.. منع (الكدش) و(طيحني) من دخول الملاعب نهائياً

[soma al7elwa]

المشاركة الأصلية كتبت بواسطة jef619 لا مو مزح اذا انتِ او انتَ ماتعرف/ي سوما دي العضوة اغلب مشاركاتها هادفة

شهادتك هذه شرف كبير لي يا جيف

:)

________

نورث ستار مع انو ردك اتحذف بس الله يسعدك يارب

[eng. abdu]

المشاركة الأصلية كتبت بواسطة soma al7elwa هههههههههههههه حلوة تضايق اللي جنبك _______________ طيب يا عاشق هل تشوف انه الطريقة الهمجية والبدائية دي هي طريقة مناسبة للتعامل مع الأمر ترى الكبت يولد الانفجار ما تبغوا الشباب يلبسوا كدا جيبولهم ملابس عالموضة وشكلها كول وكيوت يلبسوها لومار وسراج وسندي وماركة نون وكلمة وامة واحدة و و ازا مو عاجبتنا الطريقة دي هاتوا بدائل عالموضة وخلونا نصنع الموضة بفسنا مو معقول نطالب الشباب يلبسوا ثياب طول الوقت عشان يحتفظوا بثقافتهم ونحارب الثقافات والموضات الاخرى واذا كنا بنشوف تغيير تسريحة الشعر بطريقة غريبة واننا نبين البوكسر فيها تعدي على خصوصيات المجتمع فارتداء الحجاب وتغطية كامل الجسد في بلد شديد الانفتاح هو ايضا تعدي على خصوصية هذا المجتمع ولا يحق لنا ان نلومهم عند محاربتهم للحجاب واعتباره رمز ديني وغير مرحب به فالاماكن الرسمية ___________ خارج النص شرف كبير لي ان ترى ان مشاركاتي هادفة :)

اللبس اصلا هو جينز او بنطلون و بلوزه او فلينه, يعني ما تسير حلوه و موضه الا لمن تكون طيحني و لا اي شي تاني, بالعكس الشكل الارتب و الاحلى و اللي الناس يرتاحولو هو الانسان المحترم اللي يلبس ملابس محترمه و يكون شعرو عدل مو منكش و اهبل, شوفي عقلاء امريكا و الغرب ما تلاقي احد لابس زي كدا و انا شفت فلم يتريقو على الطيحني و الهيب هوب, سافرنا تركيا ما شفنا احد لابس طيحني او الكلام الفاضي دا..

ابغى اسألك سؤال اي شكل ترتاحيلو اكثر و تحسيه انو رجال و عاقل و محترم:

هل واحد شعرو طاير و منكش و لابس فلينه بمبا و سروال طيحني و ربطات على يدو..

و لا رجل عاقل لابس توب او قميص و جينز محترم زي العالم..

[soma al7elwa]

عقلاء امريكا والغرب عاشوا سنهم وصاعوا وضاعوا واتهبلوا واتجننوا وطلعوا كل اللي فمخهم وبعدين اتعدلوا

مافي احد يحب يعيش عادي طول عمره

وصدقني ما لقوا نص الكبت اللي عندنا

على قولة نورث لو بيل غيتس كان موجود عندنا كان سابوا المايكروسوفت كلو وحطوا نقرهم فنقر الموسيقى اللي فالبداية

وترى كل اللي يلبسوا لو وست وتسريحات شعر زي الكدش وكدا دي كهم فئات عمرية صغيرة لا تتعدى الـ20 سنة

وكل سن وله لبسه

يعني لما تشوف ولد فدا العمر لابس كدا وومغير تسريحة شعره بطريقة جديدة يطلع شكلو نايس

بس مو معقولة يجيني واحد عمره 25 ولا 30 ولابس كدا

كل واحد يعيش سنه ويلبس على كيفه

ومو معقول تطلب من ولد فدا السن يكون لابس توب طول الوقت

بالنسبة لسؤالك:

رجل بالنسبة لي يعني شخص في فئة عمرية تعدت الـ25 وان كان يرتدي زي هادي الملابس وعامل شعره بطريقة زي كدا فهدا يعني انو بيعيش مراهقة متأخرة

دا اللبس مو مناسب لسنه

يكون عالموضة بطريقة تناسب سنه

اما لو كان قصدك على الشباب دول اللي في سن ال15 وال17 وال20 فأكيد افضل انهم عاملين اللي يحبوه

ازا كان يحب يعيش الرسمية بطريقة مرتبه او كان يحب الكاجوال والموضة فدا راجعله

اما انو يجيني لابس تي شيرت من الشرق وجينز من الغرب وومو مشط شعره ولا لابس ترينق خط البلدة ومعاه تي شيرت الاتحاد ولا برشلونة ب 10 ريال وشرقي فمعليش يسمحلي :s

[hanadiateiah]

^^^
Mr.Adbo ...as Miss Soma said they r mostly teenagers ....they need some understanding ..and kindness ....not to be freaked out like this and treated like animals ..a3azom Allah

[doOodee]

هههههههه بس انا ابغا اعرف دا الطيحني كيف يثبت عليهم ؟؟؟
ويسلمووو ع الموضوع دا واحسن يارب مانشوف كدا اشكال في ولا مكان مره شكلهم سووووو باااااااد

[Oxsgen]

احسن .

[البادي]

أول شي اعتذر دوبي دخلت المنتدى لأني انشغلت هذاك اليوم فما امداني أتابع الردود
بس حبيت أشكر كل من مر ورد على الموضوع وأيضاً بس حبيت أصحح حاجتين مهمتين

المشاركة الأصلية كتبت بواسطة عاشق الفهد مثال قد يكون بعيد لكن في يدور حول فكرة تقليد الشي المفيد الرسول عندما راى المسيح تصوم يوم عاشورا قال نحن اولى بهذا اليوم منهم وصامه وامر بمخالفتهم فعندما ارى شي مفيد ليس من العيب تقليد عندما اتعلم كيفية صناعة السيارات فهذا جميل لكن عندما اتعلم كيف اعمل شعري الين يصير يضايق الي جالس جنبي فهذا تحته 100 خط

الرسول رأى اليهود وليس المسيح يا أستاذ عاشق
وشكراً على مرورك وما قصرت

المشاركة الأصلية كتبت بواسطة soma al7elwa هل في شرعنا شي خاص يقول بأنه تحرم اظهار الملابس الداخلية التي تغطي ما تحتها او تغيير تسريحة الشعر عالموضة؟؟ :)

كل شي إلا الدين دايماً اغلب ردودك متناقضة! تكلمي بكل شي بس لا تدخلين الدين بكلامك عشان ما تخبصين وتجيبين العيييد أو ياليت تتثبتين بكلامك قبل ما تقولينه فقوقل ما خلى شي ماشاء الله
المهم
بالنسبة لسؤالك يوجد حديث أتذكر قلنا إياه استاذ الدين في ثالث ثنوي كان يتكلم عن أصحاب اللوست! ناسي الحديث بس فيما معناه لازم البلوزة أو القميص أو الإزار تكون مغطية اسف الظهر بكثييير يعني مغطية العورة يعني بالعربي الفصيح زي لبس الباكستانية يعني الباكستاني لو لبس بنطلون لويست ما راح يبان من عورته شي! لأنه يكون لابس فوقها قميص طويييييييل
أما بالنسبة للشعر فمن السنة تغطية شعر الرأس أياً كان الشعر سواءاً كدش وإلا مدش وإلا خدش!
أما بالنسبة لإقتراحك ما شفته بالصراحة بس أعتقد لو طبقوه بعض المساجد فراح يكون له قبول كبير من بعض الشباب بإذن الله وإلي يلبسون الفوطة بمسجد نيوكاسل كلهم سعوديون عااادي ما يستحون ولا يحزنون وهما داخلين يلبسونها قدام الناس وهما خارجين يفسخونها قدام الناس وانتهينا
وشكراً على مرورك وما قصرتِ

[soma al7elwa]

ما الامر ياسيدي البادي؟؟؟

هل كفرت لأني تسائلت ؟؟؟

في ماذا ناقضت نفسي؟؟

يعني من كلام استاذك يالبادي يحرم لبس التي شيرت والجينز العادي لانو لا يغطي اسفل الظهر بكثير؟؟؟

بالنسبة للشعر فمن السنة كما تقول تغطيته وليس من الواجب

ولا يعقل ان نستدل بشيء من السنة على التحريم

نورني الله يرضى عليك

[البادي]

يا اخت سوما بأتعشى وارد عليك إن شاء الله

[soma al7elwa]

بالعافية

:)