تجمع طالبات الجغرافيا(اللي انقبلت جغرافيا تدخل)....

[رورا الامورا]

المشاركة الأصلية كتبت بواسطة جوري جده ودحين راسله ليا رساله تانيه تقولي احذفي ماده علم انسان لانها ماراح تنزل هذا الترم وانا مانزلت دي الماده من الاساس<<<ياااربي بقطع شعري شويا

جوري مالك الا تمسكي جوال مامتك ولا بابتك ولا تليفون البيت او اي جوال وتتصلي عليهاااا عشان بجد قلقتني

[Mo0oNE]

اماا

ايش الاخباار دي خلااااص ياجوري

انا منزله علم انسان ياربي ايش احط بدالها

[جوري جده]

دقيت عليها توووي وقالت هذا من النظام نفسو مو مني هذا جدولك وانا مالي شغل فيه
يعني الجفرافيا الحيويه اذا نزلتوها مع استاذه ابتسام الغامدي لازم تغيروها وتخلوها مع استاذه ابتسام عوراي
واللي منزلين علم انسان يحذفوها وينزلو اي ماده بدالها لانها مو نازله دا الترم تنزل الترم الجاي
وانا منزله 5 مواد قالت لي ضيفي ماده نظم وبناء المجتمع السعودي مرررره سهله وترفع معدلك لانها من مواد علم الاجتماع .. وبس

[Mo0oNE]

الله يعين يعني دحين
راح احذف علم الانسان واحط المجتمع السعودي
والجغرافيا الحيويه ايش بدالها,,؟

[جوري جده]

المشاركة الأصلية كتبت بواسطة mo0one الله يعين يعني دحين راح احذف علم الانسان واحط المجتمع السعودي والجغرافيا الحيويه ايش بدالها,,؟

الجغرافيا الحيويه مابدالها شي بس تغيري الاستاذه اذا انتي مع ابتسام الغامدي
غيرها لابتسام عواري لانو مع ابتسام الغامدي الماده انحذفت

[نينا..]

ايش الاخبار هذي..

على كذا ماراح تزبط الجداوووول
الله يصبرنا بس
انا منزله حيويه مع ابتسام الغامدي.. ومافيه وقت فيه فاضيه لابتسام عواري يعني لازم اغير جدولي كلووو
ااااااه ياربي وانا ليا اسبوووع كل يوم اغير مواعيد المواد عشان ضيفوا ماده واحذفوا ماده ولما هيا مو نازله ينزلها لنا في الجدول ليييييييييييييييييييييييييييييييييييييييييه...؟

ببكي وربي

[جوري جده]

كيف انا يانينا اللي صبحت على دا الخبر
انا ابغى ابتسام الغامدي بس مشي حالك ياشيخه ايش نسوي
وكلي امرك لله

[رورا الامورا]

لا حول ولا قوة الا بالله ليييييييش قسمنا الوحيد اللي يحوس كل ترم؟؟
اللي مو قد الاداره يستقيل أحسن مايعمل أخطاء تأثر على اللي تحت أدارته وسلطته
ياررررب رحمتك يارب
قاعده استنى على ناااار يفتحو الاودس عشان اتطمن انو محد لعب في جدولي

[جوري جده]

والله انا حاسه انو قاعدين يحسو الجدول حووس دحين
من الصباح وهما قاعدين يلعبو فيه استغفر الله بس

[نينا..]

انا بداء يوس وس لي الشيطان يقولي يابنت اعتذرلي لك ترم ريحي اعصابك>>> بس باذن الله راح اغلبو

وربي بمووووت من التعب والقهر
من جد مافيه حوسه غير في قسم الجغرافيا ...


اللهم طولك ياروووح...

الله يعينا

مالنا الا الدعاء والاستغفار عشان ربي يفرج عننا كربتنا...