اللي سجلوا خلاص بابن سينا ..

Sabreen.Bakhsh · #1 25-06-2012, 01:42 AM

السلام عليكم ورحمة الله وبركاته

حبيباتي اللي سجلو خلاص في ابن سينا ..
عندي كم سؤال

انا سجلت اليوم الحمد لله

متا اسحب الملف ؟
هل في مشكلة لو تاخرت ولا اروح بكرا احسن ؟
وايش حكاية التلات شهور اللي لازم استناها معرف ايش
وووو
احد يعرف الاجرائات ومن فين حسحب الملف ؟

شكراً مقدماً

Dr.Wonderful · 25-06-2012, 07:49 AM

من فضلك ممكن تقوالي لنا ايش الاجراءات الي عملتيها ؟
ودخلتي عن طريق الموارد ولا منحة الملك ؟
وكمان علين متى التسجيل مفتوح؟
ولازم اكون ساحبة من الجامعه ولا عادي اقدم من دون ما اسحب؟

الحمد الله على كل حال · 25-06-2012, 10:15 AM

انتضر شوفي التسكين عشان تقتنعي

Sabreen.Bakhsh · 25-06-2012, 11:26 AM

انا دخلت بمنحة الملك حاقدم عليها ان شالله لما تنزل في 17 شعبان
ومافي منحة موارد هادي السنة
والتسجيل مفتوح الين تمتلي المقاعد عشان كدا اضطريت مانتظر نتايج التسكين اخاف تخلص المقاعد
وعادي انا قدمت بدون ماسحب ملفي وان شالله بكرا بروح اسحبه

الاجرائات اللي عملتها
اخدت كشف درجات من الجامعة
ورحت لابن سينا وقالولي ايش حيتعادل وايش لا
لو كان معدلك 4 وفوق تدرسي الترم للمواد اللي ماخدتيها والترم التاني لمواد سنه تانيه
ولو اقل من 4 تعيدي سنه اولا مع معادلة المواد اللي جايبه فيها 75 وفوق
بعدين اخدت ورقة الرسوم والتحويل لبنك الراجحي والجزيرة
واودعت 26 الف
واخدت الايصال وبقية الطلبات اللي يبغوها
غالباً هبا 4 صور مقاس 4*3
و شهادة الثنوي اصل وصورة
وشهادة حسن سيرة
ونتيجة القدرات والتحصيلي شافتهم جبتلها بيهم برنت من الموقع
و ماني فاكره ايش كمان ان شالله ماكون نسيت شي

اعطيتها الاشياء ورحت للادارة المالية عندهم ورجعتلي الايصال بعد ماصورتو
وبعدين اعطتني ورقة ضمان انهم اخدو الاصل من الشهادات وهيك

وبعدين وقعت العقد
وقالت باقي سحب الملف عشان مايأثر علا المنحة

وبس

روزهـ · 25-06-2012, 12:04 PM

لو سمحتي ,’ كشف الدرجات أخذتيه من العمادهـ ...؟!!

الله يسسسسسهلك أمورك ي رب

Sabreen.Bakhsh · 25-06-2012, 12:31 PM

يب من العمادة اول ماتدخلي روحي يسار تلاقي صاله كبيره
وشبابيك مكتوب واحد منهم الخدمات الشامله

تروحي تقوليلهم وحيقولولك روحي البنك ادفعي لصندوق الطالب
وتروحي وتاخدي رقم
وبعدين تعبي ورقه محطوطه جنب شباك الخدمات المصرفيه
وتدفعي عشره وتنتظري دورك وتعطيها الورقه وتعطيكي الايصال
ترجعي للخدمات الشامله
وتكتبي رقمك الجامعي فوق الايصال وتعطيهم هوا ودقايق وتطبعلك الكشف وتاخديه