مواد السنة التحضيرية -المسار الاداري

[لولو كاتي]

مرحبا
الموضوع واضح من العنوان
بدي اعرف المواد الي ندرسها
ممكن احد يفيدني؟

[MNMO0ONA]

تيب ياعسل المواد اللي تدرسيها في المسار الاداري رياضيات احصاء تحليل احصائي تحليل كمي مهارات اتصال ولغه عربيه مهارات التفكير حاسب الثقافه الاسلاميه انجليزي 101 ولنجليزي 102
طبعا المسار ينقسم لخطتين خطة أ موادهم حاسب وتحليل كمي وانجليزي وثقافه اسلاميه ورياضيات ولغة عربيه
وخطة ب موادهم احصاء وانجليزي مهارات تفكير ومهارات اتصال وتحليل احصائي
وطبعا اذا كونتي الترم الاول خطه أ الترم التاني حتكوني خطة ب والعكس اذا درستي الترم الاول خطة ب الترم التاني حتكوني أ

والكليات المتاحة بعد الانتهاء من المسار الاداري هي :
الآداب والعلوم الإنسانية – الاقتصاد والإدارة – بعض تخصصات الاقتصاد المنزلي – كلية التربية- بعض تخصصات كليه التصاميم و الفنون للبنات - كلية العلوم والآداب في محافظة خليص ( تخصص لغة إنجليزية فقط ) - كلية العلوم والآداب في محافظة الكامل ( تخصص لغة إنجليزية فقط ) - بعض تخصصات كلية التربية - بعض تخصصات كلية الاتصال والإعلام - بعض تخصصات كلية الأعمال برابغ - كلية اللغات والترجمة - بعض تخصصات كلية الأعمال
طبعا انا في موضوع اتكلمت عن المسار العلمي وقلت بصراحه انا المسار الاداري ماعرف تقسيم الخطتين لاني كونت مسار علمي بس عشان خاطرك سالت صحبتي لانها مسار اداري
وبالتوفيق

[سعيد الغآمدي]

المشاركة الأصلية كتبت بواسطة mnmo0ona تيب ياعسل المواد اللي تدرسيها في المسار الاداري رياضيات احصاء تحليل احصائي تحليل كمي مهارات اتصال ولغه عربيه مهارات التفكير حاسب الثقافه الاسلاميه انجليزي 101 ولنجليزي 102 طبعا المسار ينقسم لخطتين خطة أ موادهم حاسب وتحليل كمي وانجليزي وثقافه اسلاميه ورياضيات ولغة عربيه وخطة ب موادهم احصاء وانجليزي مهارات تفكير ومهارات اتصال وتحليل احصائي وطبعا اذا كونتي الترم الاول خطه أ الترم التاني حتكوني خطة ب والعكس اذا درستي الترم الاول خطة ب الترم التاني حتكوني أ والكليات المتاحة بعد الانتهاء من المسار الاداري هي : الآداب والعلوم الإنسانية – الاقتصاد والإدارة – بعض تخصصات الاقتصاد المنزلي – كلية التربية- بعض تخصصات كليه التصاميم و الفنون للبنات - كلية العلوم والآداب في محافظة خليص ( تخصص لغة إنجليزية فقط ) - كلية العلوم والآداب في محافظة الكامل ( تخصص لغة إنجليزية فقط ) - بعض تخصصات كلية التربية - بعض تخصصات كلية الاتصال والإعلام - بعض تخصصات كلية الأعمال برابغ - كلية اللغات والترجمة - بعض تخصصات كلية الأعمال طبعا انا في موضوع اتكلمت عن المسار العلمي وقلت بصراحه انا المسار الاداري ماعرف تقسيم الخطتين لاني كونت مسار علمي بس عشان خاطرك سالت صحبتي لانها مسار اداري وبالتوفيق

لا يوجد في الجامعه كلية الاعمال انما تخصص ادارة الاعمال بكلية الاقتصاد والاداره
ولايوجد في الجامعه كلية اتصال واعلام انما تخصص اعلام


؟؟

من وين جبتي هالكيات

افيديني ولكي ودي وتقديري

[MNMO0ONA]

ماجبت دا الكلام من راسي من موقع الجامعه نفسو
http://odus1.kau.edu.sa/web_app_v3/A....aspx?UNV_ID=1

[لولو كاتي]

Mnmo0ona ميرسي
بس انا كنت ادبي في الثانوي وابغى ادخل علم نفس
كييييييييييييييف ادرس رياضيات
اكيد حاادرس رياضياااااااااااااااااااااااااات؟؟؟؟؟؟؟؟؟

[لولو كاتي]

بليز answer

[MNMO0ONA]

بالنسبه لسؤالك الاول هادا هوا نظام الجامعه اللي يبغى يتخصص انجليزي يدرس ثقافه اسلاميه ورياضيات
واللي يبغى علم نفس يدرس احصاء وتحليل احصائي ورياضيات مشي حالك بس لاتخافي الرياضيات مررره سهل دراستو بالعربي وغير كدا المباديء بس يعني مابيتعمقو كتير بس انتي مررررره شدي حالك لانها دي السنه اللي حتحدد فين حتنقبلي لاتحطي في بالك انو انتي جامعه وعاتي فله مو لازم ازاكر كويس حطي في بالك انو انتي رابع ثنوي عشان تشدي حيلك اكتر اسفه على كترة الكلاام بس واللهي حبيت انصحك لانو كتير يقولو خلااص نحنا في الجامعه ومو لازم نزاكر عاتي
ومايعرفو انو السنه التحضيريه دي مره مهمه ولازم تجيبي معدل فيها وموفقه ان شاء الله
اما بالنسبة لسؤالك التاني كولنا واللهي كدا اكدنا بس مافي شي بيدل انو نحنا خلااص اكدنا الطلب

[لولو كاتي]

المشاركة الأصلية كتبت بواسطة mnmo0ona لاتحطي في بالك انو انتي جامعه وعاتي فله مو لازم ازاكر

في احد يفكر زي كدا؟؟
انا داخلة ادرس الجامعة مو للفلة الجامعة للدراسة وبسسسس
وميرسي جدا

[سعيد الغآمدي]

لا لا موقع الجامعه غلطان مليوون في الميه
مافي كلية ادارة اعمال ولا فيه اصلا كلية اتصال واعلام

[سُكر محروق]

أختي طيب الي يبغى يتخصص إعلام ايش يدرس في السنة التحضيرية أتمنى تفيدني ؟