بشأن البطاقه الجامعيه ضروري الله يرضى عليكم

[بكرى أحلى]

السلام عليكم ورحمة الله وبركاته

اللحين انا ماأستلمت البطاقه ولا جاتني رقم الارساليه الثانيه
فكرت اني اروح ان شاء الله بكرى الجامعه
لكن ماأدري وش اخذ معي من اوراق وثبوتات عشان اخذ البطاقه الجامعيه من عندهم
ووين اروح بالضبط ؟ عند العماده ولا عند مين بالضبط ؟؟

[الصوابي احمد]

رقم الطلب او صورة للبطاقه على ما اعتقد وانا ارسلت اخي جابها لي من الجامعة برقم الطلب وترى في الاختبار خاصة المناطق شفتهم يسلموهم بطاقات الجامعه في القاعه .

[بكرى أحلى]

صورة لبطاقة شنو ؟؟!

ورقم الطلب قصدك اللي زمان سددنا فيه الرسوم حق الجامعه في البداية ؟!

ومايطلبون الهوية أو الاقامه ؟؟

[lo0ola.h]

ياليت اللي عنده خبر يرد علينا

:(

[الصوابي احمد]

اسف ما انتبهت للجنس رقم الطلب مثل الطلاب وما دام انتي رايحه هناك على طول شطر الطالبات وهم بيفتوكي وخذي صوره من كرت العائله علشان رقم الحاسب والله يوفقك
بالنسبة للطلاب رقم الطلب واعطوني البطاقة

[بكرى أحلى]

جزاك الله خير اخوي .. ماقصرت
ياليت أحد يفتينا بالنسبه لشطر الطالبات !!

[MOHAMEED]

السلام عليكم ..

بخصوص آلبطآقه آلجآمعيه لمآآ آستلمها هل ادفع فلوس ولا لآنو برسل آلسوآق يجيبها

ي ليت اللي عنده علم يفيدنآآ وشكرآ ^^

[lo0ola.h]

بكرى احلى:

وش صار معك؟؟ روحتي الجامعة ولا لا؟؟

اذا لا ياليت تعطيني خبر متى رايحة علشان نروح مع بعض

بالنسبة للبطاقة:

مرة اخوي معيدة بالجامعة وقلت لها تتاكد من بطاقتي هي وين وبلغتني اليوم انه البطاقة بعمادة القبول ولازم اجي بنفسي استلمها واجيب معي الهوية او بطاقة العائلة والجدول علشان يدخلوني من البوابة!!

[Reham ji]

مرحبااااا
انا كمان يابنات لسة مانزلتلي البطاقة الجامعية
مين تقدر بكرة تجي معايا الجامعة عشان نشوف البطاقة ..

[سحر الحربي]

حتى أنا بس أنا مؤ من جدة وأرسلت لهم وقالوا أستني رقم الإرسالية