اذا قطفت الوردة.. توقع ان تكون بها اشوااك.. فلاتحمل غيرك.. ما جنته يدااك

[روووني]

صراحه موضوعك منطقي جدا جدا
وانا كنت اكره المنتدى من كتر ردودهم اللي تجيب الصداع وتحسسك بالفشل
لكن في عندي تعليق في بعض الاشياء مثلا لمن يجو يقولولنا مافي درجات للمشاركه وبعدين اخر السميستر يقولك الا في درجات على المشاركه هادي بحد زاتها اكبر سبهلله

ولا لمن تسألي المسؤولات يقولو لك احنا مانعرف ولا لسه ماطلعنا قرار اي سنه او اي منهج دراسي يمشي من غير مايتخدو قرار

انا عتبي مو على السنه التحضيريه انا عتبي على تصرفاتهم وعلى نظامهم الفاشل في اتخاذ القرار وحتى لمن يتأخدو قرار مايقولو لنا الا في نهايه السنه وداه كلو ان اتخدو قرار وفكرو


وصراحه كلامك يرفع المعنويات ومررره شكرا
ولو تدخلي القسم الاداري تلاقي كلام يجيب الهم والغم كلو احنا فئران تجارب احنا مسكين احنا مظلومين لا ويلومو التصحيح الالي يعني ولا شي عاجبهم بس منتداكم ماشالله متعاون لابعد الحدود والله يوفقكم

وانا معاكي في كل كلمه قلتيها ويمكن انتي الوحيده اللي كلامها عجبني

[noody334]

المشاركة الأصلية كتبت بواسطة no0oni السلام عليكم للجميع شباب و بنات حابه اول شي ابارك للنجحووو واقول هارد لك للراسبين ومعليش ربي يسهلكم الترم الصيفي يا رب وتعدووو انا كتير بدخل على المنتدى ولو تلاحظو مشاركاتي جدا قليل لاني اكتفي بقراءة المواضيع من غير رد ولكن صراحة حبيت اكتب هادا الموضوع في نهاية السنة التحضيرية عشان ابغى اوصل( راي الشخصي) للجميع اول شي طبعا اكيد كلنا نتفق انو احنا دفعة حقل التجارب من بداية تغيير المناهج في المتوسط والنظام المطور في الثانوي ودحين السنة التحضيري في الجامعة ما انكر انها كانت مراحل صعبة وبعضنا مو الكل خير انو يدخلها . ناس ما دخلت وناس قبلت التحدي ودخلت وناس ما خيرت واطرت انها تدخل في هاذي التجارب وكثيرين اللي كده لازم اول شي نفكر اللي حطوو هادي الخطط وهادي البرامج سواء الثانوية المطورة او السنة التحضيرية اكييييييييييد مليون في المية انو مهم حاطينها ( سبهلله ) وصحيو من النوم فجأة وقالو احنا نبغى نغير التعليم مو عاجبنا. اكييييد انهم دارسينها وحاطينها على اسس وآراء هما شافوها انو ممكن تفيد التعلم من جهة والطالب من جهة اخرى. ما نقول انهم مستحيل يغلطوو لا هما بشراكيييد حيغلطوو اكيييد حيكون في شي ناقص لانها لسة خطط جديدة بيجربوها ولازم يطيحوو كم مرة ويفشلوو عشان يقدروو في النهاية ينجحوو لانو النجاح ما يجي بسهوله طيب حتقولو ليش يجربوها علينااا احنا مالنا ذنمب صح انا حاقولكم ليش اخترتوو تدخلوو هادي الجامعة كان ممكن تروحو جامعت تانية ما فيها السنة التحضيرية ممكن تقولو ما نقدر مافي احد يودينا ما عندنا امكانيات واسباب كثير لكن حقولكم هما ما حطوو سنة تعجيزية هما حطو سنة تقيس مستوى الطلاب يعني كل كلمة انقالت في المحاضرات هما متاكدين انوو عقل طالب\ـة في المرحلة الجامعية اكيد حيستوعبها وما حطوو سؤال في الاختباار الا وهما متاكدين ان الطالب\ـة اللي مذاكر كويس حيجاوبها ومستحيييل يحطوو اختبار كلوو سهل او كلوو صعب لازم يراعو اختلاف القدرات ولكن هما حيحطوو اختبارات المتوسط حق الطلاب حيحلهاا وبالنسبة للتصحيح كان كلو على الكمبيوتر يعني ان شاء الله ما في احتمال انو احد يلعب مو كل دكتور يصحح على كيفووو ومستحيل مستحيل يكون احد حاط الجواب الصح يقومو يغيروو ويحطوو الغلط وبالنسبة للأسلووب سواء من الدكاترة او الاساتذة او الاداارين مستحيل تلاقي الناس كولها أسلووبها رائع وتشجيعي لازم كده وكده وخلي تفكيركم بعيد شويا بكرة في العمل اذا جاكم مدير شديد وما يرحم حتقولو احنا ما نقدر خلاص نبغى نستقيل وانوو سبب فشلنا هوا ولا احسن انو يا نطنش او انا نتعامل بالحسنى ( اتبع السيئة حسنة تمحوها) ولا دا بس كلام مدارس وممكن تقولو احنا كان عندنا ظروف جبرتنا ما نذاكر او ما نعطي السنة حقها اقولكم انو كل الناجحين من علماء او خبراء او مخترعين في الدنيا كان عندهم صعوبات ممكن تكون اكثر من صعوباتنا فلا نحط الغلط على مشاكلنا احنا نقدر نفصل الدراسة عن مشاكلنا الشخصية نذاكر ونخلص ونعطي المواد حقها وبعد كده نلتفت لمشاكلنا ونحلها وما نخليها عائق علينا بمعنى انو لا تجلسوو تقولوو انا رسبت انا ما جبت معدل كويس انا .. انا ... انا .. وكلوو من الجامعة كلوو من السنة التحضيرية كلوو من فلان كلو من علان وربي ينتقم منهم وربي ... الخ من كل العبارات والمواضيع اللي بتنقال انا حسال سؤال طيب دحين كولنا راسبين كولنا ما جبنا معدل طيب الللي جابوو كيف جابوو كيف حلوو على راسهم ريشة ولاعلى ايدهم نقش الحنه هما عباقره جاين من الفضاء ابغى كل واحد فيكم يفكر انا من جد ذاكرت زي الناس انا من جد اعطيت السنة دي حقها انا من جد ضحيت بمتعتي وترفيهي عشان اذاكر واجيب درجاات انتووو فكرروو ولا تحملوو الغلط كلوو عليهم لانوو احنا كمان غلطانين وحتى اللي يقولك انا والله ذاكرت وتعبت وسويت كل شي بس ما جبت معناتها مو من الجامعة معناتها اما من قدراتك او انو ربنا مو رايد فتقول الحمد الله على كل حال انا بس اللي ابغى اوصلكم هوا انوو كل واحد لازم يكون مسؤول عن القرار اللي يتخذو يكون مسؤول عن تصرفاتوو يكون مسؤول ويتحمل نتيجة اغلاطوو ويحاول يحسن نفسوو قبل ما يحسن غيرووو يقول انا فايش قصرت قبل ما يقول هما قصروو معانا وللاسف للاسف انو اي فكرة جديدة توضع في مجتمعنا اغلبية المجتمع ترفضها مو بس في التعليم في كل المجالات وعددووها انتووو وهادا اللي يخلينا ما نتقدم وهادا اللي يرجعنا للورا اخر شي حابه اقولكم هوا حاااولووو دايما ما تستعملووو كلمة ( انتوو) واستعملوو (انا) انا ايش عملت عشان انجح انا ايش قدمت عشان اجتاز السنة التحضرية بنجاااح اناا ايش سويت مو انتو ايش سويتولي واسفة على الإطالة وهادا راي الشخصي واختلاف الراي لا يفسد للود قضية

شكرا لكي اختي على دا الموضوع الأكثر من رائع ........... أنا متفق معاكي في كل كلمه قلتيها ........... ودا الكلام يدل على انك صاحبه عقل كبير ..... ماشاء الله تبارك الله. وبس.

[الواعد]

لله درك اختي noooni كلام رائع وانا معك في كل كلمه وانتي كلامك منطقي وكلام انسانه لها هدف تبغى توصله
وينك من زمان اختي والله اننا كنا محتاجين هذا الكلام من اول ربي يسعدك ويحقق لك امانيك ... وبالنسبه لهذي السنه
انا ما اقول انها كامله ولا فيها عيوب ولكن ايجابياتها اكثر من سلبياتها وانا اتحفظ عن الكلام عن سلبياتها لانه توو لايت..


تحياتيـــــ لك اختي.

الواعد

[طعم الثلج]

كلامك كلو ع بعضو مو صحيح
وانتي قلتي اختلاف الرأي ...الخ

[ROoOFaNA]

مع احترامي لصاحبة الموضوع

هيا كلمتين وبس

يعني رأيك ورأي كم شخص في السنة التحضيريه
هو اللي صحيح والأغلبية لا
كلامكم مو صحيح

اللي ياكل الفرش مو زي اللي يعده
وإذا فات الفوت ما ينفع الصوت

والاختلاف لا يفسد للود قضية

[soma al7elwa]

كلامك منطقي بدرجة مرررا كبيرة

ووجهة نظرك مرررا حلو ما شا الله

لكـــن أسوأ شي كان في السنة دي انو احنا منجد اتبهدلنا في القرارت

وكل شوية تسألي احد يقولك كلام غير التاني صح ولا لا؟؟

والله لو رحتي سوبر ماركت وسألتي كاشير عن سعر شكولاتة وقال بسعر

ورحتي عند كاشير تاني وسألتي وقالك سعر غير عن الأول

ايش حتكون فكرتك؟؟

ما بالك لما تكون تالت أحسن جامعه في المملكة بتسوي كدا؟؟

عندك مثال على كدا العميدة بنفسها قالتلنا انو من حقك كطالبة تشوفي ورقتك وتراجعيها وتتأكدي من صحتها

وانا بنفسي سمعتها بأدني

وبعدين تروحي تسألي عند دكتورة باعيسى رئيسة قسم الكيميا تبغي تشوفي ورقتك تقولك "انا ما راح اتعب نفسي واجيب ورقة 1600 طالبة وادورلك على اسمك بينها الطالبة المجتهدة لازم تعرف غلطها اول ما تشوف الاسئـلة "
ودا الكلام بعد اختبار الدوري الأول باكتر من 3 اسابيع

هي بنفسها قالتلي الكلام دا بالحرف الواحد وعشان ما اظلمها هي كانت تكلمني بكل ادب

بس مو ظلم لنا انو ما نقدر نشوف ورقتنا وهو حق من حقوقنا لمجرد انو المسؤولة ما تبغى تعب نفسها؟؟

عالأقل نعرف احنا فايش غلطنا

نتأكد وتطمن نفوسنا

ما تبغي تتعبي نفسك وزعي الاوراق على حسب الشعب

كل دكتورة تمسك اوراق شعبتها

وبعدين يجيكي مركز اللغة يقولك ممنوع!!

يعني كل واحد يسوي قرار من راسو ويقولك دا نظام الجامعة

بس إن شا الله يكونوا اتعلموا من أخطاء السنة دي

ولما أخواني يدخلوا الجامعة ما يصير فيهم اللي صار فينا

دا اللي بيصبرنا على انو نكون فيران تجارب

الله يوفقنا كلنا يارب :)

[.SuperGirl]

المشكلة..

مقارنة السنة التحضيرية بالثانوي..

ثانوياتنا الفاشلة..

[بيو كيميائية ^_^]

الكلام مرة طويل ومليت أقراه ياريت تختصرينه

[dr.hope]

اتفق معاكي في 10 % من الكلام اللي قلتيه

والباقي سامحيني

التحضيري كفكرة جدا ممتازة ويا كثر الافكار الحلوة في العالم لكن المحك الحقيقي في التنفيذ

عندي كلام كثيييييييييييير لكن ان شاء الله انزل موضوع واحط في كل اللي في نفسي

وعلى فكرة عشان ما تقولي انو كل اللي معارضين جايبين نسب واطية ولا راسبين

انا الحمد لله معدلي جدا عالي لكن للأسف اكثر ادارات الجامعة المسؤولة عن السنة التحضيريةفي ضيااااااااااااااااااااااااااع

شي اخير : اتمنى انك ما تكتفي بقراءة الردود وانك تردي على الاعضاء لأن هذا موضوعك

شكرا

[Ali The Humble]

المشاركة الأصلية كتبت بواسطة m!ss mojy واخيـــــــــــــــــــــــــــــــــــــرا واخيــــــــــــــرا جا الموضوع الي يريح البال << من كثر ماشافت مواضيع تجيب الهم ... مع احترامي للجميع وانا اوفقك الرآي اختي في كل كلمة ذكرتيها هاذي هيا مشكلتنا احنا الشعب السعودي دااااااااائما نبغى الشي يجي بسهوله وبدون مانتعب فيه او بدون مانتعثر نبغى الشي يمشي على نفس النظام الاول الي قبل يمكن اكثر من كم سنه وننسى ان العالم حولنا جالسين يتطوروا بمناهجهم وبدراستهم وبآنظمتهم واحنا لااااااااااا نبغى كل شي زي ماهوا وننسى قول الله تعالى ( لقد خلقنا الانسان في كبد ) اكيد الكل عارف تفسير هاذي الآية يعني هاذي هيا حياتنا ولاااااااااااااااااازم نتعب ونتعب ونستمر ومانوقف يعني بدال ماتعترضو على نظام التحضيري وعلى مناهج التحضيري ليه ماتقولو قوا مناهجنا طوروا اكثرر من لغتنا طوروا اكثررررر من مناهجنا خلوا مناهجنا مركزه اكثر عالاشياء العملية وانو كيف هذا العلم نطبقوا على واقعنا مو مجرد مواد نظرية نحفظها ونحشيها طوووووووول السنه ونجي بعد الاختبارات نفرغها في سلة المهملات خلونا نسوي مشاريع وتقارير وبحوث مو بس ندرس مواد ونختبر فيها عشان بجد نحس بمتعة الدراسة ونحس اننا بندرس شي نفيد فيه مجتمعنا بعدين وصدقوني احنا بنكون من اكثر الدفعات الي يتم توظيفها لاننا من البداية بدأنا نتآسس في اللغة ومهارات الحاسب وصدقوني ممكن طالبة تحضيريه في اول السنه تتحدى خريجة الجامعه في اللغة الانجليزية الي اكتسبناها بغض النظر عن درجاتنا في مادة الانجليزي .. ( لان من وجهة نظري اختبارات الانجليزي لم تكن مقياس كافي للمستوى) وفشل السنة التحضيرية في بعض الجوانب لا يعني فشلها كليا ولا تقولوا انا جالسه اتكلم لمصلحة السنه التحضيرية صدقوني انا زيكم طالبة وعانيت من كل شي انتو عانيتو منو من بكى وسهرررر وتعب ومذاكره وحرمت نفسي من اشياء كثيـــــــــــــره ربي اعلم بيها وضحيت بمتعتي ووناستي وجلستي مع اهلي واذا حصل اي شي ينكدني او يزعلني الجئ لربي .. مو بس اقعد اتشكى واتذمر من هاذي السنة هذا كلو عشان يجي هاذا اليوم وانا رافعة راسي اني انتهيت من السنة التحضيرية بالمعدل الي اتمناه والحمدلله واوري كل الي حطوا نظام السنة التحضيرية انو انا قدهاااااااااااا وانتو حطيتو هذا النظام تبغوا تتحدونا واهوووو انا اتحديتكم بالرغم من انو المناهج باللغة الانجليزية والحمدلله قدرت اوصل للشي الي ابغاه واثبـــــــــــت لكل الناس اني نجحت من الثانوية وجبت النسبة الفلانية بتعبي ومجهودي وبدون مساعدة احد وبدون تسهيل من المعلمات وكمان اتحديتهم انو انا طالبة المدرسة الحكومية الي منهج الانجليزي عندنا الله اعلم بحالو قدرت اجيب اعلى الدرجات في اللغة الانجليزية ولله الحمد ... وهذا الي حبيت اقولوا فكفانا تجزع وصخط وبكااااااااااء ودموووووووووووووع وشكوى بدون ادنى فائدة ....... ولننظر لما فيه مصلحة لتطور تعليمنا ورقيه واحب اشكر صاحبة الموضوع على مشاركتنا بهذه الكلمات الرائعة دمت بحفظ الرحمن اخيتي ....

رسالة لك ولصاحبة الموضوع ,

اولا لازم تعرفوا ان كثير من الناس معدلانهم عالية ماشاء الله تبارك الله ويذموا السنة التحضيرية .انتوا الاثنين اشتغلتوا وانا اشتغلت وغيرنا اشتغل احسن منا والحمد لله ربي وفقنا مو جهدنا ولاشي .

المشكلة في كلامكم الاثنين انكم تعتبرون السنة ناجحة بس بسبب انه الله سبحانه وفقكم فيها .الرزق من الله وحده يعطيه من يشاء , لكن اياكم... اياكم انكم تلوموا اي احد يشتكي .

يعني بالعقل , لو كان مافي مشاكل ابدا في السنة , وفي ناس انخسفوا في المعدل راح يشتكوا ؟ ولا راح يكتبوا كل ذا الكلام .

احنا نتكلم عن عدد كبير من الطلاب , ما نتكلم عن مجموعة واللي خارج المنتدى اكثر بكثير من ذولا اللي يمثلون رأي فشل السنة التحضيرية .

السنة التحضيرية ,خطة ناجحة على ورق لا بل كاملة , لكن التطبيق لم يكن بالمستوى المطلوب .

رسالتي الاخيرة والمختصر المفيد :

كونكم اخذتوا معدل عالي (وكثير اللي اخذ معدلات عالية ماشاء الله ), هذا ما يسمح لكم ابدا انكار ان تطبيق النظام يحمل نسبة كبيرة من مسؤولية هبوط معدلات الطلاب .

و

تروا كثير من اصحاب المعدلات العالية يصفون النظام بالفشل .انا ما اقول انه فاشل , لكن تطبيقه فاشل .وبكل صراحة بديت فعلا اشك في المبدأ اللي وضع عشانه .