بخصوص الخطة الدراسية لتخصص المحاسبة

[saif al-harbi]

السلام عليكم و رحمة الله و بركاته

أخواني الطلاب و أخواتي الطالبات أنا عندي استفسار بخصوص تخصص المحاسبة . هل يمديني بما اني تحضيري إداري و انساني أدخل هذا التخصص ؟

وبخصوص الخطة الدراسية الموجودة أنا لقيت خطة قديمة وخطة جديدة فاللي أبغى هل هي اختيارية

والا اجباري الطلاب الجدد يدرسون على الخطة الدراسية الجديدة ؟

أرجوا الرد بأسرع وقت ممكن ...

أخوكم / سيف الحربي

[ALEMBRA6OR]

وعليكم السلام ورحمة الله وبركاته

أخوي سيف الحربي إذا انك من دفعة 2011 يأسفني إبلاغك بان قسم المحاسبة لن يدخله إلا المسار العلمي فقط وهذا ينطبق على الأقسام العلمية يمكنك الرجوع إليها في الموقع لكلية الاقتصاد والادارة .

[saif al-harbi]

أنا عارف الشي هذا أخوي وعشان ذا أنا رحت للعمادة و قالوا لي يمديك بس بعد ما تخلص السنة

التحضيرية راح تدرس مواد إدارة عامة وتختار معاها أحد المواد (كيميا - فيزيا - أحياء)

وبعدين الترم اللي بعده تدخل تخصص محاسبة والله أعلم

فأرجوا من اللي عنده أي معلومة يبلغني فيها لأني أنا حااايس

[ALEMBRA6OR]

والله يخوك هذا العلم اللي الكل يخبره وقف الاداري والانساني من 2010 على دفعتنا

وبعد ما سووا الطلاب ضجة ورجة واعتراضات لأن القرار نزل في نص الترم الثاني وحنا فرحانين نبي نتخصص خلاص .

قام قالوا يلا يسمح لدفعة 2010 بالدخول في أحد الأقسام العلمية شرط دراسة (فيزياء - كيمياء)

والحين خلاص رسمي للمسار العلمي .


والله أعلم .

[saif al-harbi]

طيب أخوي ولو انه طلب بايخ بس أنا مشغووول وعندي اختبارات بس أبي أعرف إذا انت تدوام صباحي هل تقدر تسألي العمادة بكرة وترد لي الخبر الصحيح منهم على نفس هذا الموضوع

[ALEMBRA6OR]

والله يا تاج راسي اني مشغول لكن لعيونك إن شاء الله بحاول وقت ما حصلت الاجابة سدحتها ولا العذر منك ياشنب .

واتركك من العمادة انا بسالك الكلية نفسها إن شاء الله .