-->آجمل مافي المشاعر..تكــتـبك آبيات وقصايـــد <--

[ليال...]

ياليت للضيقة زرار وافكه !
.......وازرّ فوق الثوب .. ثوب السكينة ..
ودي بدمعي ينسكب وسط مكة..
........ولا امسحه الا وانا في المدينة!

[ليال...]

صباح الخير ولا الخير يــــهدي لك صــــباحاته

...................صباح الورد .. ياورد العمر .. يانغــمة اشراقي


صباح الما على وجه العطش يحكي ملاقاته

..................صباح النور ...أية نور ؟؟ من غيرك على اوراقي


صباحك فلّ واحلى فلّ يا طـــهره و نبضاتـه

..................صباحك هو بياض الروح .... صبـاح الروح ياراقي


صباح الما وتهذيبه ونيلي عاث بفراته

................صباح السيل / يا غيثً....تسلل داخل اعماقي

[ليال...]

قمْ وابتسم ... هالدنيا لحْظات .. و اقْصر
.............. لجْل [ الصباح ] .. اللي لبَسْمَتك يظمى ..!



ياللي انعميت .. وداخلك قلب مُبْصر
.............. شف كم بصير وداخله .. [ قلب أعمى ] ..!

[ليال...]

عساك بحب يهز كل شيء بكيانك
.يعلمك تحن ياللي ناسي حناني
عساك بحب يحرمك من منامك
مثل ماحرمت بالحب منامي
مثل ماحرمت بالحب منامي
مثل ماحرمت بالحب منامي

[ليال...]

ما يحس بـ [ بَرْد قَلْبَكـ ] غير من يَسكن شِغَافه ..!
..........................كُلْ ماخَيَّم .. عليك الـــ بَرْد ! جابته الثواني ..!!

الدِفَـــا ما هو بــ فَرْو ٍ .. / تَلبِسَه / وإلا لِفَافه !
......................الدِفَـــا .. روحك تــضُمْه من غلا في روح ثاني !

[ليال...]

فيْصل لو عندي على الضيق منهاج
...........ماشفتني من بعض الأحوال مزعوووج



مزعوج وإزعاجي مهو بأية إزعاج
...........إزعاج من ركضة على غير منتوج!!

[ليال...]

جفا اقرب الناس لك لاصرت محتاجه
ياثر على النفس ويح ـطم مشاعرها !


واللي يزوَد عذاب القلب واحراجه ؟
مقابل الناس [ لا شانت خواطرها ]

[ليال...]

قلت أنومكْ ( لين فاض الحلم وأغرق مرقدي )
قلت بسهر ( طاح بؤبؤ عين ) ينده : يااونيس

قلت ألمْ الصبح وأحزم ضيق بال | وابتدي ..
أقطفْ ... إوجيه التشاؤم
فيس
........ فيس
..............وفيس
........................ فيس

كم نحرت الحب وقدمته على بابك /... هدي !
مر شوف الآه وش عنده على بابي / جليس !

مختلط كلي ألم / حيره / أسى / داخل ( بدي )
مالقيت إلا طفل رتب دموعه وسط ( كيس ) !!

ماسك إحساسه .... يدندن للطريق ( ويرتدي
حزنْ ) وإحساسه تدلى من طرف إيده تعيس !

[ليال...]

تـــزعل وترجع وتـلقانـي عــــلـى خبـرك
...........وانا انكسر لك واجـــــيـك ادوّر لــجبـري

[ليال...]

لا ضاقت الدنيا عليك وتشاويت ..
...........خلق الله اللي فالرخا كان واجد
ومن العرب والصوت والثوب مليت ..
......... وقامت عليك هموم بأقعا تراجد
فارفع يديك لخالقك لا توضيت ..
......... وادعو تراك أقرب إليا صرت ساجد
ووقت من أوقاتك للأوقات توقيت ..
..........وسجل لنفسك في المساجد تواجد
وأبشر بفزعة حامي الدين والبيت ..
...........إليا هجدك من الهواجيس هاجد
اللي يميت الحي ثم يحيي الميت ..
........... لرضاه شف كثر البشر بالمساجد