خريج (وبتعلم لغة)ماهو أفضل معهد تعليم لغة انجليزية بالرياض..ومارايكم بمعهد الزرقاء

[أميرة الورد2010]

حتى انا مهتمه بتطوير لغتي الانجليزية ومتابعه معاكم لأني بصراحه سمعت عن اللي في السفارات ووحده من صديقاتي درست فيه وعلى كلامها تقول انه ماخذ سمعه عالفاضي وانا كنت ناويه اسجل فيه رغم انه بعيد وجت هي بكلامها خلتني اشيله من راسي :( والخليج مدري عن قسم الرجال بس فيه ثنتين دخلو فيه اعرفهم ويقولون ما استفادو شي لأن كلاساتهم زحمه ويشرحون بالعربي ببعض الاحيان واحترت أكثر وين اروح :(

[ahmed alshammari]

سبحان الله وبحمده سبحان الله العظيم

اللهم صلى على محمد وعلى أله وصحبه اجمعين

صلوا على النبي صلى الله عليه وسلم

[أميرة الورد2010]

اللهم صل وسلم على نبينا محمد وعلى آله وصحبه وسلم

[ahmed alshammari]

اللهم صلي على نبينا محمد صلى الله عليه وسلم

[wolf-999]

هههههههه اللهم صل وسلم على نبينا محمد

دامكم متحمسين اجل بعطيكم تجربتي مع معهد (وول ستريت)

في البداية سألت وبحثت عن المعاهد في النت وحصلت موضوع رائع في احد المنتديات يتحدثون فيه عن تجاربهم مع المعاهد

واخذت فكرة مبدئية عن المعاهد وزرت بعض المعاهد بناء عليها , وخرجت بخلاصة ان الافضل من ناحية الفائدة
- اكاديمية الفيصل العالمية
- المجلس البريطاني للغات بحي السفارات < ما هضمته مدري ليش بس اغلب الناس تمدحه

بالنسبة لي انحصرت اختياراتي في اكاديمية الفيصل العالمية ومعهد وول ستريت
وبتكلم عن هالمعهدين وليش فضلت وول ستريت بالرغم اني ارى ان اكاديمية الفيصل افضل

بالنسبة لاكاديمية الفيصل العالمية ..
- كل مستوى ياخذ شهر وتاخذ عليه شهادة , واذا درست عندهم 7 مستويات يعطونك شهادة دبلوم عليها < ميزة حلوة
- في المستويات الاولى للمبتدئين المعلمين عرب وفي المستويات المتقدمة اجانب < وهذي من اكثر الميزات اللي عجبتني
بحيث انك تأسس نفسك في البداية مع معلم عربي تفهمه ويفهمك ويشرح لك الاشياء اللي تصعب عليك وتحفظ الكلمات ثم
بعدها انطلق مع المعلمين الاجانب في المستويات المتقدمة
- الدوام في المعهد 4 ساعات يوميا من الساعة 5 العصر الى 9 المساء ماعدا يومين الجمعة والسبت والحد الاقصى
المسموح لك بالغياب فيه 5 ايام فقط للمستوى < وهذا سبب عدم تسجيلي عندهم لان دوامهم مرهق جدا خاصة اذا كنت
موظف او تدرس بيكون صعب عليك ترجع من الدوام الظهر ثم تروح العصر للمعهد الى الساعة 9 يعني بيروح يومك
بين دوام ومعهد

بالنسبة لمعهد وول ستريت ..
- خلصت عندهم حتى الان مستويين نظامهم مختلف جدا عن بقية المعاهد , يعني المستوى الواحد فيه 4 وحدات كل وحدة فيها
3 دروس , الدروس هذي ما تاخذها مع المدرس , تاخذها مع الحاسب في المعمل وبعد ما تخلصها تروح للمدرس في فصل مع
عدد لا يتجاوز 5 طلاب ويراجع لكم فيه الاشياء اللي اخذتوها في الدروس ال3 اللي مع الكمبيوتر ويوضح الاشياء الغامضة
ويقيمكم فيها ويوضح لكم نقاط الضعف اللي عندكم ويصحح الكتاب لانه مفروض انك تكون حليت الاسئلة اللي فيه
- طبعا الدروس تاخذ كل درس في يوم ومو مسموح لك تاخذ اكثر من درس في اليوم والدرس الواحد ياخذ منك ساعة ونصف
تقريبا وتقدر تاخذه في أي وقت هم فاتحين من الساعة 9 الصباح الى 10 الليل تعال في أي وقت يناسبك وادخل المعمل
وخذ الدرس يعني منت مرتبط بوقت معين وحضور وتاخر ووجع راس وهذي من اكثر الميزات اللي اعجبتني
- الدروس اللي في الحاسب عبارة عن ملتيميديا بحيث انك تشوف شخصيات مثلا رايحين للمطعم ويطلبون وكذا بس
المشكلة انها صور ثابتة وتسمع اصواتهم يعني ما تشوف مقطع تمثيلي وتشوفهم وهم يتحركون يعني بعض الاحيان تنلخم
من اللي يتكلم فيهم الحين ههههه , طبعا فيه تمارين ومحادثات بحيث انك تتكلم وتسمع صوتك وتقارنه بالنطق
الصحيح للشخصيات
- فيه شي اسمه cc وهو اختياري تقريبا كل اسبوع او اسبوعين تحضره مع مجموعة من الطلبه مع مدرس وتسولفون في
مواضيع عامة , وبعض الاحيان يشغلون في استراحة الكوفي فيلم ويطالعون مع بعض < بس انا ساحب على ذولي هههه
- المدرسين في المعهد كلهم اجانب 2امريكان وكندي وبرازيلي وتعاملهم حلو والحصص اللي معهم حلوة وناخذها
بفرفشة ووناسة بالانجليزي طبعا
- يحسبون لك المستوى الواحد مدته شهرين ويعطونك عليه شهادة والطلاب يخلصونه في شهر ونصف واذا انت منتظم
تقدر تخلصه في 5 اسابيع ثم تبدا في المستوى اللي بعده مباشرة
- طبعا الحضور على كيفك مو لازم تجي يوميا يوم ورا يوم او يوم وتريح يومين على راحتك بسبب انهم حاسبين لك
مدة المستوى اكثر من اللازم , واذا حصل لك ظرف تقدر تسحب عليهم الى 3 اسابيع محد يسال عنك <من الاشياء اللي عجبتني
- بشكل عام المعهد مفيد في الليسننق والريدينق , وما اعجبني من ناحية القرامر والكلمات لان الكلمات اللي يعطونك
قليلة وتحس انها ما تكفي لاكتسابك اللغة ممكن تضطر تحفظ كلمات من خارج كتابهم

اتمنى لكم التوفيق واتمنى اني اكون افدتكم

,,

[أميرة الورد2010]

مشكووووووووووووووووووووووور اخوي عالمعلومات القيمه هذي افدتنا كثير بصراحه ... من ناحية الدوام فعلا دوام اكاديمية الفيصل متعب بس محدودية الفائده من وول ستريت تخليني افضل اني افكر بأكاديمية الفيصل لأني ابي شي يصقل اللغه الانجليزيه عندي بشكل ممتاز كتابة وتحدثا وقراءة مو فقط تحدث واستماع شكرا جزيلا لك ساعدتنا كثير

[ahmed alshammari]

المشاركة الأصلية كتبت بواسطة wolf-999 هههههههه اللهم صل وسلم على نبينا محمد دامكم متحمسين اجل بعطيكم تجربتي مع معهد (وول ستريت) في البداية سألت وبحثت عن المعاهد في النت وحصلت موضوع رائع في احد المنتديات يتحدثون فيه عن تجاربهم مع المعاهد واخذت فكرة مبدئية عن المعاهد وزرت بعض المعاهد بناء عليها , وخرجت بخلاصة ان الافضل من ناحية الفائدة - اكاديمية الفيصل العالمية - المجلس البريطاني للغات بحي السفارات < ما هضمته مدري ليش بس اغلب الناس تمدحه بالنسبة لي انحصرت اختياراتي في اكاديمية الفيصل العالمية ومعهد وول ستريت وبتكلم عن هالمعهدين وليش فضلت وول ستريت بالرغم اني ارى ان اكاديمية الفيصل افضل بالنسبة لاكاديمية الفيصل العالمية .. - كل مستوى ياخذ شهر وتاخذ عليه شهادة , واذا درست عندهم 7 مستويات يعطونك شهادة دبلوم عليها < ميزة حلوة - في المستويات الاولى للمبتدئين المعلمين عرب وفي المستويات المتقدمة اجانب < وهذي من اكثر الميزات اللي عجبتني بحيث انك تأسس نفسك في البداية مع معلم عربي تفهمه ويفهمك ويشرح لك الاشياء اللي تصعب عليك وتحفظ الكلمات ثم بعدها انطلق مع المعلمين الاجانب في المستويات المتقدمة - الدوام في المعهد 4 ساعات يوميا من الساعة 5 العصر الى 9 المساء ماعدا يومين الجمعة والسبت والحد الاقصى المسموح لك بالغياب فيه 5 ايام فقط للمستوى < وهذا سبب عدم تسجيلي عندهم لان دوامهم مرهق جدا خاصة اذا كنت موظف او تدرس بيكون صعب عليك ترجع من الدوام الظهر ثم تروح العصر للمعهد الى الساعة 9 يعني بيروح يومك بين دوام ومعهد بالنسبة لمعهد وول ستريت .. - خلصت عندهم حتى الان مستويين نظامهم مختلف جدا عن بقية المعاهد , يعني المستوى الواحد فيه 4 وحدات كل وحدة فيها 3 دروس , الدروس هذي ما تاخذها مع المدرس , تاخذها مع الحاسب في المعمل وبعد ما تخلصها تروح للمدرس في فصل مع عدد لا يتجاوز 5 طلاب ويراجع لكم فيه الاشياء اللي اخذتوها في الدروس ال3 اللي مع الكمبيوتر ويوضح الاشياء الغامضة ويقيمكم فيها ويوضح لكم نقاط الضعف اللي عندكم ويصحح الكتاب لانه مفروض انك تكون حليت الاسئلة اللي فيه - طبعا الدروس تاخذ كل درس في يوم ومو مسموح لك تاخذ اكثر من درس في اليوم والدرس الواحد ياخذ منك ساعة ونصف تقريبا وتقدر تاخذه في أي وقت هم فاتحين من الساعة 9 الصباح الى 10 الليل تعال في أي وقت يناسبك وادخل المعمل وخذ الدرس يعني منت مرتبط بوقت معين وحضور وتاخر ووجع راس وهذي من اكثر الميزات اللي اعجبتني - الدروس اللي في الحاسب عبارة عن ملتيميديا بحيث انك تشوف شخصيات مثلا رايحين للمطعم ويطلبون وكذا بس المشكلة انها صور ثابتة وتسمع اصواتهم يعني ما تشوف مقطع تمثيلي وتشوفهم وهم يتحركون يعني بعض الاحيان تنلخم من اللي يتكلم فيهم الحين ههههه , طبعا فيه تمارين ومحادثات بحيث انك تتكلم وتسمع صوتك وتقارنه بالنطق الصحيح للشخصيات - فيه شي اسمه cc وهو اختياري تقريبا كل اسبوع او اسبوعين تحضره مع مجموعة من الطلبه مع مدرس وتسولفون في مواضيع عامة , وبعض الاحيان يشغلون في استراحة الكوفي فيلم ويطالعون مع بعض < بس انا ساحب على ذولي هههه - المدرسين في المعهد كلهم اجانب 2امريكان وكندي وبرازيلي وتعاملهم حلو والحصص اللي معهم حلوة وناخذها بفرفشة ووناسة بالانجليزي طبعا - يحسبون لك المستوى الواحد مدته شهرين ويعطونك عليه شهادة والطلاب يخلصونه في شهر ونصف واذا انت منتظم تقدر تخلصه في 5 اسابيع ثم تبدا في المستوى اللي بعده مباشرة - طبعا الحضور على كيفك مو لازم تجي يوميا يوم ورا يوم او يوم وتريح يومين على راحتك بسبب انهم حاسبين لك مدة المستوى اكثر من اللازم , واذا حصل لك ظرف تقدر تسحب عليهم الى 3 اسابيع محد يسال عنك <من الاشياء اللي عجبتني - بشكل عام المعهد مفيد في الليسننق والريدينق , وما اعجبني من ناحية القرامر والكلمات لان الكلمات اللي يعطونك قليلة وتحس انها ما تكفي لاكتسابك اللغة ممكن تضطر تحفظ كلمات من خارج كتابهم اتمنى لكم التوفيق واتمنى اني اكون افدتكم ,,

الله يوفقك أخوي ومشكوووور على الرد المتميز والمفصل وياليت توضح لنا كم رسوم التسجيل ورسوم كل مستوى واين موقع في الرياض

[wolf-999]

بالنسبة للرسوم تقريبا وول ستريت اعلى من باقي المعاهد لكن كل فترة يسوون عروض

انا سجلت عندهم وقت كان فيه عرض وحسبوا لي المستوى ب 1600 ريال تقريبا

بالنسبة للموقع لهم فرعين في الرياض واحد في الدائري الجنوبي والثاني في طريق الملك عبدالعزيز

فيه نقطة مهمة ابي اوضحها ، اكتساب اللغة يعتمد بنسبة كبيرة عليك بغض النظر عن المعهد اللي
تدرس فيه سواء كان وول ستريت او اكاديمية الفيصل او غيرها ، لازم تحفظ كلمات في البيت وتراجع
القرامر وتمارس اللغة ، ممارسة اللغة اهم نقطة في اكتساب اللغة ، اذا كنت ناوي بس تتعلم في المعهد
واذا طلعت ماراح تراجع في البيت ولا تمارس اللغة فأنصحك توفر فلوسك

بالتوفيق للجميع

،،

[بنكي..بنك الرياض]

أخواني من واقع تجربه وهذي نصحية اخ لاخوه

المعاهد بالنسبه للاختلاف من ناحية المدح والذم تعتبر شخصيه للاسف البعض يسب المعهد وهو اصلان ماهتم بالدراسه

لان اللغه تطلب منك حاجتين الا وهي الجهد والمثابره

واحد خاش يطقطق كيف بالله يبي يتعلم َ؟؟

ماننسى انه 50 عليك و50 على المعهد

لكن انا بعطيكم تجربه بدون دفع المال والخساير والمعاهد وهذي واقعه من تجربتي فيها وهي تجربتين وهي :

1- انجليش تاون : جدااا رائع لاعلى درجه لانها تشمل القواعد,والكتابه,والمحادثه,والقراءه
والله ياخوان انهم في قمة الروعه وللمعلوميه جامعة السعوديه الالكترونيه تدرس طالبها منه وايظا البنوك من ضمنها بنك الرياض

2- وهذا راح يوفر عليك الفلوس وهي تعتمد على نفسك وهو كتاب الانجليزيه لجميع المستويات للمؤلف احمد ممدوح الصغير
كتاب في قمة الروعه وطريقة شرحه للقواعد جدا سهل وحلوه يعني غصب تفهم وكانه مدرس جالس يدرسك لكن يتطلب منك الجهد بالتعلم وتعطي نفسك نصف ساعه للتعلم
انا اتحداء احد يقراء الكتاب ويقول ماعجبني وراح تشوفون وعلى فكره ينباع بجرير وتقدر تتفحصه وتشوف محتوياته قبل ماتشتريه
العجيب ان الكتاب في بدايته يعلمك المؤلف كيف طريقة دراسته ومسوي ملاحظه في فصل الثالث انه لابد حفظه من ظهر قلب لانه على حسب كلامه راح يفك معك صعوبة اللغه
اما الباقي فهم من وجهة نظري الافضل الاختيار الثاني لانه كتاب سهل وبسيط

ملاحظه : لاتنسى تعتمد على كثرة الاستماع من الاذاعات الامريكيه عبر الهواتف الذكيه وقراءة القصص القصيره وتحصله بجرير عط وقتك من هالاشياء وصدقوني راح تدعون لي

*في اذاعة بالاف ام الي من الرياض باللغه الانجليزيه وترددها 9.7
تحياتي لكم

[ahmed alshammari]

المشاركة الأصلية كتبت بواسطة بنكي..بنك الرياض أخواني من واقع تجربه وهذي نصحية اخ لاخوه المعاهد بالنسبه للاختلاف من ناحية المدح والذم تعتبر شخصيه للاسف البعض يسب المعهد وهو اصلان ماهتم بالدراسه لان اللغه تطلب منك حاجتين الا وهي الجهد والمثابره واحد خاش يطقطق كيف بالله يبي يتعلم َ؟؟ ماننسى انه 50 عليك و50 على المعهد لكن انا بعطيكم تجربه بدون دفع المال والخساير والمعاهد وهذي واقعه من تجربتي فيها وهي تجربتين وهي : 1- انجليش تاون : جدااا رائع لاعلى درجه لانها تشمل القواعد,والكتابه,والمحادثه,والقراءه والله ياخوان انهم في قمة الروعه وللمعلوميه جامعة السعوديه الالكترونيه تدرس طالبها منه وايظا البنوك من ضمنها بنك الرياض 2- وهذا راح يوفر عليك الفلوس وهي تعتمد على نفسك وهو كتاب الانجليزيه لجميع المستويات للمؤلف احمد ممدوح الصغير كتاب في قمة الروعه وطريقة شرحه للقواعد جدا سهل وحلوه يعني غصب تفهم وكانه مدرس جالس يدرسك لكن يتطلب منك الجهد بالتعلم وتعطي نفسك نصف ساعه للتعلم انا اتحداء احد يقراء الكتاب ويقول ماعجبني وراح تشوفون وعلى فكره ينباع بجرير وتقدر تتفحصه وتشوف محتوياته قبل ماتشتريه العجيب ان الكتاب في بدايته يعلمك المؤلف كيف طريقة دراسته ومسوي ملاحظه في فصل الثالث انه لابد حفظه من ظهر قلب لانه على حسب كلامه راح يفك معك صعوبة اللغه اما الباقي فهم من وجهة نظري الافضل الاختيار الثاني لانه كتاب سهل وبسيط ملاحظه : لاتنسى تعتمد على كثرة الاستماع من الاذاعات الامريكيه عبر الهواتف الذكيه وقراءة القصص القصيره وتحصله بجرير عط وقتك من هالاشياء وصدقوني راح تدعون لي *في اذاعة بالاف ام الي من الرياض باللغه الانجليزيه وترددها 9.7 تحياتي لكم

ماقصرت أخوي والله يوفقك