تخرج إن شاء الله بس محتاجة مساعدة في المواد الحرة

[roni_k]

السلام عليكم ورحمة الله وبركاتة

جماعة انا الترم دا ابى اتخرج إن شاء الله عندي مادتين تخصص بس الي هما
ادارة اعمال في ثقافات متعددة مع هند بكر
وابى اضيف بحث وتدريب إن شاء الله مع تغريد
بس ابى مادتين حرة اضيفها عشان اخلص ساعاتي
اخدت نظام سياسي
وعلوم سياسية
اخلاقيات عمل
قبل كدا
ابغى مواد حرة او اختيارية غير دي وتكوون سهههلة

[Jeddah_one]

حرة
فن الاقناع com205 بس المادة زحمه لكن حقت رفع معدل لو تذاكريها زين

[" كلي طموح "]

ادارة محلية

و

قييادة وابتكار

[roni_k]

طيب فن الاقناع com 205 معلوماتها كتيير ولا يبالها تركيز مزبوووط ومع مين افضل استاذة

[roni_k]

وبنات الي اخدت المواد دي تقلي رايها فيها:
ادارة علاقات عامة pad461
فن الاقناع com205
الرأي العام com204
مؤسسات معلومات Is211 مع سوزان او منى

من نحية الصعوبة كم في المية
والتركيز في معلوماتها كم في المية
والمعلومات كتيرة ولا لأ

[roni_k]

واضيف مادة ادارة مبيعات bus416
الي اخذها يفيدني لو سمحتو

[roni_k]

خلاص جماعة قررت ااجل التخرج للترم الجاي إن شاء الله الترم دي حاخد مواد حرة واختياري لرفع المعدل فحابة استشيركم في المواد دي بالنسبة لي الي اخذوها افيدوني جزاكم الله خير
القيادة والابتكار bus437 ( لكن للاسف لين دحين ما نزلتلها شعب )
دراسات ادارية معاصرة bus 438مع امل تركستاني
قنوات التوزيع bus418
التطوير التنظيمي واعادة التنظيم bus436 نصحوني مع على القحطاني بس ما اعرف اذا يدرس البنات
ادارة محليةpad341 مع عنود السبعان
ادارة مبيعات bus416
التجارة الالكترونية bus457
سلوك مستهلك bus 311

[" كلي طموح "]

قيادة و ابتكار أخذتها مع خديجة ضباب زمان و كانت حلوة و سهلة ..

الباقي ما أعرف والله .. بس سمعت انه علاقات عامة كويسة ..

[roni_k]

بنات تطوير تنظيمي نزلتلي مع حياه صوفي كيف بالنسبة لي الي اخذت معاها قبل كدا

[ام نورا مهدي]

الاستاذة حياة جدا رائعة واسلتها واضحة اخذت معها المادة الترم الي فات وجبت درجة حلوة عندها
بالنسبة لي مادة ادارة العلاقات العامة انا نزلتها الترم هذا ويقولون انها سهلة وملزمتها صغيرة ونفس شرائح الاستاذة خديجة