الدكتورة فاتن خورشيد اللي تعرفها تتفضل

[ام رونزا]

السلام عليكم
بنات حابه اسالكم عن الدكتورة فاتن خورشيد =بيو خليه
حطوني عندها بعد ماكنت عند نيفين مدري ايش سووا بالشعب شكلهم غيرو الدكاتره
المهم انا حضرتلها اليوم الادميه مرررره تستخف بدمها وتسال عن المحاضره اللي فاتت واحسها شديده ومشكلتها انها تحفض اسم كم بنت وخلاص تعلق عليهم يعني احنا ماكأننا موجودين بالكلاس
فاللي تعرف اي شي عنها تقول هيا تقول انو انا اسالتي مررره سهله وشوفو النتايج الفصليه تبع البنات (السمستر اللي فات) ولما دخلت على موقعها وشفت درجات البنات انصدمت اغلبهم بالستين واغلبهم اف وبنيتن اخدين a+ مااعرف العيب من البنات ولا من الدكتورة وشرحها مررره عادي انا مدري كيف البنات(بنات المنتدى) يقولو خوشي عندها وانتي مغمضه عيونك؟؟؟!!!!

[ام رونزا]

يعني باللهي محد درس عندها ؟؟؟up up up up up up

[Moŋat]

سمعت من البنات انها كويسة !

يعني ماحد من اللي اعرفهم ذم فيها او قال كلام مو طيب

بالتوفيق

[shoqy]

انا صديقتي بالطب درستها السمستر اللي فات وصراحه مدحتها ليا بس هذي الدكتورة تحب توري البنت اللي تتكلم شغلها مزبوط>>تخوف وربي
بس ترى هي تشرح كويس وان شاء الله تجيبي معاها درجات عاليه انا ادرس معاه وربي اخاف منها..

[pink ink]

صرااااحه !!
انا رايي العكس فيها ابدا ما كنت استوعب معاها وتحب تتكلم كتييير وتفصل كتير ما تعطي الزبده على طول ...
وعندها شويه ظوابط انا ما اقدر على كدا بصراحه ...
جد جد كنت اتذمر دايما من محاضراتها والاسئله تقدري تقولي مايله للصعوبه نوعا ما وغير هيك المنهج حقها مو انجليزي عادي يبغالك مترجم جنبك تختار اصعب الكلمات واتحطها في السلايدات وهاد سبب في انو تعبتني الماده معاها ...
بس حبيبتي مو شرط انو هيه سيئة .. كل واحد بيختلف عندو معايير اللي بيحكم فيها على الدكاترة
والله يوفقك للخير يارب :)
للمعلوميه انا جبت معاها +b بس والله اعتبرو بفضل الله ثم مجهودي اكتر من مجهودها !!

[ام رونزا]

المشاركة الأصلية كتبت بواسطة moŋat سمعت من البنات انها كويسة ! يعني ماحد من اللي اعرفهم ذم فيها او قال كلام مو طيب بالتوفيق

ههههههههههههه مو الموشكله ياعسل ايش اللي وداني لورا غير كلام البنات الله المستعان بس

[ام رونزا]

المشاركة الأصلية كتبت بواسطة shoqy انا صديقتي بالطب درستها السمستر اللي فات وصراحه مدحتها ليا بس هذي الدكتورة تحب توري البنت اللي تتكلم شغلها مزبوط>>تخوف وربي بس ترى هي تشرح كويس وان شاء الله تجيبي معاها درجات عاليه انا ادرس معاه وربي اخاف منها..

الحال من بعضو ياقلبي حتى انا اخاف منها بالزات لما تسال الموشكله اعرف الاجابه بس اتردد اخاف تفشلني ماشالله على لسانها طويل تردح للبنت
وامين يارب

[ام رونزا]

المشاركة الأصلية كتبت بواسطة pink ink صرااااحه !! انا رايي العكس فيها ابدا ما كنت استوعب معاها وتحب تتكلم كتييير وتفصل كتير ما تعطي الزبده على طول ... وعندها شويه ظوابط انا ما اقدر على كدا بصراحه ... جد جد كنت اتذمر دايما من محاضراتها والاسئله تقدري تقولي مايله للصعوبه نوعا ما وغير هيك المنهج حقها مو انجليزي عادي يبغالك مترجم جنبك تختار اصعب الكلمات واتحطها في السلايدات وهاد سبب في انو تعبتني الماده معاها ...<<<عنجد بس لما تترجم بالمحاضره اغلب اللي تترجمو بالانقليش الا ناااادر بالعربي وهيا تشوف البنات متفاعلين معاها ماتعرف انو كل وحده عقليتها تختلف عن التانيه يعني وحده بيرفكت ووحده نص ونص ووحده ميح بس حبيبتي مو شرط انو هيه سيئة .. كل واحد بيختلف عندو معايير اللي بيحكم فيها على الدكاترة والله يوفقك للخير يارب :)<<<<<<امين يارب يوفقنا اجمعين للمعلوميه انا جبت معاها +b بس والله اعتبرو بفضل الله ثم مجهودي اكتر من مجهودها !!

<<<ماشالله استمري عقباالي يارب