متطلبات الالتحاق بالكلية <افيدوني

[wedyan.38]

هااي
بليز ابغا مساعدتكم
انا ثالث ثانوي و نفسي اتخصص في العلاج الطبيعي
ابغا اعرف لو هما يعتمدو في القبول على نسبة الثانوية او معدل السنة التحضيرية
و ايش هيا النسب المطلوبة في الحالتين (نسبة الثانوي المطلوبة والسنة التحضيرية)
للانو نسبتي في الترم الاول 83% والسنة اللي فاتت 85% !!!
وايش التخصصات اللي اقدر ادخلها بنسبتي

ياريت القى جواب يفيدني...

[M!sS chocolate]

نسبة الثانويه العامه بس تفيدك في الدخول للتحضيري وبعد كدا خلاااااص أنسيها
وبعدين تدرسي تحضيري سنه كامله والسنه اللي بعدها تتخصي بحسب معدلك
كل كليه لها معايير وشروط يعني الى الآن لنا احنا طالبين عشان ندخل علوم طبيه
انك لازم تجيبي b يعني ماتنقصي أكثر
من 20 درجه في الكيمياء والأحياء والإنجليزي والفيزياء
وكل سنه تختلف المعدلات يعني العام المعدل وقفوه لمن 4.30
والسنه هادي عاد الله يستر مدري بدخله واللا لا
وكل مالهم يرفعوا النسب لانو العدد يزيد ..

[wedyan.38]

مررة شكرا على ردك :)

[M!sS chocolate]

وديان نصيحه مني لاتجلسي تفكري بهذا الموضوع من دحين
خليكي دحين على الثانويه العامه وشدي حيلك حبتين على القدرات
لأنو نسبكي ترا مو مرره انا نسبتي مع القدرات والتحصيلي طاحت
بشكل جاااااااااااامد لكن اللي دخلني الجامعه نسبة الثانوي..
لاتسوي اللي انا سويته ضيعت اجازتي اللي بعد الثانوي في التفكير بالجامعه
اش ألبس كيف حسوي وكيف وكيف وكيف ولمن دخلت الجامعه
انقهرت عالأيام اللي بدل ماألعب فيها خليت تفكيري كله مشغول بالجامعه..

وفي شيء أبغى أقولك عليه خذيها نصيحه مني لاتخلي قلبك يتعلق في قسم
معين لأنو ماتدري اش يسير لك السنه الجايه ياما بنات كان حلمهم الطب
لكن التحضيري طيحهم طيحان ماابغى أخوفك من التحضيري هيا حلوه
بس يبغالها شدة حيل ..ولمن تحطي كل آمالك في شيء وماتدخليه
تكرهي نفسك وتكرهي الجامعه بكبرها عشان كدا انا أقولك خلي كل شيء
لأوانه انا كنت في الثانوي ماأبغى الا الطب لكن لمن دخلت الجامعه غيرت رايي
عشان كدا أقولك لاتفكري من دحين.

كل غرضي من كلامي انو دحين خلي فكرك في الثانوي العامه وبس
وبعدها لمن تدخلي التحضيري خلي فكرك في انك تجيبي نسب عاليه
وساعتها يمديكي تختاري اللي تبغيه دام نسبتك عاليه ماحد يقدر يفتح فمه

هادي نصيحتي لكي وياليت تتقبليها برحابة صدر ..

[wedyan.38]

ايوا انا عارفة انا بسال على كل المجالات اللي تشدني ومني حاطة ولا شي اكيد في بالي طبعا بالعكس اتمنى اني استقر على مجال معين :s
اما عن الصيف فإن شاء الله كورسات للتوفل
المهم انتي ادعيييلي على الاختبارات
وثاانكس على اهتماامك :)