وين اللي يقولون أن الدكتور الغامدي يتساهل مع الطلاب في مادة ee351 !!!!!

[مهندس الزعيم]

بسم الله الرحمن الرحيم

السلام عليكم ورحمة الله وبركاته ...
في البداية لا يجي احد وينبرش علي ويقول انت امس تنصح واليوم تقول عكس كلامك اللي امس لذلك إذا بتردوا اقرأو الموضوع بالكامل قبل الرد ..

:: بعد نزول درجات الـ ee351 بور1 عند الدكتور الغامدي :

- قبل ما أنّزل المادة فيها طلاب كثير قالولي انه دكتور يزود درجات ويتساهل في التصحيح ...الخ .

لكن من خلال تصحيحه للميجور الاول وخلانا نشوف اوراقنا بالعكس رأيته يدقق أكثر في التصحيح ولم يتغاضى .. بل أعطى كل طالب حقه بالتمام ..
-وكمان أسئلة الدكتور لم تكن سهلة بل متوسطة الصعوبة ..
-وبالنسبة للمشروع تقولون انه يتساهل وطلع بالعكس يدقق ويعطيك حقك ..
- وعلى حسب الدرجات اللي نزلها في الموقع من 60 والاختبار النهائي درجتي النهائية اللي نزلها الصراحة لم يزودلي تقريبا ولا درجة بل أعطاني حقي بالتمام ويمكن انه دقق في تصحيح الاختبار النهائي كثير ...

- كل اللي اريده من الموضوع ان اقول ان الدكتور طلع عكس كلام الطلاب اللي يقولون انه يتساهل مع الطلاب كثير بالعكس اعطى كل طالب حقه ...

- وفي الختام فيه كلمة لابد ان أقولها وهي أن الدكتور الغامدي من أفضل الدكاترة إن لم يكن أفضلهم ...أخلاقه عالية جداً وحريص على تعليم طلابه ولم يستغل المكان اللي فيه ويتعالى على الطلاب بل فيه تواضع لم اجده في اي دكتور آخر للأمانة .. وكمان من ناحية أنه يعطي الطلاب حقهم في الدرجات بالتمام هذه ميزة اخرى فمن الظلم أن طالب يكون مهمل زيي أنا وياخذ درجة عالية ..بإختصارهو الدكتور المثالي في كلية الهندسة ..

[رحااال]

وعليكم السلام ورحمه الله :
ـ .. اخوي بما ان الدكتور سمعت اكثر من شخص يمدحه
صدقني اكيد كلامهم صحيح

بس خذ بالك بعض الاحيان ترى تجي الدكتور ضغوط من القسم بتصعيب الاسئله .. خاصه اذا حصلوا الدكتور اغلب الشعبه عنده b+ وفوق ..


وسبب ثاني ممكن الدكتور على حظك قلب مزاجه خخخخخ .. وبالاخير انت تقول انك مهمل ممكن الدكتور تساهل معك .. يعني لو سالت اكثر من شخص بشعبتك وتشوووف هل الدكتور اعطاهم اكثر من حقهم والا نفس حالتك


وان شاء الله ردي ما فيه اي انبراشه

فوزر هولندا ولا عزاء للبراميل

[مهندس الزعيم]

^

^

لا اخوي ردك ما فيه انبراشه ولا شئ ..
بالنسبة للدكتور انا سالت اكثر من طالب معاي في الشعبة خلال الترم وكلهم يقولون انهم ما لاحظوا انه يتساهل وانهم كلهم اخذوا حقهم بالتمام ..

اما بالنسبة لي انا صح اني قلت اني كنت مهمل فيها بس مو لدرجة كبيرة لا بالعكس سلمت كل الواجبات اول باول والمشروع وكمان كنت اذاكر للاختبارات وبالنسبة للحضور كنت ملتزم بالمحاضرات وقليلة جدا غياباتي بس بالنسبة للمادة ما كنت مركز عليها اكثر من السيركت لأن السيركت اصعب وكنت مركز عليها أكثر والمادة هذي مو مرة .. والحمدالله على كل حال ..

ونصيحة لكل الأخوان في المنتدى إذا أحد يقلك هذي المادة سهلة والدكتور يساعد لا تاخذ كلامه بل اجتهد وذاكر واهتم في المادة لأني انا دائما المواد اللي زي كذا تكون درجاتي طايحة فيها والمواد اللي الطلاب يقولولي انها صعبة اجيب درجات حلوة فيها !!! والمشكة مو اول مرة تصيريلي دائما درجاتي طايحة في المواد السهلة ولا اتعظ !!!!!

[المستانس]

أنا المره ذي معك
صراحه كنا مقصرين في الماده

[مهندس الزعيم]

^
^

طيب حبيبي يالمستانس بصراحة هل الدكتور اعطاك درجتك بالتمام ولا زودلك ؟

ولا تزعل من اختلافي معاك من قبل ...
مجرد اختلاف في الرأي ...

[|JOKER|]

هارد لكم يا شباب ..
المشكله إنه فينا طبع إذا أحد قال لك هذه المادة سهلة ودرجاتها في جيبك راح تجيب أقل درجه فيها
فأنا تساهلت فيها وخليتها آخر مادة مركز عليها لأن الطلاب قالوا كذا .. مع العلم الطلاب قالوا الإلكترونكس أصعب منها لذلك جبت فيها درجه أحسن من البور1..

عموماً إن شاء الله نستفيد من أخطاءنا

ملاحظه : يعاب على هذه المادة عدة أمور ..

- لا يوجد كتاب محدد لها .. مكتوب في موقع الدكتور أن الكورس من كتابين [ ستيفين , سادات ] لكن الواقع يقول غير كذا فأنا عندي الكتابين وماحصلت فيها بعض المواضيع.. وسألت الدكتور فقال لي : المادة أكثرها من الكتابين لكن في أشياء من برا أحنا مجمعينها . !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!

- الكتابين دش وكلام كثير وأمثلة قليل ..
- نفس السلايدات قديمه وغير واضحه في الكمبيوتر أو بعد الطباعه .. بالأضافه وجود قحط وجفاف في الأمثله ..
- شخصياً أكره شيء اسمه Data-show فالمواد العلمية تحتاج لشرح وكتابه على السبوره .. أما أن تفتح الـ Data-show وتقرأ وتخربش بعض الخرابيش في زوايا ضيقه في السبورة فهذه أصبحت مادة قراءة وكتابه .

أخيراً الدكتور طيب وحبوب وخلوق ومحترم وحنا قصرنا بسبب كلام الناس

[الكريم ابن الكرام]

ربنا يوفقكم

[ابداع]

يارجال في الجامعه هذي انت شوف كلام الطلاب وخذ العكس ..

يعني اذا قالو لك هذي الماده سهله .. اعرف انها صعبه ..
واذا قالو لك هذا الدكتور طيب .. اعرف انه ملعون خير ..
وهاكذا ^_^

[فهد القرني]

مشكلتكــ ...

[المحترف_100]

الدكتور متساهل ,, ولكن مو بالدرجات

احنا اللي ضيعنا الدرجات

المشروع سهل جدا ,, مجرد تجيب اسمي مراجع فقط لا غير ,, 10 درجات
واجب سهل تنقله من السلوشن مانول ,, 10 درجات

كويز وميجرين كانوا من السلايدات ,,
الفاينل هو اللي كان طجويل شوية بس مباشر

احنا اللي ضيعناها واهملنا من اول ,,
الله يوفق الدكتور ,, اخلاق وعدل بين الطلاب وتسهيل للمنهج بشكل كبير