عاااااااااجل : لجميع الطلاب اللي يختبرون في المناطق غير جده الرجاء الدخول للأهمية

[جهاد الفيصل]

السلام عليكم ورحمة الله وبركاته

اليوم بعد امتحان مادة مهارات التفكير لمى طلعت من القاعة حصلت مجموعة جالسين يسجلون اساميهم ومعهم مشرف من الجامعة


سألت وقلت وش السالفه

قالي المشرف : هذي قائمة بأسماء الراغبين في استمرار اختبارات المناطق بعد السنة التحضيرية


قلت له وليش ما أعلنتوا في القاعة الرئيسية

قال إن شاء الله بكرى حنعلن

وبصراحه انا من تعابير وجهه احس انه مو معلنين شي وحابين ان القائمة تكون بأسماء قليله علشان تكون ردة فعلهم بناء على هالشي



اتمنى من جميع الطلاب اللي يختبرون في جميع المناطق سؤال المشرفين عن الاختبارات عن هالموضوع ولو فيه شي اتمنى انه يعلن على الجميع مايكون ورقة موضوعة عند الباب الخارجي يسجل واحد وعشرين لا


هالكلام هذا صار في فندق موفنبيك القصيم بمدينة بريده الساعة التاسعة والنصف مساء بعد الاختبار مباشرة

[جهاد الفيصل]

النموذج عبارة عن جدول


فيه الاسم
والرقم الجامعي
ورقم الجوال
والتوقيع


ياليت الكل يسجل فيه علشان تكون اختبارات المناطق حتى التخرج

[ابوسامي الشمري]

يعنـي أن سجلت أسمــي يكون أختباري طول سنوات الدراسة بنفس المدينة اللي انا فيها ؟

[العين بحر]

مررره روووعه لو صارت يريحونا من الهم في المستويات الي بعد كذا بدل الشحططه والمشاوير لجده والكلفه
مشكور اخوي على المعلومه وان شاء الله يكون عندنا نفس الشي بالشرقيه
واكيد الكل راح يسجل ....وبالتوفييق

[محمدالرياض]

يعطيك العافية


وراح يتم سوال اي مشرف بكره ان شاء الله

[ملك الصمت]

مع اني من الرياض

بس مافي امل اختبر عند المعهد الفاشل

مراقبين فاشلين وازعاج كل شوي ناشبين لك

[saadoony]

أوووووم حركاتهم من بكره أبسوي لهم هوشه على هالكلام

[مدااااااااااوي2010]

غدا سوف اشعل النار في من كان لنا ينبسط ويستمتع ويتلذذ بجهدا وتعب إن شاء الله يصر مدينه مدينه منطقة منطقة محافظه محافظه بس كافي

بتوفيق

[عبود العمري]

أبشر بعزك وبكرة لي كلآم ونشوف وش السآلفــه وليه مايعلنون للـكــل


ولي عـوـوـودة غدآ بعد الأختبآر أن شاء الله

[استمتع بلغباء بعد التفكير]

والله انا برياض ولاسمعنا بها الحكي بعدين مستحيل تقام اختبارت جميع التخصصات بلمدن صعبه جدا لذالك اختبار السنه التحضيريه سهل لانه نفس الجدول وعدد الطلاب معروف ولو فرضنا ان الاختبار بيكون في المناطق على كذا بيكون كل ساعه اختبار من الساعه السادسه صباحا حتى الساعه السادسه مساء ناهيك عن عدد التخصصات وعدد الطلاب اللي معتادين يختبرون بجده من مستويات متقدمه هم يالله يقدرون يكونون لجنه بلمناطق؟
هذا مجرد رايي فقط واتمنى لو تتم كماقلت