بخصوص البرد القارس في القاعات , نولّع حريقة مثلاً ؟!

[تشيدام]

والله انكم صادقين ما ادري ايش الحكمة تكون المحاضره فريزر وربي صديقتي من الشرقية وتقول على قوة البرد عندهم
ما تلبس الجاكيت الي تلبسة بقاعات جامعه الملك عبد العزيز!!!
.. الله يكون بعووننا ويوفقنا وياكم

[طموحي إبداع]

بصراحة أعطيتوني فكرة عن البرد اللي بالقاعات

لانو اختباراتي جاية لازم اعمل احتياطات هع

[a aziz]

الله يعيننا على البرد

ماانسى اختبارات العام في مبنى 44 كل كلامنا عن المكيف

محد يسأل ويستفسر

الكل يطالب بتخفيض المكيف

خاصة أن فيه شيبان مايتحملون

[naif almaliki]

بالنسبة للمكيفات في قاعاتنا نحن نخفض التبريد يعني المكيف اصلا يتعامل مع درجات الحرارة فكنا نرفع الى 30 واحيانا

يطفي التكييف في القاعة واحيانا مايزبط معانا ونكلم الدكتور وينقلنا قاعة ثانية لاننا مسائي

[ساوووووووخ]

البرد في المحاضره كوم وفي اختبار كوم ثاني !!

صدقيني الموضوع مؤامره " اتكلم عن نفسي :٢: "

المبنى يكون طول الترم مسخن وودك تشيلين ثيابك كلها من الحر ،،،،ايام الاختبارات يحطون التكيف ١٠٠٪ في وجهك حتى تحسين انك بتطيرين وتصيرين مثل هايدي يوم انها ع الجبل

شوفي وقتها كيف يدك ترجف وانفك عاد قصه مع البرد وحكايه

الزبده تطلعي وانتي نص الاختبار ممكن تكوني تعرفي تحليه بس مع البرد ماقدرتي تفكري

اني اخذ جاكيت صعبه لاني اكره اشيل معايا شيء في يدي ولا استخدمه إلا مره " ويمكن ع حظي يقفلو التكيف "

بس ماينلامون عمرنا ماشوفنا غير فصلين " صيف ،،وربع شتاء " الربيع ضايع مع الخريف

يارب لك الحمد

[نبض حياة!]

^
هههههه نظرية المؤامرة ..
لا يسمعوك بس ^_*

[عبادي$]

والله من كلامكم حسيت انكم في وضع مزري !

الله يعينكم ..

دي مشكلاة المكيفات المركزيه ؟!

طيب شوفوا مكان التحكم بمستوى البروده ازا تقدروا تخفضوا درجة التبريد ..

حاولوا وجربوا يمكن تزبط معاكم ..

وعاد ازا مافيه فايده مررره خدوا جاكيتات وبجايم داخليه ..

بس المشكله ازا طلعتوا برا في الشمس الله يعينكم على الحراره ..

بروده وبعدين حراره مشكله والله !

ولا كلموا الدكتوره واضغطوا عليها قولوا لها مانقدر على كدا يادكتوره مرره الجو بارد ومانقدر على كده ..

لانو فيه ناس ماتتحمل البروده ويفقدوا التركيز !

نصيحه لاتسكتوا !

الله يعينكم والله ..

........

وعلى بعض الردود اللي مالها داعي لانهم ماجربوا نفس الوضع جالسين يتكلموا بكلام مالو داعي

يا اخي قل خير او اصمت !!


تحياتي ..

[lujain.alsagh]

المشاركة الأصلية كتبت بواسطة عبادي$ والله من كلامكم حسيت انكم في وضع مزري ! الله يعينكم .. دي مشكلاة المكيفات المركزيه ؟! طيب شوفوا مكان التحكم بمستوى البروده ازا تقدروا تخفضوا درجة التبريد .. حاولوا وجربوا يمكن تزبط معاكم .. ........ تحياتي ..

حاطين مفتاح التحكم داخل صندوق مقل القزاز لا ومسمرينه <<

<<حاولت تسوي اكشنات عشان نقدر نوصل للمفتاح الي جوا الصندوق بس المرسام طلع مايلف <<

[عبادي$]

المشاركة الأصلية كتبت بواسطة lujain.alsagh حاطين مفتاح التحكم داخل صندوق مقل القزاز لا ومسمرينه << <<حاولت تسوي اكشنات عشان نقدر نوصل للمفتاح الي جوا الصندوق بس المرسام طلع مايلف <<

لاتستسلموا

لازم تلاقوا حل !

روحوا العميده او اي مشرفه او اي دكتوره المهم لاتيئسوا ابدا

الله يعينكم ع الاجواء البارده والله

دراسه وجو بارد مرررره ماتصلح !

لازم شوية نار

[vipسحر]

لو المشكلة حلها جاكيت لبسنا اثقل جاكيتات بس برضوا مافي فايدة
والله احيان اقول ثلاجة موتى مو قاعة من شدة البرودة لدرجة ما نستوعب المحاضرة
واذا على خفض التكييف عندهم الريموت ويقدروا يخفضوا ويرفضوا حسبي الله
لما يكون في اختبار حضطر اتعجل في الاجوبة بسبب البرد
اللي شايفين انها مو مشكلة ليه دخلتوا!؟؟!!؟