أنا هنا لأي إ ستفسارات في مجال العلاج الطبيعي

[صانعة المستحيل]

[size="5"][font="arial black"][color="magenta"]أهلين أخي

أنا طالبة ثالث ثانوي بس حابة أستفسر عن القسم لأنه عاجبني كثير
أنا أحب الجانب النفسي وعلاجة فهل العلاج الطبيعي يعتمد على العلاج النفسي والجسدي
لو إن شاءالله توظفت كيف الدوام ؟هل ساعاته طويله ؟هل فيه شفتات ولا دوام صباح عادي ؟القسم مرغوب فيه في السعوديه يني مطلوب ولا لا ؟
جزاك الله عنا كل خير

[weddah]

صانعة المستحيل حأرد على نقطة وحده في سؤالك
العلاج الطبيعي يختلف تماما وبعيد عن العلاج النفسي

هو يعالج الجسم من نواحي مختلفة

[غندوره الاموره]

الموضوع جا في وقته يسلمووووووووو

عندي استفسار بسيط ياريت تجاوبني علىه اذا ممكن

عندي واحد كن افراد اسرتي
بيقضي وقت طويل بالسياره يمكن 4 ساعات في اليوم
ودحين ساير عندووو الم مستمر في الظهر وكمان رجلوووو
يحس فيها شد والم بين فتره وفتره بس سارلووسنه كذا

هل هذا الشي عادي ولا لازم يروح المستشفى

[weddah]

^^^^

غندورة بما أن فيه ألم يحتاج علاج أكيد

الأفضل يراجع دكتور ويشوف اش يحتاج

[katkoooooota]

يا جماعة انا انقبلت في التقنية .. بس والله مرررررة محتااارة ادخل علاج طبيعي ولا مختبرات ..
انا داخلة دا القسم على اساس ادخل مختبرات بس لمن قريت عن العلاج الطبيعي مررة اتحمست ..

انا اصلا ابغى طب وحدرس هنا سنة واذا جبت معدل راح احول ..
ابغى اسأل كم سؤال ..
1. ايش تحسوو بما انكم درستوو اسهل المختبرات ولا العلاج الطبيعي ؟
2. اللي يتخرج من العلاج الطبيعي ويشتغل في مستشفى مثلا ايش ينقال عليه مسمى يعني ينقال دوكتور ولا ايش ؟ لاني نفسي اكون دكتورة
3. ابغى اعرف يعني ايش اقرب تخصص للطب ؟ لاني احب التشريح ونفسي ادرس تشريح
4. دا السؤال مهم اللي يتخرج ويتوظف يعني ايش شغلو ؟ ايش يسوي للمريض ؟ ما ابغاكم تجاوبو كلام طبي ابغى يعني من الواقع اللي بيشتغل ايش يسوي يعني هوا عبارة عن مساجات ولا كيف؟ ابغى اعرف بالضبط ايش تسوو للمريض ؟
5. الدراسة كيف لاني شايفة موادكم كدا غريبة داخل فيها طب اعصاب واطفال ونساء وعظام وكل حاجة .. يعني دا كلو حفظ ولا عملي و عندكم معامل ولا كيف ؟
6. سؤال غبي بس انتو ايش تلبسو يعني عمووما كلوو العلو الطبية انتو والمختبرات .. تلبسوو زي الطب والتمريض سكراب ولا ايش ؟

اسفة على كثرة اسالتي واتمنى تجاوبوو ..

[weddah]

المشاركة الأصلية كتبت بواسطة katkoooooota يا جماعة انا انقبلت في التقنية .. بس والله مرررررة محتااارة ادخل علاج طبيعي ولا مختبرات .. انا داخلة دا القسم على اساس ادخل مختبرات بس لمن قريت عن العلاج الطبيعي مررة اتحمست .. انا اصلا ابغى طب وحدرس هنا سنة واذا جبت معدل راح احول .. ابغى اسأل كم سؤال ..

المشاركة الأصلية كتبت بواسطة katkoooooota 1. ايش تحسوو بما انكم درستوو اسهل المختبرات ولا العلاج الطبيعي ؟كل قسم فيه صعوبة معينة ما في قسم سهل والتاني صعب 2. اللي يتخرج من العلاج الطبيعي ويشتغل في مستشفى مثلا ايش ينقال عليه مسمى يعني ينقال دوكتور ولا ايش ؟ لاني نفسي اكون دكتورة احنا كليتنا نتخرج منها اخصائيين يعني تصيري اخصائية علاج طبيعي بس ممكن نناديكي دكتورة ولا تزعلي : 3. ابغى اعرف يعني ايش اقرب تخصص للطب ؟ لاني احب التشريح ونفسي ادرس تشريح احنا اكثر قسم نتعمق في التشريح باقي الاقسام تدرس مستوى واحد general وبس احنا سنة كاملة في المشرحة : وعن نفسي احس قسمنا مره قريب للطب احنا نشوف المريض ونكشف عليه ونشخص حالته ونعطيه العلاج ونتابعه بس طبعا محدود شغلنا في منطقة معينة مو زي الطب 4. دا السؤال مهم اللي يتخرج ويتوظف يعني ايش شغلو ؟ ايش يسوي للمريض ؟ ما ابغاكم تجاوبو كلام طبي ابغى يعني من الواقع اللي بيشتغل ايش يسوي يعني هوا عبارة عن مساجات ولا كيف؟ ابغى اعرف بالضبط ايش تسوو للمريض ؟شوفي سؤالك مره واااسع يعني مادري اش اجاوبك احنا عندنا انواع كتيرة للعلاج ومجالات كتير زي ما شفتي في خطتنا عندنا علاج كهربائي مثلا ومائي ونعالج كبار سن واطفال وغيره اللي نسويه للمريض بعد الكشف مثلا ونحدد اش يحتاج عندنا اجهزة كثيرة ممكن نختار منها ونطبقها للمريض عندنا علاج يدوي انتي تسويه للمريض بيدك المساج شي بسيط من الاشياء اللي يشملها العلاج الطبيعي وحتى المساج حقنا مو مساج "صالونات" مساجنا علاجي 5. الدراسة كيف لاني شايفة موادكم كدا غريبة داخل فيها طب اعصاب واطفال ونساء وعظام وكل حاجة .. يعني دا كلو حفظ ولا عملي و عندكم معامل ولا كيف ؟اكيد لازم تحفظي وتفهمي وكل المواد لها معمل تطبقي اللي درستيه نظري في العملي 6. سؤال غبي بس انتو ايش تلبسو يعني عمووما كلوو العلو الطبية انتو والمختبرات .. تلبسوو زي الطب والتمريض سكراب ولا ايش ؟ احنا يا ستي نلبس سكرب تركواز >>>احلى لوووون محد يتكلم : نفس دي الاخت اسفة على كثرة اسالتي واتمنى تجاوبوو .. ولووو عادي وانا اسفه على كتر كلامي

ان شاء الله اكون افدتك يا عسل واتمنى تسألي اكثر عند بنات المختبر وتستشيري
لأن هذي نظرتي انا للتخصص اللي احبه ويمكن غيري يشوف شي تاني

وربي يوفقك ان شاء الله اش ما اخترتي :

ونعتذر لاخ علقت قلبي بمسمار صرنا نجاوب عنه
لو غلطنا في شي هو يعدل خبرته اكبر مننا ما شاء الله

[katkoooooota]

معليش سؤال كمان ..
دراستكم انتو العلاج الطبيعي انجليزي ولا عربي ؟؟

[weddah]

احنا ندرس انجليزي وكل كليتنا وكل الاقسام الطيبة

[katkoooooota]

والله مررررررررررره نفسي البس ال سكراب ..
طيب انتوو بس ولا حتى باقي اقسام العلوم الطبية يلبسوو ؟؟

[katkoooooota]

ترى عندي سؤال من اول في بالي بس نسيـــــــــــتوو