«乂آلملكي 乂رآآبطة جـمـ،ـهــ،ــور آآلـشـــThe Sunـــمـــس آلعآآلمــي بسكآآو 乂آلملكي 乂»

[جنوني النصر]

أول شي نحمد الله على كل حال لعل الله يجعل في الامر خير في تعثر مفاوضاتنا مع المدرب الكبير خوسيه بكيرمان .floweeer

قبل حوالي إسبوع من اليوم كان اللاعب مصعب العتيبي احد النزلاء في أحد الاجنحه الفندقيه اللي تعود ملكيتها
للوالد الله يطول بعمره بمحافظة الطائف و اليوم قبل المغادره طلبت من اخوي سلطان اننا نعمل معه مقابله بحكم
ان سلطان المدير و سمح لنا لذلك دعواتكم له بالتوفيق و السداد و فتح لنا مصعب العتيبي قلبه < وش زود الصحفيين عني :D
كان بصراحه قمة في التعامل راقي في تفكيره محترم جدا و متفهم
و تجاوب معنا بسلاسه بعد ما قلت له نصراويين الاقلاع
بدأنا بِالأسأله على بركة الله floweeer

الـلاعِب / مصعب العتيبي.
المـركز المفضل / مهاجم ثاني.
العمـر / 19 سنه
النـادي المفضل عالميـا /برشلونة الإسباني

-هلا كابتن مصعب العتيبي ممكن ناخذ من وقتك خمس دقايق لقاء
خاص بمنتدى النصراويين شبكة الاقلاع ؟
-هلا فيك و خذ راحتك .

-مصعب العتيبي مكانك حاليا المفروض كولومبيا صحيح ؟
-لعلها خيره .

-إيش؟
-بقول لك شي ..كلمني المدرب خالد القروني قبل ما تعلن تشكيلة المنتخب و قال لي بالحرف الواحـد
انت تعرف انك احد ركائز المنتخب لكن ما راح اضمك للتشكيله الا اذا تعهدت انك تغير طريقة لعبك ... قلت له ليه
قال انت تحتفظ بالكوره كثير و هذا يضر الفريق ..قلت له والله هذي
طريقتي ما اقدر اغيرها ثم نزلت التشكيله بدون
اسم مصعب العتيبي و حطت الرحال في كولومبيا .

- ما كلمك بعدها ؟
- قال لا ..بس اليوم سمعت ان هتان باهبري و المعيوف اصيبوا وراح
يستدعيني لكن ما اقدر اروح لاني امر بظروف عائليه.

-عقدك ثلاث سنوات بـ(مبلغ و قدره ) ؟
-صحيح .

-هل استلمت المبلغ ؟
-لا . لأني وقعت على العقد و قال لي بكره تجي تستلم العقد لكني سافرت .

-قاطعته وقلت له بالعـربي ضامن حقك ؟
-قال اكيد لانه عند مصدر ثقه ولو جيته على طول بيسلمني

-حاولت استفزه بخبث .. قلت ماجد انجحد ماهوب انت ؟
-قال والله انا واثق من الفلوس ولا فكرت لاني ضامن المفاوض.

-من ترشح من الفـريق الاولمبـي يكون له الاولويه بالفريق الاول و تثق بنجاحه ؟
- كلهم .

-وين تفضل تلعب في الفريق الاول او الاولمبي ؟
-اللي يختاره المدرب و ان كنت افضل الفريق الاول بسبب الجماهير و
متأكد اني لما اكون جاهز راح اكون بالفريق الاول.

-متى تكـون جاهز؟
-حاليا ان شاء الله

-إسمين و انت علق عليهم ... ايمن باحاذق ....سلمان القريني ؟
-أيمن باحاذق اعتبره سوا نقله نوعية في الفئات السنيه و عمل الكثير و رجل ما شفت منه شخصيا الا كل
خيـر و اعطانا مكـافئات أول بأول و بصراحه زرع و حصـد .
..سلمان القريني.. ما قد تعاملت معه لانه مع الفريق الاول لكنه محترم معنا في الفئات السنية.

-بينما كنا نتجاذب اطراف الحديث فتحت التويتر وشفت كلام كحيلان
يوم يقول فشلت المفاوضات ووسط رياضي مخيس و قلت له.
- رد علي كذا اعععع بعد ما كنا كاشخين فيه ..بس شكل كحيلان قافله معه.

-قلت وش رايك في السباك فرناندو ؟
- ضحك ضحكه قويه بـشهقه و قال والله انكم ظالمينه بالعكس ممتاز.

-قلت له كنتوا قريبن من اللقب الاولمبي بس وش صار ؟
-قال والله سوينا كل اللي علينا بـَس عدم تـوفيق .

-قلت له تتابع منتديات والا لا ؟
- قال لا والله ... انا احاول احافظ على نصيحة احد اخواني لا التفت للمنتديات ولآ احس اني مشهور و اشوف نفسي
على الخلق ولآ اسهر و الا بيصير مصيري مثل لعيبه كثير كانوا معنا في الفئات السنيه و ضاعوا فجأه .

قال انا لازم امشي الحين و بيننا تواصل ان شاء الله... يقول انه راح
يعتمر قبل ما يروح للرياض و شكـرني على الاستضافه و طلب مني
دعواتكم له بالتوفيق .

-تحب النصـر ؟
-أمـوت بالنصر

طابت ايامكم floweeer
v
v
منقوول

[جنوني النصر]

ههههههههههههه الله عليك يالعدوآن مجننـهم

[جنوني النصر]

بكرآ يطيبَ آلجرحَ وتزينَ آلأوضآعَ وننفضَ غبآر آلهمَ آلليَ كتمنآ

[جنوني النصر]

ما صدقت نتلاقى .. أنا ماني مصدقني

حابس فرحتي فيني .. خوفي عيوني تخدعني

.
.

[جنوني النصر]

\



الف مبروووووووووووك

الله يوفقه مع العالمي

[جنوني النصر]

تصاآآميــم للآعبنآ الجديد

م/ن

[جنوني النصر]

[جنوني النصر]

[جنوني النصر]

الكرة السعودية في أول لقاء له بعد انتقاله للنصر عنتر يحيى: متشوق للقاء جماهير النصر‎
عبد الله العلي - لايف الرياضية :








سيبدأ دوري الدرجة الثانية الألماني غدا, ويبدأ نادي بوخوم مشواره للصعود لدوري الدرجة الأولى مع كامل الاستعدادات, ولكن هذه المرة بدون المدافع الدولي عنتر يحيى والذي انتقل مساء أمس وبشكل رسمي إلى نادي النصر, وقد نشرت الصحف الألمانية عن توصل نادي بوخوم إلى اتفاقية حول الأمور المالية, و الوثائق الرسمية والتي تم توثيقها بالأمس وبشكل رسمي. وسيبدأ عنتر مهمته الجديدة مع نادي النصر في الموسم المقبل ..

وذكر موقع lebuteur بأن اللاعب سبق وتلقى عرض سعودي آخر بداية الصيف الحالي من قبل نادي أهلي جدة, لكنه رفض جميع العروض الواصلة له, بسبب تركيزه على هدف واحد وهو المساهمة في صعود ناديه بوخوم الألماني إلى البوندزليقا من جديد. بيد أن العرض النصراوي كان أكثر جدية واغراءا للاعب من الناحية المالية, ما حدا به لللإتفاق مع النادي الأصفر, وتحضيره للسفر للمملكة العربية السعودية في الأيام القليلة القادمة.

ورغم تبقي 3 سنوات على عقده مع نادي بوخوم, ورغبته في الصعود معه من جديد, إلا أن عرض نادي النصر لم يكن من ضمن العروض التي تقابل بالرفض, خاصة وأنه أفضل ماديا من عرض نادي الأهلي.

وذكر اللاعب بأنه رغم أن الدور المادي لعب دورا في قبوله للعرض النصراوي, إلا أنه لم ينه مسيرته الدولية بعد, ومصر على القتال من أجل مكانته الأساسية في المنتخب برفقة المدرب البوسني الجديد وحيد خليلوفتش.

وبتوقيع يحيى عنتر لنادي النصر يكون رابع لاعب جزائري يلعب في الدوري الخليجية بعد كلا من: عبد المالك زيايه " الإتحاد السعودي ", نادر بلحاج " السد القطري " و مراد مغني " أم صلال القطري ", وذلك رغبة من الفرق الخليجية للاستفادة من اللاعبين العرب المحترفين في قارة أوروبا.

وعبر اللاعب عن سعادته للإنتقال لنادي النصر قوله:

" سعيد لتوصلي لإتفاقية نهائية مع نادي النصر, وبالشروط التي تتماشى مع نادي بخوم ".

وأضاف اللاعب بأنه لم يوافق إلا بعد دراسة الموضوع جيدا مضيفا:

" درست العرض جيدا, واطلعت على سلبيات الإنتقال وايجابياته, ووجدت بأن الإنتقال هو الخيار الذي يناسبني. ومتشوق للذهاب للسعودية ولقاء المسئولين والطاقم الفني وزملائي, ومن ثم تقديمي للجمهور الذي أعده بتقديم أقصى جهدي ليضع ثقته بي, ولا أخيب ثقة الإدارة ".

الجدير بالذكر أن اللاعب سبق واحترف في نادي انتر ميلان الإيطالي, نيس الفرنسي و بوخوم الألماني. ومثل المنتخب الفرنسي في درجة الناشئين والشباب, قبل أن يستفيد من تغيير قوانين الفيفا وينتقل لتمثيل أولمبي الجزائر وصولا إلى المنتخب الأول وقائدا له.


http://www.livespr.com/index.php?opt...article&id=158

[جنوني النصر]

عنتر يحي : روبورتاج العربية