قروب بنات الصيفي

[حأقعد عالكاشير]

روحي للشؤون الاكاديمية تحت
اليوم كان زحمة مررررره بس البنات قدموا طلباتهم
في اوراق الحذف والاضافة والباقي على الاوادم اللي هناك يضيفولهم

[حروف البسمه]

صباح الفل والياسمين والنشاط والحيويه <<< تلعب على نفسها قلك نشاط وحيويه

كيفكم يا رب تكونو في أحسن حال دايم

حبيباتي مين حضرت اليوم محاضرات اش اخذتو ؟؟

في محاسبة منشآت متخصصه ومراجعه 2


وشكرا لكم

دمتم سالمين

[Accountant Baby]

بناات الي اخذوا حرة واختيارية..
انا سجلت عندهم يوم الربوع ولحد الآن مانزلي شي في الجدول)))؛ ..مع ان الموظفة قالتلي بنزلها السبت
فيه احد زيي

[DiAmOnD]

يساااتر ولا كأنو صيفي

حضرت منشات اخدنا جزئيه نظري وحتكملها يوم الاثنين

بناات الي حضرت مراجعه تقوولي تاريخ الاختبارات الدوري والنصفي

واايش قالتلهم

[DiAmOnD]

Accountant Baby


اليوم نادو على اسامي بنات من الي ضافو يوم الربوع عشان يضيفولهم

روحيلهم احسن ولو الماده الي تبغيها قفلت الاختياري حيوسعولك بس الحره لا

[Accountant Baby]

ياااربي وبعدين معاهم
انا حطيت مادتين ومادة ثالثة احتياط يعني كلها قفلت
وليش لازم اجيهم كل شويه هما قالو تابعي الاوديس ما قالو تعالي مرة ثانية السبت يعني عشان اضيف لازم اجيهم مرتين@:
الله يستر بس و يارب تنضافلي المواد ))':

[الدافوره]

يابنات انا دوبها انضافتلي منشات متخصصة ياريت الامورة الي راحت تقولي
اذا حددتوا مواعيد الاختبارات وايش قالت شي مهم
وكمان مالية متقدمه 1


وشكرا

[حأقعد عالكاشير]

^
^
ياعسل اليوم كتبتنا يمكن حوال 6 صفحات
بس المحاضرة ممتعة
وقالت الاختبار الدوري الاول من 25 يوم 12شعبان
والنصفي من 30 يوم 26 شعبان
وفي بحث من 5 درجات تخشي على موقع مؤسسة النقد تقرأي عن معيار الافصاح في الشركات السعودية
وبعدين تدخلي على موقع اي بنك تجاري في السعودية هنا وتجيبي منو قوائو المالية
وبس ..
والنهائي طبعا من 40
وقالت ذاكروا أول بأول لان المادة سهلة بس طويلة وتحتاج متابعة مننا
وقالت كمان حتسأل عن اللي أخذنا اليوم في المحاضرة الجاية وتكتب اسماء اللي يشاركوا معاها


المهم بخصوص كل شي يخص المادة إن شااااااااااء الله اذا ربي يسرلي
حأسوي موضوع خاص بمادة المنشآت
حأحط في المحاضرات اللي تكتبنا هيا أول بأول ان شاء الله
ويسير اي استفسار لنا في المادة او اي وحدة غابت في يوم تقدر تستفيد منو

إن شاء اله انزلو بكرة في الليل

بالتوفيق حبيباتي

[BoBy]

^
ايوه كويسه فكرتك يا حأقعد عالكاشير
يصير لو نبغا اي شي عن منشآت نستفيد من بعض فيه

[BoBy]

أنا اليوم حضرت كمان مراجعه للي تسأل
اخدت عادي حضور <<< وطبعا الحضور مقدس عند سحر لازم كل محاضره تحضر لا تغيبووو

المهم
المادة شكلها سهله يا بنات حتى سحر تقول اسهل من مراجعة 1
طبعا كتبنا كتير زي منشآت كمان
بس مره الكلام كان سهل عن المراجعة الداخلية واغلب الكلام تحسو نفسه كان في مراجعة1
خصوصا اللي اخدت معايا عند شريفه حتفتكر الكلام
كلمناها عشان تنزل محاضرات او تصور او اي شيء لانه مره تعب كتابة وكل الكلام نظري
فقالت انو خلاص في الوقت بين منشآت ومراجعه يصير حتصورلنا لو في جزئيه كبيرة واحنا نأشر معاها ولو في شيء خفيف عادي نكتب
وتقسيم الدرجات مع المواعيد :-

25 دوري 14 شعبان
30 نصفي 28 شعبان
5 على تكليفات