لكل الليي ماوصلتهم البطاقة الجامعية شوفوا وس سويت

[فيافي نجد]

بحكم اني تعبت وأنا انتظر هذي البطاقة توصل الدي اتش ال وانا من الرياض وتعبت وانا كل شوي اروحلهم أو اتصل فيهم ومافي شي قررت اني اروح لجدة واحل مشكلتي وحجزت على أول طيارة وولأسف كان انتظار والطيارة تقلع الساعة7 صباحا اضطريت اني اطلع المطار5,30علشان أأكد الحجز ووصلت 8,30وعلى طول أخذت ليموزين وتوجهت للجامعة ومعي بطاقة أحوالي علشان يدخلوني ورحت عمادة القبول والتسجيل ولو تشوفوا مجرد ماعطيتهم الرقم الجامعي استخرجتلي البطاقة وحتى ماطلبت مني صور لأني من أول كنت راسلتها مع أوراقي ورجعت بليموزين ثاني >>> لو دريت ان الموضوع بيخلص بسرعة كان وقفت الليموزين الأول اللي جيت فيه ورجعت على المطار وأخذت أول طيارة راجعة للرياض وانا الحين ببيتنا والحين انتهت قصة انتظاري للبطاقة
الغرض اني أقولكم اللي ماجته البطاقه يروح ينقز لجدة ويدبر أموره بنفسه مابقى شي على الاختبارات>>> ;كانت أسرع رحلة في حياتي

[likeme]

ماشاء الله عليكي
والله نك سنعه
وعلى قولة المثل مايقضي عازتي غير ساقي
هههههههههههههههه

[FLOOOWER]

يا حبيبيت انا ما اقدر اسافر ابدا ولا كان مو مشكله

حسروني وبهذلوني وفي الاخير راحتلهم بنت خالتي وقالو ما نعطيها احد ولا نرسلها عن طريق الدي اتش ال لازم الطالبه نفسها شخصيا تجي بنفسها ذبحوني الله يقرفهم

اول مره سجلت وخلصت اموري عن طريق النت بدون ما يشوفوني

ويوم جى بدل فاقد يقولو لازم تجين للجامعه ولله بهذله بصراحه

تعبت والله يعين

[Chanel]

ماشاء الله عليك شجاعه
الله يوفقك يارب

[فيافي نجد]

صدقيني انتي حاولي تروحي انا كنت أقول صعبة واهلي مايرضوا وانا بنت كيف اروح بس حطيت الموضوع براسي وشرحت لأهلي اني بدونها ماأقدر أختبر ويروح مجهودي عبث انتي في كل الأحوال راح تضطرين تروحين في السنوات القادمة لان الاختبارات بعد كذا هناك حاولي تروحي انا اليوم رحت وماجات السعة 3 العصر الا وانا في بيتنا ومانسيت اخذ كتابي معاي واستغل وقتي في الطيارة واذاكر>>>> أعجبك في هالأمور سنعة مثل ماقالت likeme

[فيافي نجد]

معليش ابي أقول الساعة 3 قلت السعة هههههه من الحماس

[amfisl2007]

ماشاءالله انت روحتي وخلصتي امورك
اللي ماتقدر تروح هل تدخل الامتحان بدون بطاقة
عندي اثبات شخصي يحمل صورتي هل يكفي
ارجوكم ردو علي

[فيافي نجد]

مادري تبين العلم مالك الا انك تتصلين بالمعهد اللي بختبرين فيه وتسأليهم علشان تلحقين نفسك

[amfisl2007]

مشكورة على الرد
اسأل الله لك التوفيق والنجاح والدرجة الكاملة في الامتحان