كوني مكتملة الانوثة

[همس المشاعر]

أجزاء مهمة لاظهار انوثتك...


في مناطق بالجسم...يغفلوا عنها كثير من البنات...ومايعرفوا انها دلالة ع الانوثة...وهي:

الرقبة – الأكتاف – المنطقة الخلفية للركبة – المنطقة الخلفية لثنية الابط من جهة الظهر – الخصر- المنطقة المتوسطة للصدر- الكفوف- الأقدام...

ركزي عليها وحاولي تهتمي فيها....وتكون صافية موحدة اللون ناعمة.

ركزي عليها في السكرب والترطيب ولاتتركيها بلا باودر تالك...
بالذات منطقة الخصر...انتبهي لايكون اللبس مشدود عليكي من هذي المنطقة...دايما رطبيه...وقبل لاتلبسي أي قطعة...رطبيه بزبدة الكاكاو بطبقة كثيفة...وبعدها أضيفي طبقة من باودر الأطفال.

منطقتين ساحرتين...وهم الشفايف والعيون...

احرصي ان شفايفك تكون ندية مكتنزة رطبة وردية...مظهرها وت....موصحراء قاحلة...

العيون....الجزء المهم في الجاذبية....لازم تكون صافية بيضاء خالية من الشعيرات الحمراء والاحمرار...والهالات السوداء..والذبول..
استمري ع جل العيون....وعمل حمام منظف 3 مرات بالاسبوع...
وهو غسلها بوسط فنجان مويا + شوي ملح....بعدها تشطف بموية ورد...



طريقة لشفايف أنثى...

كل يوم قبل النوم...غرقيها بفازلين جونسون الوردي للأطفال...والصباح اغسليها واعنليلها تقشير بفرشة أسنان تكوني مخصصتها للشفايف...بعدها هاتي تلجة موية ورد ودلكيها فيها...وبالأخير رطبيهم بليب بالم النوع اللي تفضليه...
بتطلع شفايفك خيال ينضرب فيها المثل


وترا التلج يكبرها ويخليها مكتنزة بشكل حلو...أول ماتوصلي للحجم اللي تبغيه وقفيه...والحلو انها ماراح ترجع لحجمها من قبل...

قدك المياس ياعمري


القد...انتبهي يضيع عمرك وانتي سمينة....
السمنة تعطيك مظهر أكبر بسنوااااااااات...محرجة جدا...تقضي ع المظهر الناعم المطلوب...تحرمك من أشياء كثيرة...أهمها اللبس...
غير مضارها ع الصحة...
خللي ببالك...الحشوة هي الأساس....لو اش مالبستي والله عمره ماراح يطلع عليكي حلو زي لو كنتي نحيفة...ممشوقة القوام...

زي ماالسمنة شي بشع كمان النحافة الشديدة بشعة....

الجسد الأنثوي هو الريان الممشوق...الصحي...

وذأه مايجي بالساهل...لاتضيعي عمرك وانتي تحت وطأة لقب الدبى السمينة...ابدأي مو من اليوم....لالالا من ذحين...لو بيدك تشوكليت أو كوب شاي حالي أو نيسكافيه حالية أو تشيبز...ارميه ذحييييييين.>>> أعرفكم أغلب الناس يرتبط عندهم النت بالأكل...يتسلوا...
ياما أكلنا وأكلنا وأكلنا....صرفنا فلوس ع الوجبات السريعة...وكومنا الشحوم بأجسادنا...وضاق النفس..>>> دقايق وع الحمام...أكرمكم الله...وذأه الواقع...

حتى متعة مامدانا استمتعنا...


كل يوم
رياضة ورياضة ورياضة
وتخفيف

ركزي ع الصدر والأرداف والخلفية والأفخاذ والزنود والبطن والخصر.....
لو ركزتي عليهم...حتصيري أنثى فاتنة....حقيقية....

حتى البنات اللي ضعاف أو أجساهم حلوة...شوفوا...ممكن تحتاجوالشد...أو تكونوا فعلا ضعاف وأوزانكم مناسبة...لكن أجسامكم تفتقد التقسيمات الانثوية...وهذي لازملها تمارين تقسيم وتحديد ونحت....وفي كتب خاصة فيها...

[همس المشاعر]

التعطير


تميزت الأنثى...بالروائح الساحرة..المميزة...كأنها حقل زهور متنقل...تفتح نفسك لها..لو حلت بمكان تملؤه عبير...

لاتعتمدي فقط ع العطر الباريسي...لو عجبك عطر اشتري الطقم كااااامل من شور جل لبودر لسبراي للوشن.....الخ.
اختاري عطرين...واحد خفيف للاستخدام اليومي بالبيت....والثاني مميز وفخم للخرجات...

والثالث للمتزوجات...وهم يعرفوا متى يستخدموه!!!!!!

شعرك...احرصي ع تعطريه....وفي عطورات خاصة للشعر تجنن منها شانيل 5...وتلاقوا عطورات شعرروعة بقصرالعود.
وامسحي ع اطرافه مسحة خفيفة من المسك السائل الأبيض ...

اعملي زيت عطري خاص ( ذأه سر من أسراري)...مكون من:
قطرات من دهن الورد + قطرات من المسك روز من أجمل + قطرات من الأنانيا

وكل يوم بعد الشور الصباحي امسحي منه بهذي المناطق:

خلف الأذنين + تحت الصدر مباشرة + بين الصدر بالوسط + بالسرة + بين الفخذين + بثنايا البكيني + بثنايا الركبتين + بثنايا الكوعين+بآخر الظهر...
راح تطلع ريحتك خيااااااااااال وتستمر لفترة طويلة.

هاتي علبة مغلقة وحطي فيها :
شوي كمفورت + ملعقتين صغيرة من ديتول العناية الشخصية + مسك روز + مبشور المسك + دهن ورد
وأضيفي من ذأه الخليط...لموية الشطفة الأخيرة وقت غسيل الأندر وير.

وتلاقو جل خاص للاندر وير...ريحته خيااااااال من لافي ان روز...

وهذي طريقة رااااائعة للترطيب اليومي بالبيت...بعد الشور الصباحي اليومي:
جيبي لوشن جليسوليد بالمسك.....>>> أتعب وأوصفه ولا أوفيه حقه...
افتحي العلبة وأضيفي داخلها نقاط من المسك السائل( مسك العربية أفضل بمية مرة من القرشي)....واستخدميه يوميا للترطيب بعد الحمام مباشرة.

ونصيحة من أخت محبة...جربوا المسك روز من أجمل....لايقارن بأي مسك ثاني بالكون.
والمسك السائل الأبيض من العربية...روووووووعة...لوجربتو ه...ماراح يملى عينكم مسك القرشي...

وكل ذأه بالاضافة لمعطرات الفم.

ونقطة أخيرة...تجربة حابة أفيدكم فيها....اذا كنتي حتلبسي فلات أو شوز مقفلة أو حتى كوتش ( أكرمكم الله )...جربوا هذي الطريقة...

حطي داخلها بالمقدمة عند الاصابع...بودرة معطرة...وبعدها البسيها....
وشوفي الريحة كيف....
أنا أسويها كمان قبل لا ألبس الشراب...

وفي بخاخات خاصة لذأه الغرض...بس روايحها قوية وماعجبتني...فأحلى طريقة هي الباودر

[همس المشاعر]

أغراضها تحكي عنها


كل شي حولها ويرتبط فيها وله علاقة فيها...يقولك أنا ملك لفلانة....
من غرفتها...لأغراضها...لمكتبها... كوبها وصحنها...........الخ.
تضيف لمساتها الخاصة ع كل مايخصها....

مثلا غرفتها....كل مافيها.....من ترتيبها وتنظيمها....يدل ع شخصيتها...يعبر عنها....الألوان والتأثيث والقطع والتحف.....الخ.
مو شرط لاثبات الأنوثة ان كل شي يكون بينك.....>>> أحسها صارت دقة قديمة...أصلا خاصة بالأطفال.

وموضوعنا عن الأنوثة مو الطفولة...

فتلاقي ألوان وديكورات مختلفة...من ابداعها الخاص...
نظافة...ملفتة...تعرفي ان صاحبتها نظيفة من العمق...
مرتبة ترتيب يدلك ان شخصية هذي الأنثى نظامية...

سيلوليرها...ينطق ويقول أن لفلانة...سواء من ناحية الكفر أو الخلفية أو الثيم...>>> طبعا ماتلاقي نغماتها أغاني...لأنهاحرام
وصارت من مميزات المراهقين بسسسسس....ودلالة ع الخفة...

بالعكس نغماتها تدل ع اتزانها...وتدي انطباع عن شخصيتها...

كتبها وقراءاتها...تعطيكي انطباع عن ميولها وثقافتها واهتماماتها....

باختصار كل مايخصها يقول أنا لفلانة...(الأنثى)...


لنفسها عليها حق


مايضيع عمرها بلا استثمار...ولا وقتها بلا فايدة...تقدر نفسها...وتعطيها المجال الأكبر من العناية والدلع والاهتمام...

ومن الأشياء المهمة...اللي أنا أعتبرها من تدليل النفس ورفاهيتها...


الاستجمــــــــــــــــام

وهذي طريقة لأحلى حمام رومنسي وذأه ضروري يهدي الاعصاب ويريحك
اللي نحتاجه

1-شموع معطرة

2-رغوة مغذيه ومرطبه
والافظل تكون بنكهات الفواكه او الزهور
زي رغوة بدي شوب أو زهور الريف أو نكتار
او من لانكوم بالنكهات
او رغوة نونو للاطفال تخلي بشرتك ناعمه مرة

3-فاشكول للشعر أو أيّا سيرامايد أو ماسك
والافضل تكون ريحته حلوة

4-فوطتين وديشمبر تكونين معطرتهم بعطر تحبينه

الطريقه...
ملي البانيو الين النصف مويه دافيه والمويه
تصب أضيفي الرغوه ولما تبدأ البابلز تظهر أقفلي المويا...

شعلي الشموع بعيد عنك شوية
المهم تكون اضائتها واضحه وخافتة

حطي الفاشكول بشعرك وسويله مساج زين وبعدين ارفعي شعرك كله فوووق

وبعدها تمددي بالبانيو بهدوء وتنفسي بهدوء وهدي اعصابك واسترسلي بالافكار

وبعدها قومي وخذيلك شطفة باردة من الدوش

وجففي شعرك وجسمك...ورطبي جسمك بلوشن حلو...

والبسي الديشمبر واطلعي من الحمام

ونعيمــــــــــــــا بأحلا مزاج رايق...

ومن الدلال والرفاهية...جلسات المساج...


وبكذا راح تكوني راضية عن نفسك تمام الرضا...عايشة بصلح مع نفسك ومع الآخرين...حتكوني مضرب الأمثال ومحط تقدير واهتمام واعجاب كل مين يعرفك.....


للكاتبة رنووون

[ام-حمودي]

موضوع رائع

ماقراته كله

لي رجعه

برب

[فتفوتة سكر]

اشكرك همس المشاعر على الموضوع الرائع
تجولت خلاله في العالم الانثوي اللطيف بحياتها الجميله

بالرغم من انني احسست بقليل من المبالغه والتقيد في تلك النصائح
فالانثى بطبيعتها تعطي طابعها وليس بالامور الماديه المصطنعه
اعجبني الاسلوب البسيط والسلس
دمت ِ انثى رائعه ..

[همس المشاعر]

ام حمودي <<< ياهلا والله فيك نورتي

فتفوتة<<< يا احلى سكر انتي شكرا لمرورك وردك بعض النصايح لي عليها ملاحظات بس الموضوع عجبني وحبيت اتشاركة وياكم


سلام يالغاليات

[tofa7a]

مرررره عجبني الموضوع وقراته للنهايه من جد انوثه كامله اسلوبها حلو مقنع تسلمي همس المشاعر على الموضوع يعطيك العافيه ولا تحرمينا من مواضيعك الحلوة

[شريفة]

الموضوع مره يجنن ومشكوره عليه اختي بس فين الوحده تلقالها وقت دي اليومين حتى مي قادره تحك شعر راسها من شغل البيت والاولاد الله يحفظهم

[همس المشاعر]

بنوتة<<< نورتي ياقلبي


شريفة <<< تسلمين يالغلا والله انا اشوف ان الوحدة عشان نفسها لازم تلقى وقت الانثى هي انثى بس تغيير بعض العادات والتصرفات يعطي نتيجة حلوة والاحلى انو يكون في اسلوب حياة مو عشوائية فهمتنيني

[همس المشاعر]

ترا الموضوع دا له ابعاد كتير ما شاء الله على الكاتبة

يعني لو الوحدة مثلا تسيب الدفاشة تعدل باللبس شوي

تبتسم والله كان في بنات لما اشوف الوحدة البوز شبر وطول اليوم اف اف احس بكآآآبة فظيعة بينما لو شفتي وحدة مبتسمة سبحان الله تحسين بفرحة صح

وحدة ملابسها متناسقة ومناسبة لها ولبشرتها ولا وحدة جاية وعليها الوان الطيف الا ماتترك لوك الا وحطته فوشي على ليموني على فسفوري

الريحة <<< لا تعليق اما مبالغة بالعطر او مبالغة ب......

اسلوب الكلام والضحكة حتى الصرخات اللي نسمعها طول اليوم وين الانوثة

بنات ما قد سمعتوا بنات في الجامعة لما تنادي صحباتها تقولهم اهلا شباب<<< يعني تنفي عنهم الانوثة ههه

ولا وحدة تنادي صحباتها متبقي نوع حيوان الله يكرمكم الا ونادت صحابتها