فضفضـة صدر مشحون + سؤالين !!

[6flah]

بسم الله الرحمن الرحيم ,,


السلام عليكم ورحمة الله وبركاته ,,

صبآآآحكم نور وايمآآآن ورضى الرحمن ,,

مالي بالطويلة ي جماعة بس بقول اللي عندي ,,

أبسأل الشباب بالاول "

وش رايك بالبنت اللي ما تخلي شاب الا وتكلمه بكافة وسآآآئل التقنية عن ولا شي بس مجرد استبشارا ببداية علاقات جديدة ..
وتقول لك انا محترمة وعمري م غلطت !!

واسأل البنت واقول :

وش رايك بالولد اللي يشتكي من نظرة الناس له وهو مطيح الميانة مع هاذي وذيك !!

عن نفسي اقول :

ليش دايما نقول ان احكام الناس ظالمة في امور م تخفى ع اثنين انها غلط ,,

بالوقت اللي لو صار هالشي مع احد غيرك انت م ترحمه !!

ليش خلال عهد التكنلوجيا اللي تقريبا من عمرنا ,,

صرنا نتطور بعلم الجنايات ع صحايف اعمالنا ,, واعراض اللي حولنا !!

ليش اقرب شي واسهل سلاح واعظم جرح هو الطعن والقذف من وراء الظهر !!

طيب ي جماااعة ,,

ليش في ناس تنشر بكل م اعطاها الله من قوة فضايح غيرها !!!

ليش حتى احيانا الناس تصنع مشاكل بمخيلتها و تاخذ منها موقف وتؤذي غيرها !!

ليش لهالدرجة هالظلم !!

ليش باختصار محد فيهم يحب نفسه و يخصرها من الشر !!

أكثر شي يؤلمني لما يقذف عرض هذا وذاك ,, لما تصير مزحة صغيرة قضية شرف !!

لما يكون خلاف بسيط او غيرة تافهة سبب في قذف يولد لعن وغضب الهي ليوم الدين !!

وفي الوقت نفسه :

أقول هل هالشخص حقا كذلك !!

لانه خلص مظهره استوفى الشروط !!

ازعل عليه مو اتشمت فيه من ابتلاه الله بهالشي ,,

ويقول انا قصدي شريف ,, انا مو مثل م تفكرون ,, مجرد تمضية وقت ..

واللي يصدمني كثيـــــــــــــر !!!

لما يكون في بنات او شباب على خير ويتراهنون عليه الفئة الثانية !!

لاني سمعت من قاريبي هالكلام !!

لما تكون البنت محترمة يتراهنون عليها الشباب !!

ولما يكون الولد قاصر خيره شره ,, يتراهنون بعد عليه البنات !!

لدرجة احيانا يتم تشويه سنعتهم لتسهيل الغرض المقصود !!!

سؤاليني اللي ببداية الموضوع ممكن تتناقض مع الموضوع نفسه ,,

بس احيانا اقف عاجزة عن تصديق هذا ام ذاك ,,

مو لازم اعرف مين الصح ولا يهمني ,,

بس انا كمسلمة ما احب اسمع شي بطال عن سمعة احد ,,

ما أتحمل !!!

بالنسبة لمن ابتلاه الله أنا مؤمنة ان اي شي من ربنا بيكون تنبيه عشان نرجع للطريق الصح ,,

عشان نعرف ان المسار الحالي يؤدي لمنحدر مجهول الوجهة .. وان الحبل لسا موجود ,,

وان ربي لما بيبتلي الانسان بيكون حبا فيه ,, ورحمة به ,, وتخفيفا لاوزاره يوم الدين ,, \

في ناس ربي اعطاهم ملكات كثيــر من دعابه وفكاهة ورجاحة عقل ومنطق بس لما بينصبو بالاناء الغلط بيهلكهم ويهلك اللي معاهم ..

فليش كل هالشي عشان ايش !!

انا تكلمت عن هالموضوع لانه فعلا هذا اللي بيصير من كلام محارمي من ملاحقات البنات اللي ربي يستر عليهم ,,

م اقصد اي احد بعينه ,, بس اقصد فئة منتشرة ,, وحابه اقوللهم ,, لا تستهينون بالذنب لان الزمن تغير او ان الناس كلها صارت بتعمل كذا ,,

القبر كل واحد بيدخله وحده ,, والدين واحكام الشريعة جالسة زي ماهي م تغيروا مهما تغير الزمن ,



نهاية فضفضتي ,,

جاوبوني بصراحة عن السؤالين وبموضوعية وحيادية ,,

وكيف تتصرف ان سمعت عن انسان سواء تعرفه او ما تعرفه شي غلط ,,

وهل بيبقى قلبك منغوز منه !!

وهل تلتزم بالحديث " انصر أخاك ظالما أو مظلوماآ " بهالموقف !!

وهل انت ممن يسلم المسلمين لسانه ويده !! ولو ان هالسؤال صعب !!

اترك لكم الموضوع ,,

واعذروني عالاطآآآآآآآآآآآآآآآلة والاسهاب ,,


بس هي مجرد فضفصة

في امان المولى ..