هل يمنع حضوري في اي يوم

bebo almadani · #1 24-09-2009, 03:29 AM

السلام عليكم ورحمة الله وبركاته

كيف الحال؟

انا اول سنه ليا بالجامعه وعندي كم استفسار

اول شئ متى تنزل الجداول؟؟؟

لازم اخذ بطاقتي الجامعيه عشان يفتح عندي الاودس ؟؟؟

ممكن اروح الجامعه في اي وقت يعني ممكن يدخلوني ؟؟؟

وبس.....

جزاكم الله خير

NinaSky · 24-09-2009, 03:45 AM

وعليكم السلام ورحمة الله وبركاتهـ

ياعسل الجداول حتنزل تاريخ 14 -10 يعني لمن تفتح الجامعة

ولازم يكون معاكي بطاقتك الجامعية عشان تفتحي الاودس لانك لمن تستلمي البطاقة الجامعية

يكون فيها رقمك الجامعي اللي عن طريقو ممكن تدخلي على الاودس ^^

واخر سؤال أنا كمان نفسي أعرف اجابتو

هل ممكن نروح الجامعة في أي يوم ولا بس في الايام المخصصة للدورات التأهيلية ؟

طيب انا أختي خطة (ب) ودوراتها التأهيلية قبلي

وحابة اني أروح معاها عشان أرافقها وفي نفس الوقت اتعرف على الجامعة كويس

وتروح مني الرهبة اللي بأعاني منها دحين >> حالات ^^"

bebo almadani · 24-09-2009, 03:58 AM

يعني حضرتك محتاره زي ما انا محتاره

طيب بالنسبه للدورات التأهيليه ممكن كلنا نروحها ؟؟؟

نيلوفر · 24-09-2009, 04:01 AM

السلام عليكم ورحمة الله وبركاته
لوسمحتي اختي ايش هي الدورات التاهيليه؟

bebo almadani · 24-09-2009, 04:13 AM

وعليكم السلام ورحمة الله وبركاته

والله اختي انا مني عارفه ايش هيا بالضبط بس اللي اعرفه انها تدريب وتعريف بالمواد
وطرق الدراسه

والله اعلم

NinaSky · 24-09-2009, 04:14 AM

بيبو :

اللي يسجل في الدورة التأهيلية هوا اللي يحضر

مستحيل تدخلي الدورة التأهيلية وانتي ماسجلتي فيها

وان شاءالله لمن ينزل الجدول وقتها نقدر نسجل فيها

وخطة (أ) مواعيد دوراتهم التأهيلية غيـر عن مواعيد الدورات التأهيلية لخطة (ب)

وهيا دي المشكلة اللي تواجهني انا واختي عشان المواصلات كمان ^^"

نيلوفر : الدورات التأهيلية هيا دورات مساعدة لطلاب وطالبات الانتساب

ومدتها شهر تقريبا والتسجيل فيها اختيآري بعد نزول الجداول

والأفضل انك تسجلي فيها من بدري في بداية الترم عشان تستفيدي

ان شاءالله أكون أفدتكم ^^

bebo almadani · 24-09-2009, 04:18 AM

يديكي العافيه

طيب يعني مانقدر نروح الجامعه في اي يوم بداية الدوام

حايمنعونا

bebo almadani · 24-09-2009, 04:36 AM

:( i need answer

NinaSky · 24-09-2009, 04:39 AM

الله يعافيكي خيتو

واللهي انا كمان ماني عارفة

بليـــز اللي يعرف يقولنا الله يريلحكم بالكم

MeMe1 · 24-09-2009, 04:48 AM

الجآمعة حبيبآتي تقدرو تروحو بـ أي وقت عآدي مآفي أحد يمنعكم
يعني مثلا في بنآت كآنو يحضرو مع الإنتظآم عشان يفهمو
بس قبلهآ يخبرو دكتورة المآدة إنو نحنآ بنآت تحضيري وحآبين نفهم
,
وأي سؤآل لايردكم شي ^^

هل يمنع حضوري في اي يوم

ملتقى الإنتساب للسنة التحضيرية