اللي تاخذ غير عضوية مع اماني , تدخل

[حنان 90]

السلام عليكم ورحمة الله وبركاته

بدخل في الموضوع على طول , انا مو عاجبتني اماني ابدااااااااا , اصلا اخذت معها الترم اللي فات ورسبت > اول مرة في حياتي يصير لي هالشيء , مع انه مواد التحضيري 110 كانت اصعب بكثير من الغير العضوية ومع ذلك انجح بدرجة مو بطالة .

وهذا الترم نزلت معها ثاني , لاني ماحصلت غيرها , والهدف من الموضوع اني محتاجة بنات يروحوا معي للشؤون نشتكيها, عشان يغيروها .

على فكرة بناات كثيير يرسبوا عندها , وصيقتي مرة راحت اشتكت عليها قالوا لها اصلا اماني الشؤون اعطتها انذارين من قبل !!! < شكل ضحاياها كثير

يمكن انتم لسى ماشفتوهاعلى حقيقتها , بس تعامل سيء زيادة على اسئلتها البايخة وتصحيحها الابيخ .

مرة رحت غرفتها اسلمها بحث , قالت لي " ايه ده" نطقتها بكل قرف !!
و اليوم وحده قالت لي انها اخذت معها ورسبت , ولمن راحت تشوف ورقتها , اماني كانت زعلانة وماادري ايش , المهم , البنت شافت الورقة كلها اكسات حمراء , حتى لو نص الاجابة صح تشطب الاجابة كلها (على قولة البنت , والبنت قسمت بالله )
يعني تقول , في (صح + خطأ) , لو حطيتي صح و صححتي الاجابة , وكان المفروض خطأ مع التصحيح , وتصحيحك سليم , تحسبها صفر .
ولو في التعداد , كتبتي اول شيء خطأ , وتحت كملتي الفقرات صح , تحسبها صفر .

البنت تقول كان عندها سؤال كلها صح اجابته ,ومع ذلك عليه اكس احمر, ولمن سالت لاماني , كان ردها :" طيب , درجة وحدة , خذيها " < يعني اعترفت ان الحل صح !

انا وغيري الكثير رسبنا عندها ومابنكون الاخيرين اذا مااحد اشتكى .
يبدو انه حان وقت تقاعدها .

حسبي الله عليها ونعم الوكيل

بعدين لو يوظفوا السعوديات المتخرجات العاطلات ابرك , نص الجامعة مصارية !!!! والنص الثاني جميع الجنسيات بما فيه السعوديات ! > هزلت .

[حنان 90]

واسفة عالاخطاء الاملائية , كتبت عالسريع

[دروووووووب]

بصراحة مرررررررررررررة فجعتيني وفاجأتيني بموضوعك وكل حاجة مرعبة حسيت فيها

انا شايفة الدكتورة زي العسل وصديقاتي يقولو افضل دكتورة في قسم الكيمياء الحيوية ودا باين من شرحها بصراحة مرررررررة تفهم بس المنهج هوا اللي دسم ويبغاله اول بأول ,, مو معقول كل ما حملنا مادة نحط اللوم عالدكتورة

انا ما اعاكس كلامك وربي شهد علي بس هدا اللي انا حاساه تجاه دي الانسانه

مع اني اوةل ترم اخد معاها واول مرررة اخد معاها وما اعرف كيف اسألتها
لكن نقول ان شالله خير

[Esra'a5992]

أنا أخذت معاها قبل أيض 1 ومررة كانت تشرح كويس أسئلتها صح صعبة ومو متعودين عليها وتصحيحها معقد لكن هي تكون عاطيتنا نبذه قبل عن طريقة الأسئلة وطريقة التصحيح وإنها ماتحب أحد يجاوب إلا مرتب وكامل , أعرف هالشي صعب علينا ومو متعودين عليه لكن ترى الحين معظم الدكاترة يتطلبو هالشي ويحبو الإجابه تكون نموذجيه وبنفس الترتيب اللي هم أدونا إياه

احنا معانا جزء من الحق وانتي معاكي جزء من الحق بس جربي تروحي تطلبي منها تشوفي ورقتك أنا أشوف إسلوبها معاي شخصيا مرة حلو ولا آذتني بيوم بالعكس مررة كانت متعاملة معاي بكل احترام فيمكن لمه تروحي وتطلبي منها تشوفي ورقتك تعاملك أوكيه وتوريك الورقة وان شاء الله ما يصير معك الا الخير ..

[Esra'a5992]

صح وأنا الحين آخذ معاها غير عضوي ..

[دروووووووب]

طيب كيف الغير عضوي لو حفظنا نصيا من الملزمة تدينا الدرجات ولا لازم من الفهم ؟؟

وتعرفي اسىلتها تخرج عن الملزمة عشان يقولو صعبة ؟

[shoshooooo]

السلام عليكم
انا اخذت مع دكتورة اماني غيرعضوي يمكن قبل سنه وكنت متخوفة منها ومن كلام البنات بس كلمة حق لازم اقولها دكتورة اماني اعطتني حقي وماظلمتني وبالعكس اسئلتها عاديه يمكن عشان تجيب اسئلة مقاليه بس كانت من الملزمه وماتخرج عنها واذا كتبتي بفهمك عادي بس اهم شي تدينها المطلوب بس كان فيه اسئلة اذكري السبب اغلبه كان من شرحها وكنت اكتب معاها واحضر المحاضرات والحمدلله اخذت درجه حلوه ...اخت حنان اذا حاسه انك مظلومه راجعيها وربي ماراح يضيع حقك...

[نسيم الوجود]

عديت اليوم من جنبك لو شفت موضوعك من امس كان مسكتك اليوم وعلمتك كيف تذاكري الماده

الحين انتي لاتضيعي وقتك شكاوي ومدري ايش مارح يتغير شي

بكل صراحه قولي لي الترم اللي فات كيف ذاكرتي الماده بالتفصيل ! مادام فيه بنات تنجح عندها بامتياز فالغلط بطريقه مذاكرتك مو من الدكتوره ! قولي عشان اقدر اساعدك


والناس اللي تصمّ الملزمه بدون فهم ترا بقولكم بتاخذون ابو جلمبو على جبهتكم








نسيمــ

[دروووووووب]

امممما يعني مو كل المعلومات انا فاهمتها

طيب مين تعرف طريقة اسألتها او نبغ خبرة مجربة اختبار ددوري اول

بلييييييز افيدونا ؟؟؟

[بيو كيميائية ^_^]

بصراحة أنتِ تبالغي

أولًا ليش ماأخذتي مع مونزا دامك مو طايقتها

ثانيًا تقولي تزعل عشان تشوفي الورق أنا في الدوري الثاني رحت أشوف ورقتي وكان فيه غلط منها ومرة برحابة صدر و ياكثر اللي يشوفون أوراقهم وتراجع معانا وتفهم البنت أغلاطها

ثالثَا مواد التحضيري أصعب تمزحين !! لأن التحضيري إعادة للثنوي فكيف يصير أصعب !!

رابعًا تعاملها السيء هي أحسن دكتورة في الأخلاق

أنا تعاملت معاها خارج الكلاس وأخذت معاها بحث وعشان وقتي يتعارض مع وقتها صارت تجيني في يوم هي ماتداوم فيه

لو ماعندها أخلاق ليش تقوم من عز نومها وتجي لي عشان تعلمني البحث وتشوف اللي عملته وهي حتى ساعة ماراح تاخذ

وأيضًا لما أكلمها تحترمني وتوقف مو تمشي

وما تسخر على البنت إذا غلطت مثل هناء قشلان

وحكاية الأسئلة بايخة إن كانت بايخة ليه ماحليتي !!

والبنت اللي كل ورقتها اكسات ليه ماقالت إنها كاتبة غلط

لو صح مانقصتها

و بعدين أوقات تكتبي نص الشيء لكن هالشيء أصلًا غلط أو ماله داعي

أوقات كثير يقولون كاتبين وكاتبين لكن هالشيء غلط و أوقات غبي

وشكلها صديقتك تبالغ

وعطتها الدرجة لأن حقها ومافيها شيء تعترف بغلطها

وكثير يرسبون من الإهمال أو الخوف أو المذاكرة الغلط

بالمقابل كثير جابوا في التسعين و الثمانين

و على فكرة صدق هي مصرية لكن هي أفضل وحدة في القسم

وهي اللي تعلمنا منها

وإلا السعوديات اللي عندنا شنو إستفدنا منهم قول لي بعضهم إخذنا درجات وبعضهم خسرنا الإثنين

أبسط مثال

هناء قشلان لا شرح ولا أخلاق لو ما إستاذة بهية كان مانعرف شيء في الطبية

صححي أغلاطك وشيلي النظرة هذهـِ مابترسبك ظلم وإذا مظلومة شوفي ورقتك مابتمنعك