي فيه حمسني :-)

[AM00NA]

كلية التمريض جميلة وبنات التمريض أجمل ..
أعرف بنات من دفعتي لما دخلو تمريض قالو حنحول ماراح نكمل تمريض
وبعد مابدأو الدراسة ودخلو في جو التمريض الرائع الانساني
قالوا لي مستحيل نحول وحابين الدراسة والتطبيق ومره مبسوطين ماشاءالله ..
بالتوفيق للجميع يارب

[roro-X]

الصور مرا جميلة والانشطة بشكل عام تحمس 😍


يسلمو كاااندي 😘