عندي تخطيط و بآخذ رأيكم فيه :)

[lightman]

السلام عليكم ..

إخواني و اخواتي عندي تخطيط ودي آخذ رأيكم فيه ..

الحين انا خلصت ثمان مستويات تامة + ترم صيفي

و الترم القادم تخرج ..

باقي لي هذه المواد ( محاسبة مالية + إدارية + إقتصاد كلي + تدريب تعاوني )

معدلي التراكمي الحين 4.31 تقريباً

التخطيط اللي بالي هو :

أخذ هذا الترم مادتين من المواد اللي فوق + مادة إختيارية سهله

و الترم اللي بعده المادتين الثانية + مادة إختيارية سهلة

الهدف :

ما أضغط نفسي و أركز أكثر على المواد ، و الهدف الرئيسي رفع المعدل لل 4.5 حتى آخذ إمتياز ..

وش رأيكم .. ؟؟ و هل إذا سويت كذا تروح علي مرتبة الشرف كوني تجاوزت الخمس سنوات !!!!

علماً بانني داخل في منحة الجامعة .. يعني ما عليّ تكاليف الحمد لله ..

نبغى شوركم و هداية الله ..

[عبدالعزيز عبدالرحمن]

راح تدفع كثير عشان توصل 4.5!!!
معدلك مايل لثبوت لانك خلصت ساعات كثيره وبصراحه من تجربه سابقه الامر صعب جداااا....ماابي احطمك

انا احتجت 46 ساعة عشان ارفع معدلي من 4.33 إلى 4.51.... طبعا مادتين (6ساعات) من 46 ساعة اللي جبت فيها 88 ولا الباقي كلها فوق 95




ومرتبة الشرف مالها علاقة بطول الفترة الدراسية اللي قضيتها بالجامعة,,, اهم حاجه مايكون عندك اي رسوب

[أميرة الورد2010]

مرتبة الشرف أهم شي فيها انك ما تتجاوز ال 6 سنوات دراسية وانك ماتكون رسبت لا سمح الله بأي مادة وانت ان شاء الله تتوافر فيك هالشروط

لكن اسمح لي أسألك هالسؤال هل راح تضيع سنه كامله من عمرك في الجامعه بس عشان ترفع معدلك كم جزء من مائه ؟؟؟ برأيي الشخصي مجرد حصولك على مرتبة الشرف الثانيه هذا تفوق

ومن الخطأ الكبير انك تضيع وقتك في سبيل رفع معدلك بالجامعه في الوقت اللي اساسا ممكن انك تكمل فيه ماستر او تقدم لك على وظيفه في حال لم تكن موظف ... هذا رأيي الشخصي وفي النهاية الله يكتب

لك ما فيه خير وصلاح في دينك ودنياك وعاقبة أمرك

[lightman]

المشاركة الأصلية كتبت بواسطة عبدالعزيز عبدالرحمن راح تدفع كثير عشان توصل 4.5!!! معدلك مايل لثبوت لانك خلصت ساعات كثيره وبصراحه من تجربه سابقه الامر صعب جداااا....ماابي احطمك انا احتجت 46 ساعة عشان ارفع معدلي من 4.33 إلى 4.51.... طبعا مادتين (6ساعات) من الخمسين ساعة اللي جبت فيها 88 ولا الباقي كلها فوق 95 ومرتبة الشرف مالها علاقة بطول الفترة الدراسية اللي قضيتها بالجامعة,,, اهم حاجه مايكون عندك اي رسوب

يعطيك العافية .. انا كنت متامل .. أني ارفعه للإمتياز .. بس كلامك منطقي .. راح أدرس الموضوع من جديد

[lightman]

المشاركة الأصلية كتبت بواسطة أميرة الورد2010 مرتبة الشرف أهم شي فيها انك ما تتجاوز ال 6 سنوات دراسية وانك ماتكون رسبت لا سمح الله بأي مادة وانت ان شاء الله تتوافر فيك هالشروط لكن اسمح لي أسألك هالسؤال هل راح تضيع سنه كامله من عمرك في الجامعه بس عشان ترفع معدلك كم جزء من مائه ؟؟؟ برأيي الشخصي مجرد حصولك على مرتبة الشرف الثانيه هذا تفوق ومن الخطأ الكبير انك تضيع وقتك في سبيل رفع معدلك بالجامعه في الوقت اللي اساسا ممكن انك تكمل فيه ماستر او تقدم لك على وظيفه في حال لم تكن موظف ... هذا رأيي الشخصي وفي النهاية الله يكتب لك ما فيه خير وصلاح في دينك ودنياك وعاقبة أمرك

الذي دفعني لهذا التفكير عدة عوامل :
1- انا موظف في شركة من 17 سنة ، فإذا امتدت هذه السنوات لسنة إضافية لن أتأثر شي ؟

2- مادياً لن أتكلف مبالغ كوني على منحة الجامعة .

3- فكرت كثير بالماستر .. لكن شروط جامعة الملك عبد العزيز لا تتوفر فيني عمرياً حيث ان العمر لابد ان لا يتجاوز 30 و انا 33 ، و مادياً مبلغها مكلف جداً .

4- البحث عن وظيفة غير الشركة التي اعمل بها هذا هدف مستقبلي كون الشركة التي اعمل بها لا تؤمن بتطوير الذات و انا على يقين بان شهادتي لن تقدم أو تؤخر شي في هذا المجال لديهم .

5- فكرتي الحالية تتمحور حول المحاولة لرفع المعدل لإمتياز مع عمل دورة لغة إنجليزية في أحد المعاهد في مكة .. و غالباً يكون دايركت إنجلش .

6- دورة اللغة ستكون عون لي في مجال التوظيف مستقبلاً و في حال وجدت مجال لإكمال الماستر في تعليم عن بعد في إحدى الجامعات .

** هذة نقاط أحببت أن أشاركم بها لاستفيد من معلومتكم ..