استفسار ... أتمنى الإجابة

[NaSeM]

السلام عليكم ورحمة الله

أنا طالبة سنة تحضيرية وحابة قسم الصيدلة لكن مني فاهمة بالزبط حتى لو بالمختصر ايش المواد

اللي تُدرس فيه يعني مثلا ( كيمياء عضوي , ....... ) و أتمنى شرح مبسط عن كل مادة

تُدرس حتى أستفيد أنا ويستفيد غيري ممن يرغب الالتحاق بهذه الكلية ؟؟


برضه .. أتمنى أعرف قسم الصيدلة يعتمد بشكل أكبر على الحفظ أو الفهم والتطبيق العملي ؟؟

وهل هناك طالبات تخرجن من هذه الكلية من الفارما دي ؟؟ وهل وجدو وظائف بسهولة ؟؟

وماهي هذه الوظيفة ؟؟ وهل كانت مختلطة بشكل كبير ؟؟ (( أتمنى شرح وافي ))


أيضاّ .. أتمنى أعرف هل لو خلصت بكالوريوس فارما دي اقدر اكمل ماستر في جامعة الملك

عبدالعزيز ؟؟ وايش يكون مسمايا الوظيفي بعد الماستر ؟؟ وهل إذا كان معدلي عالي

أقدر اصير معيده بنفس الكلية بسهولة (( من خلال مشاهدتكم للمتخرجات )) ؟؟



أتمنى من طلاب / وطالبات الصيدلة إفادتنا نحن طلاب / وطالبات التحضيري بالاجابة عالاسئلة

حتى بإضافة معلومات حتى وإن كانت خارج نطاق الاسئلة ؟؟


وبإذن الله لكل من يرد دعوات في ظهر الغيب

نحن في حاجة ماسة لمعرفة تفاصيل قسم الصيدلة لنتخذ قرارنا الذي يحدد مستقبلنا

[كيدو]

أتمتى أجاوبك الان بس لو تستني للاسبوع الجي نكون خلصنا اختبارات <<< لانو مشالله تبغي شرح وافي

وقتها اقدر أفيدك أكثر ^^

[NaSeM]

أوكي مافي مشكلة

استناك ... التسكين مايقفل الا شهر 5


الله يوفقك ويسهلك وييسرلك اختبارات ... ويااااااارب كلها فل مارك يااااااااااااااااااارب

[pharm.d .s]

أنا طالبة سنة تحضيرية وحابة قسم الصيدلة لكن مني فاهمة بالزبط حتى لو بالمختصر ايش المواد

اللي تُدرس فيه يعني مثلا ( كيمياء عضوي , ....... ) و أتمنى شرح مبسط عن كل مادة

تُدرس حتى أستفيد أنا ويستفيد غيري ممن يرغب الالتحاق بهذه الكلية ؟؟
والله دا سؤال مرا صعب يبغالوا جسلة وشاي كمان
بعد الاختبارات راح احط شرح لكل المواد مادة مادة من 2-5 وكمان الاشياء الي سمعتها عن سادس


برضه .. أتمنى أعرف قسم الصيدلة يعتمد بشكل أكبر على الحفظ أو الفهم والتطبيق العملي ؟؟
والله انا بالنسبة ليااا اتوقع القسم يعتم على الحفظ الحفظ الحفظ ونسبة بسيطة الفهم
بالنسبة للمعامل اغلب الوقت ندخل ومعانا السكيم والورق يعني المعامل هيا الي تنجح البنات
وهل هناك طالبات تخرجن من هذه الكلية من الفارما دي ؟؟ وهل وجدو وظائف بسهولة ؟؟
في 3 دفع اتخرجوا من الكلية وصراحة الوضايف تتعتمد على البنت واش تبغى يعني اول دفعة ماشاء الله اغلبهم اشتغلوا معيدات واعرف كمان في بنات اخدوا رزدنس بس في السعودية وكمان الدكتور احمد الطيار بياخد رزدنس في امريكا ماشاء الله علية وقريب راح يخلص
وماهي هذه الوظيفة ؟؟ وهل كانت مختلطة بشكل كبير ؟؟ (( أتمنى شرح وافي ))
الوضايف في الجامعه وفي في المستشفيات وفي في المصانع وفي ناس اشتغلت في المستشفيات وتركت الشغل ورجعت اشتغلت في الجامعه كمعيدات

أيضاّ .. أتمنى أعرف هل لو خلصت بكالوريوس فارما دي اقدر اكمل ماستر في جامعة الملك

عبدالعزيز ؟؟ وايش يكون مسمايا الوظيفي بعد الماستر ؟؟ وهل إذا كان معدلي عالي
يقولوا انو سار في ماستر في الكلية بس والله دا مجرد شيء سمعتوا بس عادي حتى لو اخدتي ماستر ما اتوقع راح تقرف الي يفرق لو اخدتي رزدنس لو وقتها راح تسيري كلنيكل فارمسي
أقدر اصير معيده بنفس الكلية بسهولة (( من خلال مشاهدتكم للمتخرجات )) ؟؟
في جامعتنا اول دفعة مرا ماشاء الله اتقبلوا كتير معيدات بس الدفعه الي فاتت بس اتنين اتقبلوا في قسم الصيدلة السريرية وكانوا من الاول بس الي يفرح انو تقدري تقدمي في كليات كتير لانو في كل حتة في كلية صيدلة وكلها كليات جدد ويبفوا معيدات واعرف بنات كتير قدموا في جامعه المدينة وام القرى والطايف جيزان يعني الوظايف كمعيدة على قفى من يشيل في الجامعات


أتمنى من طلاب / وطالبات الصيدلة إفادتنا نحن طلاب / وطالبات التحضيري بالاجابة عالاسئلة

حتى بإضافة معلومات حتى وإن كانت خارج نطاق الاسئلة ؟؟

انا راح اسوي موضوع عن الصيدلة من يوم مادخلت لما اخر سنة بس بعد الاختبارات

[NaSeM]

تسلمي عالرد

أفدتيني والله في أشياء ... (( لكن برضه أستنا التكملة بعد الاختبارات )) << مو طماعه ابدددد

معليش عارفه أسألتي كثيره ... بس هذا تخصص .. وقراري الان هوا اللي بيحدد مستقبلي

ومين بكون ..



الله يوفقك وييسرلك ويسهلك اختباراتك ... ويارب فل مارك في كل المواد

وان شاء الله دعواتي حتستمر في ظهر الغيب

[ميعاد]

شكــرا نسيم لانك فتحتي الموضووع , وان شاءالله بعد اختباراتهم يفضولنا..

[NaSeM]

العفووو ميعاد ...

ان شاء الله .... نستناهم يجونا مبسوطين من اختباراتهم ياااارب

ويعطونا المعلومات اللي تفيدنا

[د/ روميو]

مشكورة على الموضوع ..

وننتظرهم بعد اختباراتهم ..مع احلا الدرجات ..

ملاحظة: التسكين يقفل في 26/6