'' تجمع دفعة Med14 ''

[بشائر الفرح =)]

السلام عليكم ورحمة الله وبركاته

كيف حالكم جميعاً


بدايةً

حابه أبارك لكل الدكاتره والدكتورات الجدد قبولهم ف كلية الطب

ألف ألف مبروووووووووك

إجتهدتوا ونلتوا


والموضوع هذا مفتوح عشانكم
عشان تتجمعوا فيه وتتناقشوا



كل دكتور / دكتوره
يعرفنا بنفسه وفي أي فرع إنقبل ؟
وايش يتمنى يتخصص ف المستقبل وإن كان بدري ع السؤال هههه ؟
وليه ؟


تقدروا تسألوا كمان لو حابين


وأهلاً بالدكاتره :)

[دايخ200]

الله يباارك .. بجد يوم كنا ننتظرة من زمان !
ونعد الايام لحدت ما وصلنا لهنا وهذا كله بفضل من الله

كل دكتور / دكتوره يعرفنا بنفسه وفي أي فرع إنقبل ؟ وايش يتمنى يتخصص ف المستقبل وإن كان بدري ع السؤال هههه ؟ وليه ؟

انا الحمدلله انقبلت في الفرع الرئيسي مع انه ابدا ما كانت حتفرق معايا
لو كنت في الرئيسي ولا في عسفان ~
والتخصص المستقبلي حاليا " انف واذن وحنجرة " لانه جامع ما بين الطب
الباطني والجراحي .. وعندي احساس 90% انه بعد ما اتخرج من الكلية بتتغير
وجهة نظري وبحب تخصص ثاني خخخخ
..

طيب سؤال الحين في اجازات اليوم الوطني واجازات الامطار حنداوم فيها؟
لان كثير قالوا مح تتهنوا فيها فماني عارف قصدهم هل قصدهم بنداوم فيها ولا وقتها
بيكون مذاكرة !؟

[AoDi]

في احد عندو فكرة عن المشكلة في الفارما بالنيبة للخطة الحالية...؟ اشرحو المشكلة

و هل نحن تبع خطتمك و لا راح يسوو خطة اجدد كمان..؟

اش هو المديول ولو في اشيا ثانية غريبة ممكن تعطونا خبر..؟؟


شكرا

[Dr.feras mi]

اولا مبروك للجميع القبول فى الكلية
بالنسبة للاجازات نحنا زي الناس ﻻ تخاف كل الا راح يصير بعد الاجازة ممكن يعوضوا المحاضرات الا راحت ( للامطار والإجازات المفاجئة )

ما اعرف مشكلة الفارما مين قال انو فى مشكلو اصلا ؟؟!!

المديول هو عبارة عن سستيم في الجسم زي القلب او الاعصاب او الجهاز الهضمي تاخدوه فى مدة 3 الى 6 اسابيع تدرسوا فيها كل ما يتعلق بالسستيم من مواد مثل التشريح و الفارما ووظائف الأعضاء

اتمني انكم فهمتوا شرحي البسيط 😊

[أُنـثــﮯ مـــلآئـكيـة]

الله يبارك فيكي

انقبلت طب بشري انتظام الحمدلله =)
بالنسبة للتخصص ان شاء الله بدرس مخ واعصاب

[حآول تفتكرني]

الله يباركك فيك ..
من ناحية التخصص ما ففكرت , ان شاء الله راح احدد مع الدراسة

سؤالي : وش الكتاب الي تنصحوني ابدأ بمذاكرته نظرا لصعوبته او لضيق الوقت ؟؟؟؟

[A9el]

الحمد لله انقبلت الفرع الرئيسي انتظام، من ناحية التخصص مافي شي معين،
عندي سؤال بالنسبة للكتب اختي med11 وكل الكتب والمراجع موجودة تكفي؟ ولا يحتاج نسخ اجدد؟

[x3bade]

الله ابارك فيكي
والحمدالله انقبلت في الفرع الرئيسي موازي
والله ما تعرفو قد إيش متحمس للدراسه <<<نعم عارف حندم على الكلام الي قلتو
بس بالنسبه للسكرب ايش افضل محل ممكن نشتري منو كخامه واسعار
وعلى كم اسعارها؟وهل التفصيل افضل من الجاهز؟
وهل تنصحوني اشتري من دحين يعني بدري بدري عشان المقاسات ما تنتهي ولا كيف؟
واتوقع انو عادي ألبس اي لون ولا؟
ياريت تفصلولنا موضوع اللبس

[Entity]

المشاركة الأصلية كتبت بواسطة x3bade الله ابارك فيكي والحمدالله انقبلت في الفرع الرئيسي موازي والله ما تعرفو قد إيش متحمس للدراسه <<<نعم عارف حندم على الكلام الي قلتو بس بالنسبه للسكرب ايش افضل محل ممكن نشتري منو كخامه واسعار وعلى كم اسعارها؟وهل التفصيل افضل من الجاهز؟ وهل تنصحوني اشتري من دحين يعني بدري بدري عشان المقاسات ما تنتهي ولا كيف؟ واتوقع انو عادي ألبس اي لون ولا؟ ياريت تفصلولنا موضوع اللبس

في محل في شارع البترجي "عند مستشفى السعودي الألماني"
اسمه أطباء المستقبل أظن
يمكن تلقى عندو

الترم الاول قد ايش الدوام ؟

[x3bade]

^^^
ترا في كذا محل
لكن انا الي اقصدو ابغى دكاترتنا الأفاضل الي من med13 ونازل اقترحو علينا محل ابيع شيء نظيف وفي نفس الوقت بسعر معقول
لكن على العموم الله اعطيك العافيه

اتوقع اتوقع الدوام يا حيكون من 8-4 او 8-3
والله الدوام باين عليه مرهق لأبعد الحدود
الله استر بس