استفسار بخصوص الحذف والاضافه

[maroko]

السلام عليكم ورحمة الله وبركاته

أخواني أنا سددت الرسوم ونزل لي الجدول

بس الصدمه إنه نزل بثلاث مواد ساعتين لكل ماده

يعني الاجمالي 6 ساعات فقط

وحاولت اني اضيف مواد ومافيه فايده

للعلم انا طالبه مستوى ثالث ادارة واقتصاد

وش الحل ؟

[Ash0o0sh]

وعليكم السلام ^_^
يعني انتي لقيتي الشعب ماليانة

واذا لقيتها ماليانه...
يعني يمديكي تنزلي مادة بس مافي شعب فاضيه روحي الجامعه واضيفي من نفس ادارة الاقتصاد مبنى 2 او استني وحاولي كل يوم تضيفي الين ماتلاقي شعبه فاضيه

تحيااااااااااااتي

[روحـ زايـد]

كم ساعه مسموحلك؟؟

[maroko]

Ash0o0sh

مره مايمديني اروح الجامعه لأني من الشرقيه

بس بسوي اللي قلتي عليه

====

روح زايد

انا جربت عملت حذف للمواد اللي نازله

وكان مكتوب مسموح 15

بس لما رجعت ابغى اضيف

مالقيت الا هالثلاث مواد بالليسته

ومجموعهم 6 ساعات

[العلم والعالم]

المشكلة لأنك ما حددتي تخصصك حددي تخصصك الآن وأطلب تحديث اليوزر عبر المعاملات الإلكترونية

[maroko]

لازم احدد التخصص والمسار الحين ؟؟؟

[العلم والعالم]

نعم لازم لو ما تحددين التخصص لن ينزل جدولك وسوف تدرسين هذا الفصل في 3 مواد فقط وعلى فكره الثلاث مواد اللي نازلة أكيد مواد من مواد السنة الأولى ورسبتي فيها أو مواد عامة مثل ثقافه 201 و301و401

لكن تحديد التخصص مهم جدا لأن المواد المتبقية لكي كلها مواد تخصص والنظام ما يعرف وش تخصصك علشان ينزل لكي المواد التي تعنيكي لذلك بادري بطلب التخصص الآن من خلال الأيقونه الموجودة في الأودس وأطلبي تحديث اليوزر عبر المعاملات الإلكترونية

[نديم الحب]

لااااااااااااااااااااااااااازم تحددي التخصص ياماروكو ...
عن طريق المعاملات الإلكترونية ...

انا كانت عندي نفس المشكلة تقريبا وأبشركـ إنحللللللللللللللللت بهالطريقة ..ز

مودتي