أخيرا وجدتكم يا دكاترة المستقبل ..[يلدرم ،المتفائلة].

[بـ س ـام]

السلام عليكمـ ..

:

شيء جميل إني أجد تفاعل مع الإستفسارات
بشكل كبير ، وهذا اللي شجعني أسجل وأستفسر
عندكم ، وواثق كل الثقة بأن الضياع اللي بداخلي
ستمحيه أضوائكم .. وردودكم ..

الحقيقه يا أخوان ، إنه أنا طالب في الصف الثاني ثانوي
وأقدر أعترف بكل جراءة بأني ضيعت الفصل الدراسي الأول
بدون إجتهاد وجبت 89% درجة موزونه طبعا ..

وجبت في القدرات 76، طبعا أختبرت قدرات
لأجل أشوف طريقة الأسئلة ، وعندي باقي فرصتين
السنة الجايهـ ..

اليوم صحيت وأنبني ضميري
ودخلت النت بكل قوة وشراسهـ وبحثت في كل مكان
عن أمل عن حياة لكني ماوجدته إلا عندكم

شفت موضوع الأخت ببلز قيرل ..
وأستفدت منه كثير ، فـ
أقدم لها باقة جوري وإنحناءة شكر لأنها
أطفأت شيء من إستفساراتي

والآن :

أبي أعرف :
كم أقل نسبة تقبلها كلية الطب ؟
وهل مثلا أقدر أدرس طب بفلوسي
لو ماقبلوني بمعدلي ؟

وكم راح تكون التكاليف
لأني بصراحه مستعد أعيد السنة
لأجل أجيب درجات وأفرح أمي
بالقبول في هذه الكلية الحلم ..

:

كلي أمل بالله ، ثم أنتمـ
فأمطروا قبل أن أذبل ..

تحيهـ بيضاء كاللـ (لاب كوت.. ) .

[بـ س ـام]

إستفسار آخر [فيس خجول] ..

:

هل القبول في الطب
يعتمد على النسبة اللي راح أجيبها
في السنة التحضيريه ؟

طبعا القبول في الجامعه أمر سهل بإذن الله
أنا أتوقع معدلي راح يكون إن ضربت الحمة 96% ثانويه عامه موزوونه ..
وراح أنقبل في الجامعه بإذن الله شيء أكيد ،

ويبقى الطب هل بـ 96 أنقبل ، أو مايهمهم هالمعدل ؟
ويهمهم معدل السنة التحضيريه ؟

إستفسارات كبيره داخلي .. الله المستعان :D ..

[يلدرم]

اولا انا مو دكتور بل مهندس

ثانيا اترك أختي الدكتورة المتفائلة ترد عليك لانها اعلم مني وبعد كدا لو كان عندي اضافة راح ارد

[المتفائلة]

حيااااك الله ومرحبا بك

وان شاء الله تجد في منتدانا مايسرك ومايفيدك ان شاء الله

اولا ماشاء الله درجه القدرات جميله لاقوة الا بالله بما انها اول اختبار
لكن المعدل الموزون ارفعه شوي

وان شاء الله بالنظام الجديد راح يقبلوا اعداد كبيره جدا

ليس لدينا معلومات كافيه حول اليه القبول بشي من التفصيل وكم النسب اللي راح توقف عليها الجامعه
لكن ان شاء الله راح تزيد الاعداد


حاول اهم الشي ان يكون معدلك عااالي جدا

طبعا بعدين راح تختار التخصص على حسب معدلك في السنه التحضيريه

يعني لازم تشدو حيلكم في الثانويه العامه وكذلك في السنه التحضيريه

تمنياتنا لكم بالتوفيق
وان شاء الله نراكم دكاتره واخصائيين متميزين

اكتب كل ماتريد معرفته
وان شاء الله سوف يساعدك الكل

بالتوفيق

[بـ س ـام]

المشاركة الأصلية كتبت بواسطة يلدرم اولا انا مو دكتور بل مهندس ثانيا اترك أختي الدكتورة المتفائلة ترد عليك لانها اعلم مني وبعد كدا لو كان عندي اضافة راح ارد

يا هلا بمهندسنا ..
ياشيخ ماتزعل إنت دكتور ومهندس كمان ، ربي يسعدك (f) ..

:

كلي إنتظار يلدرم شكرا للحضور :) .

[بـ س ـام]

حيااااك الله ومرحبا بك

ياهلا فيك والله ..

اولا ماشاء الله درجه القدرات جميله لاقوة الا بالله بما انها اول اختبار لكن المعدل الموزون ارفعه شوي

الله يسعدك ياشيخه وأنا أحسب إني جايب العيد
الحمد لله ، بإذن الله شديت حيلي هذا الفصل وأتوقع ما أنزل
عن 98% للفصل الدراسي الثاني ..

وان شاء الله بالنظام الجديد راح يقبلوا اعداد كبيره جدا

ممكن خيتي تتكلمي عن هذا النظام شوي ..

ليس لدينا معلومات كافيه حول اليه القبول بشي من التفصيل وكم النسب اللي راح توقف عليها الجامعه لكن ان شاء الله راح تزيد الاعداد

أها فهمت عليك ..

حاول اهم الشي ان يكون معدلك عااالي جدا

بإذن الله خيتي ، لكن صراحه هل الخروج من الثانويه
العامة بمعدل 95% يأهل للدخول في الطب ؟

طبعا بعدين راح تختار التخصص على حسب معدلك في السنه التحضيريه

إلحين السنة التحضيريه هذه خاصة باللي في كلية الطب ؟
ولا جميع الكليات .. ؟

يعني لازم تشدو حيلكم في الثانويه العامه وكذلك في السنه التحضيريه تمنياتنا لكم بالتوفيق وان شاء الله نراكم دكاتره واخصائيين متميزين اكتب كل ماتريد معرفته وان شاء الله سوف يساعدك الكل بالتوفيق

الله يسعدك .. جدا كنت ومازلت بحاجه لوجود مثلك
باقة ورد لروحك الطاهرة .. وكوني بخير .. دائما .

كلي إنتظار .. :)

[يلدرم]

بسم الله الرحمن الرحيم

طبعا نظام السنة التحضيرية يطبق اول مررره في الجامعة لجميع الطلاب والطالبات

في السابق كا الطلاب على طوول يدخل الكلية اللي يبغاها لكن الان يدرس مواد عامة زيه زي اي طالب في السنة الاولى

وبعد كدا يتم تسكين الطلاب والطالبات في الكليات حسب المعدلات

على فكرة هل حطيت بياناتك في موقع الجامعة ؟

اكيد لا زي مااعتقد

الان قدم وحط كل معلوماتك وكمل باقي البيانات بعد ماتحصل على النتيجة

ادخل الموضوع دا عشان تعرف اكثر عن النظام الجديد

http://www.skaau.com/vb/showthread.php?t=11042

رابط التسجيل حاول تنسخة وتحطه على المتصفح ولا تضغط عليه من المنتدى لانه ماراح يشتغل

أي شئ تبغى له توضيح ان شاء الله نقدر نساعدك وياهلا بك في منتديات طلاب وطالبات جامعة الملك عبدالعزيز

[يلدرم]

على فكرة انت ذاكر في بداية الموضوع انك ثاني ثانوي يعني بدري عليك بدري

ثانيا نظام الدراسة للطب بالفلوس لغته الجامعة من العام الماضي

[بـ س ـام]

المشاركة الأصلية كتبت بواسطة يلدرم بسم الله الرحمن الرحيم طبعا نظام السنة التحضيرية يطبق اول مررره في الجامعة لجميع الطلاب والطالبات في السابق كا الطلاب على طوول يدخل الكلية اللي يبغاها لكن الان يدرس مواد عامة زيه زي اي طالب في السنة الاولى وبعد كدا يتم تسكين الطلاب والطالبات في الكليات حسب المعدلات على فكرة هل حطيت بياناتك في موقع الجامعة ؟ اكيد لا زي مااعتقد الان قدم وحط كل معلوماتك وكمل باقي البيانات بعد ماتحصل على النتيجة ادخل الموضوع دا عشان تعرف اكثر عن النظام الجديد http://www.skaau.com/vb/showthread.php?t=11042 رابط التسجيل حاول تنسخة وتحطه على المتصفح ولا تضغط عليه من المنتدى لانه ماراح يشتغل أي شئ تبغى له توضيح ان شاء الله نقدر نساعدك وياهلا بك في منتديات طلاب وطالبات جامعة الملك عبدالعزيز

أهلا أخي ،،

فهمت كل سطر من كلامك والحمد لله إلحين
طفت داخلي نيران الإستفسارات ..

بقي فقط شيء ..
هل يمكن حدوث تغيير في السنة الجايه
ينص على إن السنة التحضيريه راح تلغى
ويصير كل شخص بحسب معدله الثانوي ؟؟

وبالنسبة للقبول في الجامعهـ للسنة التحضيريه
كم أقل نسبة موزونه تسمح لي بالقبول ؟

وأشكرك من الأعماق ، رافقتك عين الله أين ماكنت ..

[يلدرم]

السنة التحضيرية تطبق لاول مره واكيد راح تستمر لعده سنوات

شوف التسكين في الكليات بعد دراسة سنة من في الجامعة يعنى أكيد راح يحطوا نتيجة الثانوية والقدرات والتحصيلي والمعدل الجامعي في الاعتبار

المعدل الموزون يختلف من سنة لاخرى لكن اللي اعرفه انو الكليات الطبية يكون المدعل الموزون فوق 87 % بس طبعا دا الشئ اختلف الان

اما الدخول للجامعة فهو غير معلوم لانو في تخصصات تختلف بس كانت عندي قائمة بالمعدلات لاخرى سنة لو قليتها راح احطها

ولو دخلت موقع القبول الالكتروني من خلال موقع الجامعة تلاقي ايقونة لحساب المعدل الموزون