جامعة زايد بدبي وجامعة الملك عبدالعزيز بجدة

[بدلعي ملكت قلوب]

المبنى ( الرابع ) سلم المبنى يهتز كلما خطوت خطوة عليه وهو ايل للسقوط بحسب ما ذكر لي على لسان (الأمن)

:

لا تقولي كل محاضراتي في هادا المبنى

:

عزيزتي افضل المباني تكون مباني الاداريات ومكاتبهم

مبنى الجوهره

استراحة 22 اللي بين الثالث والتاسع كانت خرابه زباله كانت للطالبات

ودحينا سارت شي جوناااااان بس لمكاتب الامن

المبنى التاني مبنى اداره واقتصاد اغلبوه مكاتب الاستازات والدكتورات

المبنى السادس عدلوه وسار كلوه مكاتب اداريات وممنوع جلوس الطالبات فيه

الرابع اللي يقرف واكرهوه ممنوع نجلس فيه فالممرات

وهوه اصلا مقرف كئيب

مبنى 12 عدلوه بس ممنوع جلوس الطالبات في الممرات من كل مكان يطردونا

حتى لما عملو فيه استراحه مااتهنينا فيها ع طول قلبوها مكاتب اداريات بجد يافرحه ماتمت

الكافتريات تسد النفس نظافه مافيها تلاقي الشعر فالبيتزا

ما نشوف اي اهتمام

بدل ماهما جالسين يبنو مباني مو راضيه تنتهي لها فتره طويله ومادري متى حتخلص حتخرج وهيا لسى

يروح يعدلو فالمباني الدمرانه

مبنى البتول والخنساء كل مباني الاقتصاد شي يسد النفس

مادري كيف بجد شي مو طبيعي

احلى مبنى للطالبات مبنى العلوم والباقي شي يفشل

لا تقارنو بين مباني جامعات الامارات وجامعتنا لانو بجد مافي وجه مقارنه

جامعة زايد مررررررررررررررهـ وآآآآآآآآآآآآآآآآآآآآو بجد تجنن

ولو عملنا مقارنه بين جامعتنا والكليات الصحيه وكلها فالحرم الجامعي

راح نشوف انو الكليات الصحيه مبانيها افضل بكثير من مبانينا

وممراتهم مظلله وتفتح النفس

لكن عندنا شمس فكل مكان وقرف وحر

ولو اتكلمنا عن طرق التعليم فيها ماراح يكفي اللي ابغى اقولوه

يكفي اللي ندرسوه كلوه غبره

ماينفهم منوه ولا حاجه ولا لوه داعي

اربع سنوات ودحينا بخلص الخامسه احس اني ما استفدت إلا من التدريب

كل شي نظري ولما نجي نطبق فرق بينهم

وكل مره خطه جديده شحططه ع الفاضي


خلوني ساكته احسن

[Unknown2009]

مرا واااو

مبنى يفتح النفس عن جد

[الجنراال]

بصراحة حاس انها مول تجاري موجامعه

عموما لاشك اننا نطالب بالافضل في الجوهر لا المضهر

[بشر]

نصيحه لاحد يطالع فوق شوفو الي تحتكم من الدول المجاوره وتحمدو الله بس .

[fefe]

بصراحه جامعتنا مو وحشه وتعتبر احلى من بعض الجامعات والكليات واهم شي مستوى التعليم مو شكل المباني..
اما لو كانت جامعتنا كذه وربي مااطلع منها ابيت فيها لا ويمكن كل يوم اجيب احد من اهلي يتفرج عليها خخخخخخخخخخ

[Human resources]

المشكله انها جامعه المؤسس الملك عبدالعزيز رحمه الله...يعني المفروض تكون افضل من كذا بكثير,,,,,,ولكن ومع ذلك نحمدالله على كل حال حن احسن من غيرنا من الدول المجاوره......

[مارس]

لا بس جامعه الملك عبد العزيز افضل اكادميا بكثير

وذالك على مستوى العالم

تحياتى ..

[Dondon]

مره مافي لاوجه ولا قفا للمقارنه
ايوا صح كلامكم انا السميستر اللي فات كانت كل محاضراتي في الرابع والثامن والله يجيني الرعب احس في اي لحظه حيطيح علينا المبنى وربي البنات يمشو تحس بهزه ارضيه.. بس الحمدلله دحين كلو في مبنى 420

[never hide]

420 good

[R-_-R]

جامعة الملك عبد العزيز افضل من غيرها ,, انتم لو شوفتي جامعة الطائف شطر البنات ,, والله حتبوسوا ايديكم وجهه وقفا على النعمة اللي انتم عايشينها ,,
الحمد الله على كل حال ,,