أبغى أحول من البشري إلى الأسنان!!! ضرووري تساعدوني بليييز

[@ريــــــــم@]

السلام عليكم ورحمه الله وبركاته...
أحب أهنيكم في البدايه بحلول الشهر الكريم الله يعيده علينا وعليكم بالخير....
المهم... أنا عندي سؤااال مهم مرررره بالنسبه لي وهو أنو أنا طالبه اتخرجت من السنه التحضيريه واتقبلت في البشري..... مع اني كنت ابغى الاسنان... بس الحمد لله على كل حااال....

وبصراحه انا عندي امل اني اقدر احول من البشري الى الاسنان فالسؤال هو :أنا اقدر أحول ولا لا؟؟؟ مع العلم اني اتقبلت في البشري الموازي !!!!
واذا اقدر اش الشروووط؟؟؟ الله يخليكم بليييييييز ردو عليااا بسرعه

[mzat kau]

اهلين ياقلبي اول شي لازم تعرفي انو الاسنان وقفو على نسبه 90 سو ماظن حيحولوكي لو انتي اقل ( لو )

تاني شي ياقمر

التحويل في الكليات الصحيه سنوي يعني ماتقدري تحولي الا بعد مرور سنه كامله مو ترم زي الكليات التانيه =(

وعن جد عسى ان تكرهو شيئا وهو خيرا لكم ماتدري
والله يوفقك واحمدي ربك وشدي حيلك ولتستغني عن طموحك مهما سار =)
بالتوفيق ليكي ولينا جميييييييييعا =)

[مَـزٍآج ..}..]

التحويل من كليـه صحيـه إلى كليـه صحيـه ثآنيـه
يعتبر إأسسهل من التحويل من كليـه غير صحيـه لصحيـهـ ..

ومثل مآ قآلت الأخت مــّزهـ .. التحويل يكون سسنـوٍي ..
وحتى تتأكدي إأكثـر هذا المنتدى خآص بالكليآت الصحيـهـ إأسألي فييـهـ

http://www.medkaau.com/vb/index.php

[الباشا666]

هلا اختي ريم

انا ارسلت للدكتور عبدالفتاح مشاط عن موضوع التحويل من شهر تقريبا

ورد علي وقال انه بنهاية الفصل الاول بتنزل لكم التحويلات عالاودس وتقدرو تحطو رغباتكم وتحولو

إن شاء الله اكون افدتك

تحياتي وخالص شكري

[Dr~NanoOok]

وعليكم السلام والرحمة

رمضانك مبارك عزيزتي =)

بما انك خلاص اتسكنتِ , فالتحويل الجاي حيكون بعد مرور سنة من دراستك بالتخصص الحالي
حتى لو كنتِ تبغي تحولي من طب موازي إلى طب عادي
برضو حيكون من بعد سنة واحدة

لكن بما انه ربي اختارلك الطب , فباذن الله فيه الخير ليكِ
واذا ما ارتحتي فيه وحبيتِ تحولي للأسنان
فالسنة الجاية باذن الله

وعندنا كذا واحده في الأسنان حولوا من الطب البشري
ومره مرتاحين هنا

بالتوفيق

[@ريــــــــم@]

مرررررررررره شكرااا على ردوركم وتفاعلكم معي

وياخساره كنت ابغى احول بعد ترم
لكن الحمد لله على كل حال وانا حعمل اللي عليا والباقي على الله
واربي يكتب اللي فيه خير ان شالله

[ahmad smart]

بعد سنة او سنتين
ماتفرق
اول سنتين تقريبا كلو .....بيسك ساينس
بعد كدا تبدا التخصصات تبان

[jjjj]

يعني ياجماعه في امل الواحد يتحول من طب بشري موازي الى عادي لأن انا سمعت انهم طالبين معدل تعجيزي عشان نقدر نحول من موازي لعادي؟