يابنات تخصص الكيمياء و الاحياء قولولي كيف هالاستاذاات بليزز بسرعه

[أحلى حلم ...]

بسم الله الرحمن الرحيم
السلام عليكم ورحمه الله وبركاته

بليز قولولي كل حاجه عن هالاستاذات و الدكتورات من ناحيه الشرح و مساعده الطالبات و الاختبارات و شرح عربي ولا إنجلش و تنصحوني فيها ولا بليييز لا تبخلوا علي بحاجه >_<

إحياء (عملي)202 = أ.سحر + مريم
كيمياء عضويه + عملي = د. سوزان خياط

إحياء عام 202 = د. إبتسام + فاطمه

أمن وسلامه = د. منى الشاذلي

وراثه عامه (عملي ) = د. لينا + أ. ناجيه

بيلوجيا الخليه = د. نفيسه باطرفي

وراثه عام = د. منى الشريف

حيوان عام (عملي )= د. بدريه عسيري

__________________________________

كيمياء عضويه + عملي =د. إيمان الجندي

إحياء عام 202 (عملي ) = أ. مياده + أ. حليمه

إحياء عام = د. عبير + د. مي

أمن وسلامه = د. الجوهره بن دهيش

وراثه عام = د. سلوى + منى الشريف

_________________
يلا انا بنتظاركم ربي يسعدكم لا تتاخروا علي ...
و إذا تقدروا تسألوا صحباتكم عن الاستاذات اللي ماتعرفوهم علشان تساعدونا
وربي يعيننا و يسهل لنا اللي فيه خير

[أحلى حلم ...]

للرفـــــــــــــع

[dooodah]

صباح الخير ..

ولله انا دكتورة منى الشريف درستني احيا حيوان فالسنة التحضيرية ..

وبصراحه طيبة مرررة ..

بس كشرح والله كانت تقرا الي مكتوب فالكتاب ..

فكنا ماننتبة لها لان كله موجود فالكتاب..بس الرسم لا نرسم معها عشان اوضح من الكتاب وبس

هذا الي عندي :)

dooodah

[Dr.sarona]

وعليكم السلام ورحمة الله وبركاته

المشاركة الأصلية كتبت بواسطة أحلى حلم ... إحياء عام 202 = د. إبتسام + فاطمه د:فاطمه مرره كويسه بالشرح اكتبي معاها وتاشر كمان بالكتاب واسألتها حلوه وصريحه أمن وسلامه = د. منى الشاذلي خليكي مررره شطوره معاها تطلب مشاركات وتبغاكي تكون معاها توب وراثه عامه (عملي ) = د. لينا + أ. ناجيه د:لينا تشرح بامانه بعد ماتدخل مستحيل تدخلك ممكن تسمحلك تدخلي بس بدون حضور تحسبك غايبه انصحك تدخليلها >>كنت اسويها اهم شئ تفهمي اسألتها بالتمام من محاضراتها بيلوجيا الخليه = د. نفيسه باطرفي درستني معمل بس كان صوتها شويتين واطئ يعني ركزي معاها تمام وتساعد بالاختبار مره كثير حيوان عام (عملي )= د. بدريه عسيري درستني رخويات كانت تمام بالمحاضره بس شئ واحد ينرفز تكون بالاول تروح للاخر >يمكن عشان الملزمه ملخبطه وبالمحاضره لا تنرفزيها ترى تسوي حركااات __________________________________ إحياء عام = د. عبير + د. مي د:مي لا يعلى عليها ابدا -الله يحفظها- أمن وسلامه = د. الجوهره بن دهيش نامي تمام قبل ماتدخلي المحاضره لانو التثاؤب ممنوع والكتابه ممنوع ولا تطالعي بغير وجهها بس الماده دي مادرستها بس اسألتها تمام وراثه عام = د. سلوى + منى الشريف د:سلوى ماتاخد حضور وغياب وشرحها تمام والاسئله من محاضرتها _________________

[غدا افضل]

صراحتنا ماعرفت غير

كيمياء عضويه + عملي = د. سوزان خياط

وماشاء الله تبارك الرحمن شرحها روووعه

وكان في كتاب وملزمه البوربوينت حق المحاضرات وكل الاسئله من الاثنين بس

انت ااذ فهمت معاها تحلي كويس وتحب المشاركه وتتفاعلي معاها في المحاضره

والله يوفقك

[{،،Rind،،}]

انا درستني ايمان الجندي..لما كنت تحضيري..
كيمياء
كم محاضرهـ بس بعدين ربي رحمنا منها...وجابولنا وحدهـ ثانيهـ

بصراحهـ تطفش..
انا ماكنت احضرلها..
لانها ماتاخذ حضور وغياب ..<<هذا همها..
ولما تشرح معادلهـ او مسألهـ
تحلها كاملهـ وتقوول سهلهـ مفهومهـ...
تعقدنااا منها...
بس ان شاء الله ذي السنهـ تتعدل...لانها راح تدرسني كمان خخخخخخخخخخخ


ايوهـ صح نسيت اقولكـ شرحها انقلش والاختبار كان عربي...
اهم شي جيبيلها النشاطات والـ واجبات,,,

[أحلى حلم ...]

الله يستر من إيمان الجندي اليوم قابلتها لاكن ما أعتقد إن شرحها إنجلش ؟ بليز إنتي متأكده ؟!

وكيف كانت تشرح تفهم و تساعد و الانجلش في كل الشرح ولا أيه ؟!

وجزاكم ربي كل خير و ربي يحقق لكم كل طموحاتكم يالغوالي

لاكن ياليت تقولولي كمان كيف هذولي و تسالولي بنات الكيمياء عنهم إذا ماعرفتوهم

د.سوزان خياط<<<كيمياء عضوي

د. إيمان الجندي <<<كيمياء أبغى كل شيء عنها و خاصه الشرح تفهم ولا لا ؟!

د. هند الزهراني<<<كيمياء عضوي

د. فاطمه عطرجي <<<كيمياء عضوي او أحياء عامه

أ. حورا أو حواء هوساوي << ثقافه

د. فايقه الغامدي <<أمن وسلامه

د. خديجه العمودي <<<وراثه عامه

د. نوره الزهراني <<وراثه

بنتظاركم ربي يسعدكم ......

[أحلى حلم ...]

كيمياء عضويه + عملي = د. سوزان خياط وماشاء الله تبارك الرحمن شرحها روووعه وكان في كتاب وملزمه البوربوينت حق المحاضرات وكل الاسئله من الاثنين بس انت ااذ فهمت معاها تحلي كويس وتحب المشاركه وتتفاعلي معاها في المحاضره

كيف شرحها كويس و تفهم و تساعد ولا لا ؟
وهيه كبيره في السن ولا عاديه زي الدكتوره إيمان الجندي ؟؟
وهيه تستخدم الانجلش في شرحها وتجيب في الاختبار ولا لا ؟

[أحلى حلم ...]

وكمان هالدكتورات <<< جننتيهم

د . إبتسام <<< إحياء عامه

أ.ناجيه <<< وراثه

د. عبير <<< إحياء عامه

د. منى الشريف <<< كيف كانت تطلب البيانات للرسم بالانجلش ؟! ولا تحب العربي

[حلا الورد]

للرفع << كمان انا ابغى اعرف عنهم ..