رحتو اليوم ؟ تعالو نفضفض

[Angelitta]

رحت اليوم الحمد لله ..

وآآآآه بس من قلب ..

مشيت كم ساعة بدون ما أجلس حتى ..

نقولهم الجدول مخرف والأودوس مقفل ..

روحي مبنى القبول والتسجيل ..

ورحت بس يا ريتني ما رحت ..

لأنو الجامعة طاحت من عيني باللي فيها إلا من رحم الله ..

أسلوب حتى مو أسلوب تتعاملي بي مع طالبة ابتدائي ما بالكم جامعية >> قالك كبرت :)

المهم طردتنا برا الغرفة ونادت السكيورتي اللي يفجعو >> حلوة بس لا تعيديها ..

وقالت بالدور حبة حبة >> على قلبي حبة حبة >> صدقوني هسترت ..

يعني فوق مية طالبة وشي عند الغرفة ويخشو وحدة وحدة ..

قعدنا مررا كتير ..

وفي النهاية تقول أنا مو مسؤولة عن الجداول ..

روحو شؤون الطالبات وإلا المركز الشامل >> أوكي من عيوني بس هدي أعصابك ..

رحت شؤون الطالبات ويا حبييبي ..

دقيت باب من راسي وورايا كتير بنات ..

وفتحتو ولقيت ناس كتير ..

الزبدة قلتلها تقدري تفتحي الأودوس من هنا قالت نو ..

طيب يعني هما قالولنا ..

عصبت وقالت مين ..

قلتلها القبول والتسجيل ، مين طيب ؟

غرفة 7 وما أعرف اسمها ..

دقت عليها ما ترد ..

قالت ارجعيلها ..

هما اللي من عندهم يتحكمو بالأودوس ..

يقفلوه ويفتحو على كيفهم وهما اللي ينزلو الجداول >> أفاا دوبي أدري ..

طيب وبعدين أحسها مو مصدقة إنهم راسليني ..

فكيتلها الباب وقلتلها إنتي كلميهم شوفي كل دولا جايين معايا من هناك ..

انفجعت وسارت تقول للي جوا شوفو البنات قد إيه ومدري إيه وتحكيهم ..

الزبدة قالتلي روحي هناك على طول غرفة المشرفة إنتي والبنات وقولولها وهيا تتفاهم معاها ..

رحت وما شفت ولا نص غرفة إلا غرفة القبو >> وقسم خفت بعدين استوعبت إنو اللام ممسوحة ..

المهم ورحنا المركز الشامل قالو ما نطبع لكم شي ..

طيب يا أمي من عيوني >> صراحة مو أنا رحت عشان كدا ما اتضاربت >> تعترف يعني ..

المهم رحت المكتبة مسوية ذكية أكيد في نت وإن شاء الله الأودوس يفتح ..

وبنت عمتي المسكينة ورايا مجرجرتها من الصبح ..

أخش تقوللي اليوم ما في نت ..

يلعن وصلت مع أبويا الهرجة ..

ولعت في وجهها ..

قلتلها إش القلة الأدب دي ..

تعالو داومو من 16 / 10 ونجي وتقفلو مباني الكلاسات وزي الكلاب قاعدين في الشمس ..

قالت ليه ؟

قلتلها أدري عنكم ..

المهم أنا عصبت وهيا المسكينة قالت أنا ما أعرف والله ..

قلتلها طيب شكرا >> قالك ترقع :)

وطلعت وأنا بموت من الحر ..

وقسم بس نمشي في الشمس ..

ومقفلين مباني الكلاسات يعني تصوروا قابلت أختي ما شاء الله بتحضر ماستر أوكي ..

أجري وأجري أقولها بألحق المحاضرة ممكن الدكتورة تجي تعرف بنفسها >> مسوية دافورة من أول يوم ..

ومنجد يعني أبا أعرف كل دكتورة لأنو لمن تعرف بنفسها حــ تبين كيف أسلوبها ومدري إيه ..

المهم والمبنى بعيد وفي النهاية مقفل وقسم شويا وأبكي ..

قلت أنا أول أقول يوم المنى أنقبل في دي الجامعة ولمن أنقبلت أستغفر الله ..

سمعوني بنات أكبر مني وضحكو >> حسيت إني لازم ألقط فيسي :)

وقالت وحدة منهم حــ تقولي أستغفر الله كتير >> إيوا والله أستغفر الله بس ..

ورجعت أمشي ..

من مدري فين الزبدة بعييييد إلين مبنى 420 ..

وجهي سار أحممممر ..

من يوم ما شافتني أختي التانية - بالرضاعة :) قالت إنتي حــ تتكرني في دي الجامعة ..

ويا حليلها ماشية ومعاها أمبريلا ومن أول تنصحني أشتري أقولها أحس شكلي يسير كااي ..

وبنت عمتي داخت عليا عندها فقر دم ..

حسيت إني فيس نحس ..

يا خي في النهاية دقيت على أخويا ( بالرضاعة ) يآخدني ..

وأنا عند الباب أقول لوحدة مدري إش هرجة أمها المهم من المسؤولات ..

قلتلها بالله يعني نداوم بكة وإلا لأ ..

قالت ليه اليوم كيف ؟

قلتلها عيب والله مقفلين مباني الكلاسات ..

والله البنات قاعدين في الممرات يستظلو >> تكفى يا عربي << من الشمس ..

ومرا حرام ..

ليه تقولو تعالو وتعيدو وتزيدو ..

قالت اركبي دي السيارتا ياخدوكي جولة تعريفية ..

ضحكت كني يعني ما أخدتها كعابي >> تقعد مع الأولاد كتير :) مدري بس
لأني ما أسمعها إلا منهم :)

المهم قلتلها شكرا لا وتقولي جيتي اليوم الإرشادي وأخدتي الفايل ..

ههاي ضحكتني حسيت أبا أبكي ..

قلتلها إيوا ..

تقول طيب خدي من دي الحلاوة >> احلفي بس ، دي الجوائز اللي كاتبينها عن اليوم الإرشادي ها ..

وحدة قاعدة جنبها قالت لا بكرة لازم تجو لو اليوم ما أخدتو شي بكرة لازم تجو ..

يوو وقسم طنشتها وطلعت وع السيارة ..

طبعا أكيد شويا إلين ما يجي من مباني الأولاد بس المهم رحنا مع أخويا ..

فطرنا من الدانوب وع البيت ..

ربي يهديها ويصلحها من جامعة ..

والحمد لله على كل حال ..

المشكلة صحباتي ما جو ما عليهم ..

ومنهم جو بس ما قابلتهم ..

لكن صراحة ..

قلتلهم وأقولكم شي واحد ..

صح إني تعبت اليوم منجد وأنا بس داومت من 8 إلين 10 ..

لكن قلتلهم ..

شوفو محد حــ يجري ورا مصلحتنا زينا ..

محد منهم جدولو زيي ..

وحتى لو كان برضو محــ يفيدوني ..

أنا اللي لازم أحضر ..

وأنا اللي حــ أنقص ..

إحنا دحين مو ثنوي جامعة >> تكفى يا كبيرة :)

المهم منجد يعني صراحة والله محد حــ ينفعنا ..

وقلت بكرة حــ أروح ..

بعدين قالولي لا تروحي ولعبو في راسي ..

وقلت بكرة ماني رايحة ..

لكن اتنين وتلوت وربوع ..

بإذن الله حــ أروح ..

والله ييسر ويوفقنا كلنا يا رب ..

وصدقوني محد حــ ينفعنا ..

ولا أحد حــ يجري ورا مصالحنا زينا >> طيب لا يكتر فهمنا :)

بس يا رب نكون كلنا طول السنوات متفائلين وعلى دا الحماس إن شاء الله ..

ونشد حيلنا ..

وربنا مــحــ يضيعنا ..

وبث >> بدري ولا محاضرة إنقلش حتى :)

بالتوفيق وتوكلو على ربنا ( ومن توكل على الله فهو حسبه ) ..

وأولويز بي سمايل >> يا شيخة أولويز وإلا :) أفضح أفضح على قولة أخويا الصغير :)

وتعالو فضفضو وقولو إش سار معاكم ..

أستناكم ..

[reem.z.a]

ههههههههههههههههههههههههههههههههههههه

والله ضحكتيني ضحك , هههههههه ..

الله يعينك والله حزنتيني , انا اختي في السليمانيه جات مطرطعه شوياا و تديني كف خخ

بس عرفت دحين معاناتها ,

و من جدد احناا المفروض ما رحنا اول يوم ما استفدنا شي غير حر وقرف > اشبك دخلتي

اجل احنا التأهيلي ايش نقول , اللي ليسا جدول مافي و مباني مافي ..

تقول طيب خدي من دي الحلاوة >> احلفي بس ، دي الجوائز اللي كاتبينها عن اليوم الإرشادي ها ..

يب الظاهر هيا دي اللي خدعونا فيها خخخخ

..
صراحه انقهرت كل وحده تصرفك عند التاانيه :@
الله يعينك ان شاء الله

[ميليسا]

ههههههههههههههههههههههههههههههههههههههه من جد هذي حالتهم

[Angelitta]

كويس ضحكتي وحسيتي بيور سيستر :)

بس على الأقل نسيتيني همي شويا ..

سؤال ؟؟

إنتي وأختك قد بعض >> أووم اللقافة يا شيخة :)

إيزي لو ما تبي تقولي ..

وإذا عن التصريفة >> ما أقول إلا الحمد لله على كل حال ..

على فكرة ..

توقيعك عجبني ..

الكلمات منجد تجي ع الجرح ..

آآه ياا رب بس إنته معانا وخلاص الحمد لله ..

شكرا ع الرد انبسطت ترى ..

الله يوفقنا ياا رب ..

[TURKI ALharbi]

هو انتى شوفتى حاجه بتكرنى بتكرنى دى مافيها كلام

[فتاة اقرأ]

ههههههههههه والله ضحكتيني الله يعينك ذكرتيني بنفسي السمستر اللي فات ما نزل لي جدول اصلا

واضطريت اروح المركز الشامل واعطيهم رقمي الجامعي عشان ينزلوه <<< ويا كثر التصريفات عندهم .

بس اول يوم عادة يكون مرة زحمة وخاصة هذا السمستر مع كركبة الاودس وتخريفاته

الحمد لله انا ما داومت اليوم مقفلين المباني !!!!!!!!!

ابغى بس اروح اعطيهم رقمي واروح بيتنا وشكلي ما بداوم غير السبت ههههههههههههههههه

السمستر اللي فات اسبوع كامل ما اخذنا شي وما بدت الدراسة الجد الا الاسبوع اللي بعده .

ممكن تستغربي من كلامي بس انا السمستر اللي فات هو السمستر الاول لي في التحضيري وهذا السمستر هو الثاني ..

[reem.z.a]

ايوا انا و اختي توأم , بس هيا سليمانيه و انا في الفرع ,

كويس عجبك :$

[loss]

وربي من جد اليوم شيء مو طبيعي زحمه وحر وقرف ومافي نظام وكل وحده لها كلمه ولا في تنظيم ولا شيء الله يعين بس

[قطعه مقطعه]

يوووووه لااحكيكم عن يووومي المتتتتتتتتتتتعب
رحت الجامعه ابي اعرف وين دوامي طبعأ انا تأهيلي قالو لي البناات في السلامه بس الاخت ماتصدق لازم تروح تتأكد بنفسهاا طلعت الساعه 10 ووصلنا الجامعه ودخلت سالت اول وحده قالت السلامه ورحت عند وحده ثانيه وهم بعد قالت السلامه وثالثه وبرضو السلااامهّ<ماتصدق بسرعه ّ< وراابعه ّ<خلالااص زودتيها ترى .المهم وخرجت وانا متأكده انو في السلامه بعد الثلاثه اللي سألتهم وطبعأ على طوول قلت خليني اروح على دوامنا الساعه 12 يبدا افكر انو في محاضرات شيي وعلى السيااره على طوووول ,,واتجهنا على السلااامه على الساعه 11 وشي وعااد شوفي انتي الزحمه والبناات طالعين من المداارس ونمشي ونمشي مرره بعيييييييد وزززززحمه واي شي ماوصلت هنااك الا على 1 ودخلت على طول افكر طافني شي الا ادخل ماافيه احد قليل مرره اللي هنااك دخلت شفت المبنى وسالت متى الدواام وبخصوص ماده زايده عندي ّ<مرره تعااملهم محتررررررررم كل اللي هنااك يناسو عليهمم طيوبين مو زي اللي في الجاامعه يووه فرق بين السمااء والارض وبعد ماخلصت كل شي خررجت بعد تعب شديد ورااحه شديده ايضاً بعد ماشفت المبنى واللي فيه < وبسس خلصت حكايتي مع اول يوم في الدرااسه

وحبيت اعقب على كلمه >صراحة والله محد حــ ينفعنا ..
بجد وربي ماحد بينفعك غير نفسك لاتقولي صحبتي ولا بنت جيراننا ولا شي مـحد بينفعنا واصلن كل البناات صارو مصللحه وووبسسسسس

وشكراً على موضوعك الحلووو على الاقل نفضفض شووي

[شناشن]

ابــــــــــــدا مااتوقعت الجامعه كذا

المشكله انى كل مااسئل وحده من الامن عن اي مبني تقول مااعرف شسلفه اجل اسئل مين
بس مرررره اليوووووم كان تعب لف في لف وحر حتي لقيت المبني الى ابى وبعدين نفس الحاله حتي لقيت الكلاس
وفي الاخر مااااافي دراسه والله قهرررر يازين المددرسه بس
الحمد لله على كل حال الله يعننا