إستفسار، التحويل من إنتظام إلى تعليم عن بعد ؟

[إدريس ولد القابلة]

السلام عليكم
يا أخوان أنا طالب منتظم تخصص أدب إنجليزي ، أبغى أحوّل إلى تعليم عن بعد
اللي سمعته إنه لازم ما أكون إجتزت نصف عدد ساعات المقرر
الساعات المتكسبة عندي ٥٠ ساعة
والساعات المسجلة ٧٨ ! يعني ٢٨ ساعة طارت بالهواء ما بين حرمان وفيه ترم كامل قررت إني ما أحذفه عشان ما تروح علي إمكانية الحذف بالمستقبل فنزل لي كله حرمان

السؤوال ، الآن يحسبون لي ٥٠ أو ٧٨ ساعة ؟
وبصراحة ما أدري عدد ساعات المقرر ( آداب إنجليزي ) كم ساعة بالضبط ، بس أكيد أكثر من ١٠٠ ساعة ، فلو حسبوا الساعات المكتسبة بس أعتقد تتطابق شروطهم علي
لكن لو حسبوا كل الساعات المسجلة وهي ٧٨ ساعة ، ما أقدر

كيف أقدر أحّول من منتظم إلى تعليم عن بعد ، خصوصاً إني خارج المملكة الآن ؟ ماهي الإجراءات ؟
كمان بالنسبة للإختبارات النهائية ، سمعت إنه لازم بجدة أو بعض المناطق بالمملكة ، ممكن يكون مثلاً هنا بإمريكا أو حواليها ع الأقل؟! <~ يحلم

يا ليت تفيدوني في أمري ، جزاكم ربي الجنة
وشكراً مقدماً ،،