تجمع الراغبات بالتقديم على ماجستير أحياء .13/3. نفيد ونستفيد

[lavita]

جزاك الله خير جرح الغلا والله يعطيكِ العافية ويوفقك يارب مشكورة

[توتية]

السلام عليكم ورحمة الله وبركاته....

كيفكم صبايا ان شاء الله تكونوا باحسن حال ...

تم بحمد الله اليوم تسليم اوراقي عقبال عندكم يا احيائيات وقالوا لي تعالي بعد اسبوع

الله يوفق الجميع ...

[شتاء يختزن الرعود]

وعليكم السلام ورحمة الله

مبروك غاليتي توتيه الله يتمم لك الفرحه ..

لو سمحتي يالغاليه تقولي لنا كيف الاجراءات تمت ؟؟ وايش قالوا لك ..؟؟ وهل طلبوا منك مستندات مصدقه أو أخذوا الأصول فقط ؟؟

وهل انتي محققه شرط اللغه ؟؟ وطلعوا البطاقه الجامعيه او باقي ؟؟

وليش تراجعيهم بعد اسبوع ؟؟

اسفه على كثرة اسألتي لأني بجي من سفر وابغى تكون كل اوراقي كامله قبل امشي بكره .. ياليت تشرحي لي ..

مع خالص شكري ..

[توتية]

المشاركة الأصلية كتبت بواسطة شتاء يختزن الرعود وعليكم السلام ورحمة الله مبروك غاليتي توتيه الله يتمم لك الفرحه .. لو سمحتي يالغاليه تقولي لنا كيف الاجراءات تمت ؟؟ وايش قالوا لك ..؟؟ وهل طلبوا منك مستندات مصدقه أو أخذوا الأصول فقط ؟؟ وهل انتي محققه شرط اللغه ؟؟ وطلعوا البطاقه الجامعيه او باقي ؟؟ وليش تراجعيهم بعد اسبوع ؟؟ اسفه على كثرة اسألتي لأني بجي من سفر وابغى تكون كل اوراقي كامله قبل امشي بكره .. ياليت تشرحي لي .. مع خالص شكري ..

الله يبارك فيكي ياعسل ....

واعذريني على التأخير ...

بالنسبة لشرط اللغة الحمد لله كان معايا نتيجة اختبار الكفايات اخر واحد طبعته من النت

لم يكن معايا صور مصدقه ولكن كان معايا فقط الاصول طابقتها مع الملف اللي اول ارسلناه اخذت مني صورة لبطاقة الاحوال وصورتين شخصية ونتيجة اختبار الكفايات

اعطتني ورقة اسمها سند تسليم سجلت فيه اسمي والكلية والتخصص واشرت على الشروط
اصل وثيقة التخرج
وكشف الدرجات
وشرط اللغة
والصورتين الشخصية

وقعتها وختمتها وقالت تعالي بعد اسبوع ماقالت ليش لأن كان زحمة وانا متوترة
واشوفهم يرجعون بعض البنات من باقي الاقسام فما صدقت اخذت اوراقي ولا سألتها ليش بعد اسبوع

فأتوقع انه للرقم الجامعي والبطاقة وباقي الاجراءات ...


نصيحة للبنات يوم تروحون صفوا طابور احسن لا تجلسون على الكراسي
لأن مافي تنظيم ولافي ارقام وللأسف بعض البنات باقي ماكبروا شايفينا منتظرين بالدور ولا كأنه احد راحت سيدا على الشباك ولا همها وغيرها وغيرها .. يوم شفت كذا حرشت البنات طوابير ومشى الموضوع مع ان الغرفة صغيرة بس مشى الحال ...

ولا تخافون البنات اللي يردونهم يكونون الحاق يخلونهم ينتظرون شوي لين يطلعون اسمائهم

وبعض بنات طلع اسمهم بالنت ومافي الاسم عندهم لا تخافون بس عشان اول يوم خربطه وكذا

واللي موظفه لا زم تجيب موافقة جهة العمل

واللي ماحققت شرط اللغه تسجل في الدورة قيمتها 2000 ريال وتجيب السند وتاخذ اللغة ترم واحد مع موادها اتوقع الشي هذا ليس لجميع الأقسام ..

او تكتب تعهد انها راح تجيب التوفل وماتكمل اجراءاتها لين تحقق شرط اللغه

والله ولي التوفيق اعذروني على الاطاله بس يشرفني انقل لكم ماحدث عشان ماتتوترون مثلي عيون طارت ...

[ابتسامة دمعة]

السلام عليكم ورحمة الله ...
كيفكم يابنات .. طمنوني عنكم ..يارب تكون بأتم الصحه والعافية ...
إن شاء الله بكرة بروح الجامعه .. وبقولكم كل شي يسير ... ويارب اشوفكم جميعا على خير ...
اللي راحت ياحبايبي ياليت تقولنا على كل شي ...

[(( ليمونة ))]

سلام انا من اللي راحو اليوم
كل اللي اخذوة مني صورتين شخصية شهادة التوفل فقط وشافت بطاقة الاحوال و عطوني رقم جامعي وقالولي ابدا السنة الجاية إن شاء الله .
اما بالنسبة للي ماعندهم لغة سوا زينا بس قالت لهم انه لازم تاجل ترم الين تجيب شرط اللغة واول ماتجيبة تشيل التاجيل على طول يعني اللي بيدخلوا الستيب بثمانية فية مجال يبدون من بداية السنة .

بس بصراحة البنات ماكان فية تنظيم اللي تجي متاخرة كانت تدخل بنص الدور واللي من بدري وراء بس بعدين ظبطوا الوضع ورتبتنا وحدة .

[(( ليمونة ))]

نسيت ما اقول اذا جبتي اللغة باي وقت باي وقت كان تروحي تشيلي التاجيل وتبدا .

[توتية]

ليمونه مدري شكلي انا اللي رتبتكم كنتي الساعه كم هناك؟

انا كنت من 9 الى 10 ...

وبعدين كيف اعطتك الرقم الجامعي نفس الشباك ولا من وين انا مااعطتني شي اعطتني الورقة اليي مختوم عليها وقالت تعالي بعد اسبوع ..

يا بنات اللي تروح بكره تعلمنا

شكلي براجعهم ذي اليومين ...

[هنودة الحربي]

أخواتي عندي استفسار أنا من خارج جدة لابد من حضوري الشخصي لتسليم الأوراق أو تسليمها عن طريق أختي
وإن كان لابد من ذلك فلا استطيع المراجعة الاسبوع القادم فما الحل؟؟؟؟

[(( ليمونة ))]

تقريبا كنت بهذاك الوقت
واعطتنا ورقة مكتوب عليها سند استلام
موجود فيها الرقم الجامعي وهي ورتنا اياه وقالت شوفي هذا رقمك .