الانجليزي في التحضيري والعلمي بشكل عام

[aso0]

السلام عليكم
الله يمسيكم بالخير

انا لغتي سيئه يعني ما اعرف الا اشياء بسيطه مثل is و she و can وكلمات بسيطه جداً
ف هل ينفع ادخل علمي وانا على الحال هذا او اروح ادبي ؟ لان اللي قريته ان المصلحات والتعاريف والاختبارات تكون بالانجليزي كلها

وشكراً لكم

[xxmero15xx]

انا كنت شايله هم الاختبارات بس يقولوا الدكاتدرة بيشرحوا بالعربي والاختبارات انقلش

انا كنت زيك بس طورت عندك شهرين طوري لو شوي =)

وانا زيك توي مقبول بس تفأل

[safa-cool-]

دراستك للانجليزي في الجامعة حتقوي لغتك شوية شوية و انتي مع دراسة المواد الثانية ترجمي كل كلمة جنبها و مع الوقت حتقوى لغتك
بس نصيحة العلمي ابوابه اوسع و مجالاته اكثر لا تحولي لادبي بس عشان لغتك الانجليزية ضعيفة

[merooosha]

اختي علمي وكانت الاولى بالثانويه وانسانه مجتهده

دخلت علمي وتورطت بالانقلش ..
وتحولت ادبي
..
وانا تورطت بالانقلش وحولت ادبي

فالصح تسوينه عشان ما تغلطي مثلنا
انك تجتهدي فالانقلش
لانه هو كل شيء بالعلمي

اذا مره شايفه نفسك ما تقدري بالانقلش
فالافضل تبدين السنة وانتي ف الادبي

موفق

[F--ad]

جميع المواد ستكون باللغة الانجليزية ماعدا الحاسب ومهارات الاتصال ،،

لن تواجه اي صعوبة بإذن الله ،، جميعها تتحدث عن ماتم دراسته في الثانوي ،، ستتكرر الكلمات المهمّة كثيرا عليك خلال دراستك و حين شرح المحاضر لكم ،،

بشكل عام ،، قبل سنة كنت ابحث عن نفس سؤالك ،،

$$ نصيحة $$

أعط السنة التحضيرية كامل اهتمامك ، حتى تجد نفسك في الكلية التي تريدها ،، فليس هو محال و لا مستحيل ،،

[أشواق الحارثي.]

تو ادري ان المواد اغلبها انقلش (: الله يستر .

[المليحة]

وعليكم السلام
اللغة ما كانت عائق لكثير قبلك فإن شاء الله ما حتكون عائق لك كمان .. إذا إنت التخصص الي في بالك علمي ليش تحولين أدبي ؟ عشان لغة ؟؟؟؟؟
ترا كثير ناس دخلوا مستوى أول الي هو أقل مستوى ودخلوا التخصص الي في بالهم ومنهم وحدة أعرفها ما شاء الله دخلت طب وهي كانت مستوى أول (الدفعة الي قبلي)
إنت خلال هذه الفترة طوووري اللغة وعندك وقت تراا وممكن تطورينها بشكل ملحوظ + إنت راح تنحطين في كلاس كلكم نفس المستوى والأستاذة فاهمة وعارفة مستواكم ، فحاولي تكوني متفاعلة في كلاسات الإنجلش ، تكلمي جاوبي شاركي حتى لو حسيتي كلامك فيه اغلاط ، لأن هذي الطريقة للتعلم ومع انتهاء التحضيري حتشوفي قديش مستواك ارتفع في الانجلش
والمواد بالإنجلش لكن الشرح بالعربي والدكتورة تقول المصطلح بالانجلش وتترجمه وبعدين تقوله خلاص بدون ترجمة ، مثلا velocity سرعة .. وبعد كذا محاضرة تقول velocity لأن خلاص كررت الكلمة بما فيه الكفاية :) وفي الاختبار المطلوب منك تعرفي velocity سرعة يعني تعرفي الكي وورد (الكلمات المفتاحية) واختبارات المواد عدالانجلش اختياري ما فيها كتابة وتشبه أسئلة التست بانك والوورك شيت وكذا ، يعني لو حليتيها بتعرفين تحلين الاختبار

هذا الي أنا اشوفه ، يعني اللغة ممكن تصعب الموضوع عليك شويتين لكن دامك متوكلة على ربك واخذتي بالأسباب بعد ذلك فمن رأيي ما راح تكون اللغة عائق بالنسبة لك ..

[picasso]

اخوكم الي هو انا ما يعرف شي بالانقلش :)
ودخلت الجامعة وتخرجت والحمدلله ما كانت عائق لي ابدا
بس بالبداية الواحد يشوفها صعبة شوي كل المواد بالانقلش
لكن مع الايام الواحد يتعود شوي شوي =)

الله يوفقكم يا أبطال

[Soul Evil]

كل شي بالجامعه يشرحوه بالعربي وكمان بالسنه التحضيريه عندهم معهد لغه

مره حيفيدك فلا تشيل هم

[A97Ln]

السلام عليكم
بحاول اختصر كلامي
انا دخلت تحضيري و ما اعرف افرق بين الis او are و ما فراسي دراسة لدرجة أني لما انقبلت علمي موازي فكرت احول انتساب لاكن جاتني نصائح و ماحولت الحمدلله
المهم دخلت الجامعة و فكرت أني أشد حيلي فما اختبرت تحديد مستوى عشان ادخل لفل 1 و اطور لغتي و فعلا الحمدلله اتحسنت كثير(صح إنّو دوام طويل لاكن هذا أحسن حل)...

المواد العلمية كلها باللغة الإنقليزية لاكن هذا مو شي صعب اذا كنت تترجم الكلمات اول بأول لانها مع الوقت حتتكرر و ما تحتاج مترجم ولا شي...

وترا على فكرة اذا كنت تذاكر اول بأول والله حتشوف السنة التحضيرية موية وًتجيب درجات مميزة ما تتوقعها ان شاء الله (مهما كان مستواك في الثانوي)

و أتمنى التوفيق للجميع ان شاء الله