][ تجمع للجداول و تعديلها و الحذف و الإضافة ][

[فضاء الحرف]

السلااام عليكم .. دحين انا اول سنة تخصص (مستوى ثالث ) الحمد لله وطبعا حايسىة في الجدول المهم ما اطول عليكم في مواد لما اجي اضيفها يطلعلي كذا ((القيد الخاص بالكلية ))أو ((خطأ في المطلب الاساسي و درجات الاختبار ))
وكمان عندي سؤال ايش فايدة <<البحث مع مراعاة القيود و مراعاة تعارض الوقت >>يعني ايش الفرق لو شلتلها و لا خليتها
وكمان لما اجي ابحث اختار المقر الرئيسي و بكالوريوس انتظام كدا انا ماشية تمام و لا ؟؟

[ميثان حلقي]

المشاركة الأصلية كتبت بواسطة فضاء الحرف السلااام عليكم .. دحين انا اول سنة تخصص (مستوى ثالث ) الحمد لله وطبعا حايسىة في الجدول المهم ما اطول عليكم في مواد لما اجي اضيفها يطلعلي كذا ((القيد الخاص بالكلية ))أو ((خطأ في المطلب الاساسي و درجات الاختبار )) وكمان عندي سؤال ايش فايدة <<البحث مع مراعاة القيود و مراعاة تعارض الوقت >>يعني ايش الفرق لو شلتلها و لا خليتها وكمان لما اجي ابحث اختار المقر الرئيسي و بكالوريوس انتظام كدا انا ماشية تمام و لا ؟؟

و عليكم السلام

في البداية انت محددة التخصص ولا لأ ؟

و القيد معناه أن المادة غير مسموح لك تاخذيها لأنها من برا الكلية

أما حكاية البحث مع مراعة القيود يعني البحث في المواد المسموح لك تنزليها

مراعة الوقت الوقت معناه أنك تبحثي عن مواد ما تتعارض مع المواد الا نزلت في جدولك

اختي احيانا تحصل هذه المشاكل لكن من الجامعة تقدري تضيفي موادك و اتمنى اصحاب الخبرة يفيدوك

[Hakuna Matata]

المشاركة الأصلية كتبت بواسطة lelou راجعت الخطة توني .. غريبة حاطينها في نفس المستوى مع متطلبها،، هي محطوطة في المستوى الثالث هي بيولوجي خية .. و الله يا عزيزتي أفضل شي روحي للمرشدة الآكاديمية من أول يوم و أسأليها.. إذا تعرفي مكان قسم الفيزياء روحي هناك و أسألي في سكرتارية القسم أنا مستجدة و أبغى أعرف مرشدتي و أسأليها دا أفضل شي.. هو في الدور الأخير عمومًا.. ربنا يسهل عليكِ||~

إن شآءالله أروح و أستفسر ، شكرآ

[فضاء الحرف]

الله يعطيك العافية أخوي و يوفقك يااا رب .. أنا حددت تخصصي الحمد لله «فيزياء طبية »وأنا أبغى أمشي على الخطة في هذا المستو بإذن الله ..
بالنسبة للمواد من برا الكلية قصدك زي الثقافة مثلا ؟؟
بس برضو في مواد زي bioو مواد physمو راضية تنضاف..
و أبغى نصيحتكم أحاول أضيف المواد اللي تنضاف و الباقي اخليه لاول يوم دراسة ؟؟ينفع كذا ؟؟
طووووولت علييكم الله يجزاكم خييييير و يسعدكم فين ما تكونوا ياااا رب يااا كرييم

[LeLou]

المشاركة الأصلية كتبت بواسطة فضاء الحرف الله يعطيك العافية أخوي و يوفقك يااا رب .. أنا حددت تخصصي الحمد لله «فيزياء طبية »وأنا أبغى أمشي على الخطة في هذا المستو بإذن الله .. بالنسبة للمواد من برا الكلية قصدك زي الثقافة مثلا ؟؟ بس برضو في مواد زي bioو مواد physمو راضية تنضاف.. و أبغى نصيحتكم أحاول أضيف المواد اللي تنضاف و الباقي اخليه لاول يوم دراسة ؟؟ينفع كذا ؟؟ طووووولت علييكم الله يجزاكم خييييير و يسعدكم فين ما تكونوا ياااا رب يااا كرييم

أول شي مواد الفيزياء الطبية رمزها mphy و ليس phys دا رمز مواد الفيزياء العامة..
عندك من قسم الفيزياء العامة مادة phys 202 فقط..
و أتوقع تقدري تضيفيها..

لكن المشكلة في مادة الفيزياء الحيوية mphy 205 و اللي متطلبها بيولوجي خلية و حاطينها في نفس المستوى مع متطلبها و مو راضية تنضاف عن طريق الآوديس..
دا احتمال يكون غلط في الخطة أو شي ثاني الله أعلم..
عمومًا أول يوم روحي في العلوم قسم الفيزياء الدور الثالث أسألي السكرتارية،، قولي لهم أنا طالبة مستجدة و أبغى أعرف مرشدتي الأكاديمية..
روحي للمرشدة هناك و أسأليها عن موضوع دي المادة..

//

طبعًا ينفع تخلي المرشدة تضيف لك أو تضيفي من الشؤون أول يوم..
لكن أهم شي حاولي تضيفي الثقافة أو العربي و عندك الأمن و السلامة كمان قبل لا تقفل عليكِ الشعب..

بالتوفيق||~

[Meme599]

ساعدوني في جدولي الله يعطيكم العافيه انا مستجده ماعرف شي
تخصص كيميا

اول سمستر
chem202
chem231
arab101
Isls221 مو متاكده دا رقم ثقافه 1 او ﻻ !!؟
chem281
phys281
chem200

كدا تمام وﻻ مواد كثيرره؟ والمعامل سهله او احذف معمل الفيزياء؟؟
وكمان السمستر الثاني مو عارفه ايش اخد في جدولي؟ احد يساعدني وشكرا

[كوبالـت_Co]

المشاركة الأصلية كتبت بواسطة meme599 ساعدوني في جدولي الله يعطيكم العافيه انا مستجده ماعرف شي تخصص كيميا اول سمستر chem202 chem231 arab101 isls221 مو متاكده دا رقم ثقافه 1 او ﻻ !!؟ chem281 phys281 chem200 كدا تمام وﻻ مواد كثيرره؟ والمعامل سهله او احذف معمل الفيزياء؟؟ وكمان السمستر الثاني مو عارفه ايش اخد في جدولي؟ احد يساعدني وشكرا

حياك الله أختي ^^

بالنسبة لجدولك حلو و بسيط بس يبغالك تركزين على كيم 202 و كيم 231 لأنها 4 ساعات و بكذا تصيرين اوكي ^^

بالنسبة للثقافة لا الثقافة رقمها 101 المستوى الأول مو رقمها 221 و هي ساعتين بس

بالنسبة للمعامل انتي حيكون عندك معمل في 202 و معمل في 231 احذفي معمل الفيزياء و خلي معمل الكيمياء 281

عشان يكون عندك 3 معامل بالأسبوع ما يكون ضغط احسن من 4 معامل

كذا جدولك بيكون بعد ما تحذفين معمل الفيزياء 15 ساعة مرة ممتاز إذا حابة تضيفين ساعة زيادة مع إني اشوف جدولك كذا افضل

احسن لك تضيفين فيزياء 200 لأنها ساعة وحده و بدون معمل

ولو اني شايف إنه 15 ساعة حلوة و مو ضغط كأول ترم تخصص

بالتوفيق ::.

[Meme599]

يعطيك العافيه وماقصرررت افدتني كثير
بس فيزيا 200 ايش هرجتها صعبه وﻻ سهله

ﻻني ناويه احول بعد سنه

[كوبالـت_Co]

المشاركة الأصلية كتبت بواسطة meme599 يعطيك العافيه وماقصرررت افدتني كثير بس فيزيا 200 ايش هرجتها صعبه وﻻ سهله ﻻني ناويه احول بعد سنه

الله يعافيك

مقرر أمن و سلامة زي كيمياء 200 ^^

بالتوفيق ::.

[LeLou]

المشاركة الأصلية كتبت بواسطة meme599 يعطيك العافيه وماقصرررت افدتني كثير بس فيزيا 200 ايش هرجتها صعبه وﻻ سهله ﻻني ناويه احول بعد سنه

إذا تبغي أمن و سلامة فيزياء أنصحك خذيها مع الدكتورة منيرة الحماد..
هي صح أمن و سلامة بس اسمعي كلامي و لا تاخذيها مع أحد غيرها من اللي ماسكينها حاليًا الترم دا لا تندمي على ماد تافهة و بساعة..
و ما أبغى أتكلم عن الناس الثانية و إذا مصصمة تعرفي ممكن أرسل لك خاص لأنه كلام يشيب شعر الراس و ما أبغى أفضح بأحد..
ترى ما أمزح أبدًا و كلامي جدي جدًا و انتِ حرة..

بالتوفيق||~