استفسار مهم.

[MrMohammed]

السلام عليكم ورحمة الله وبركاته ...


الحمدلله انقبلت طب فرع شمال جدة وعندي كم سؤال .

1- المقابلة الشخصية كيف راح تكون في الفرع الرئيسي ولا في الشمال؟( بالنسبة ليا )
2- هل هناك فرق بالشهادة بين حقين الفرع الرئيسي وشمال جدة ؟
3- واذا كنت من الاوائل في السنة الاولى هل بامكاني احول للفرع الرئيسي ؟
4- وصحيح انه بس راح ادرس سنة ثانية وثالثة في شمال جدة وبعدها السنوات السريرية راح ارجع للفرع الرئيسي ؟

وهذي هي الاسئلة اللي شاغلة بالي ويا رب التوفيق للجميع ...

[أهـ منك يازمن]

حياك والله فى فرعنا الحبيب :)

المقابلة الشخصية فى اول يوم دوام ماعليك تعال ودفعتنا تفهمك الوضع

مافي فرق فالشهادة على حسب كلام وكيل الكلية لانهم ماراح يكتبوا فرع ايش فى الشهادة بس من جامعة الملك عبدالعزيز

مداك تحول للجنوب بس صدقني وضع الشمال غالبا راح يعجبك <<< علشاني هناك xD

ايوة تانية وثالثة فى الشمال والكلنيكل فى الفرع الرئيسي :) واي اسئلة جاهزين

[MrMohammed]

المشاركة الأصلية كتبت بواسطة أهـ منك يازمن حياك والله فى فرعنا الحبيب :) المقابلة الشخصية فى اول يوم دوام ماعليك تعال ودفعتنا تفهمك الوضع مافي فرق فالشهادة على حسب كلام وكيل الكلية لانهم ماراح يكتبوا فرع ايش فى الشهادة بس من جامعة الملك عبدالعزيز مداك تحول للجنوب بس صدقني وضع الشمال غالبا راح يعجبك <<< علشاني هناك xd ايوة تانية وثالثة فى الشمال والكلنيكل فى الفرع الرئيسي :) واي اسئلة جاهزين

يعطيييييك الف عافية وما قصرت وبالتوفيق ان شاء الله يارب ...

[IxZeYaDxI]

حبيت استفسر عن طبيعه المقابله الشخصيه لاني لمن سمعت انو فيه مقابله جلدي كش

[أهـ منك يازمن]

شباب فى موضوع انفتح علشان الأسئلة بس علشان لا نكثر المواضيع والناس تتعب فى البحث عن المعلومة

وتتعاد الاسئلة ياريت تسالوا هناك وتكتبوا فرع شمال جدة :)

بالنسبة للمقابلة مرة ماتشيل هم شي روتيني والوضع حبي وفري مو لجنة ولا شي

يعني اسمك لية دخلت الكلية واهدافك اشياء سهلة ومايبغالها تحضير ( اتكلم عن فرع الشمال بس )