لننتصر على الكيمياء

[joojah]

يعني محد يبى يفهمني !

طيب برضوا شكـراً

خلاص لحد يتعب نفسوه ويشرحلي لأنه خلاص حروح للأستاذه أسألها بنفسي

[υикиσωи]

<< يا قلبي هدي علينا شوية ..

انتي شوبدك نشرحلك بالزبط ...!

واللهي معليش انتي عارفة الدونيا كلها تزاااكر ... والناس في حالها ... والواجبات من صوب ... وبرزنتيشن من صوب تاني .. واختبارات جاية في الطريق...
بسس زي ما بدك ..:)

[υикиσωи]

بسم الله الرحمن الرحيم ..

معلش ع التأخير ... انا قلت امس بسس مراا ما مداااااااااني عندي اشغال الله يعننا جميعا بسس..

...نكمل شابتر 8 لكل اللي طلبوه ..



لأي ذرة عنصر في دا الكون حيكون فيها ( النواة – الالكترونات الداخلية – الالكترونات الخارجية )
<< الالكترونات الخارجية هيا الالكترونات الموجودة في اخر مدار .. اما الالكترونات الداخلية فهيا كل الالكترونات الموجودة قبل المستوى الأخير



زي ما قلنا سابقا ...تشترك عناصر المجموعة (العمود) الواحدة في خصائصها الكيميائية اما بالنسبة للخواص الفيزيائية (طاقة التأين ، الألفة الإلكترونية و الحجم الذري والسالبية الكهربائية وغيرها من الخواص .......) فانها حتغغير بصورة منتظمة في المجموعات والدورات ..


اول شي ذاكرلنا .. شحنة النواة الفعالة ..Effective nuclear charge ... أوالشحنة النووية الفعالة ...المهم هي مقدار الشحنه المؤثرة فعليا من النواه على الالكترون في مجاله الخارجي والي تكون في الحقيقة أقل من شحنة النواة الفعلية عشان الالكترونات الداخلية تقع ما ببين الكترونات الخارجية والنواه فتحجب الاكتروناتا لخارجية المسكينة عن الشحنة النووية ..

حترمزلها بالرمز Z eff .. ونوجدها من المعادلة ..Z eff = z- σ
حيث σ هوا ثابت المدار << الي هوا عدد الاكترونات الداخلية...
و z هوا العدد الذري (عدد البروتونات )


احنا ما عندنا طريقة ايجادو ...المهم اللي لازم نعرفو هوا ....
7
7
حتأثر هدي الشحنة على "الحجم الذري ".. وبالتالي حتأثر على جهد التأين والألفة الكترونية


ففي المجموعة الواحدة كلما انتقلنا من اعلى المجموعة لاسفلها حتزيد المدارات بالتالي حيزداد عدد الالكترونات الحاجبة للنواة عن الالكترونات الخارجية (يعني σ حتزيد وحسب المعادلة اللي فوق حتقل الشحنة الفعالة )...
أما في الدورة الواحدة فانو العدد الذري حيزداد ( يعني z حيزداد ) مع ملاحظة انو المدار الاخير حيكون هوا نفسو بسس انو حتزيد الكترونات .. وبما انو σ حتكون ثابتة لانو الاكلترونات الداخلية هيا نفسها ... فحسب المعادلة اللي فوق ..حيزداد الــZ eff يعني حتزداد الشحنة المؤثرة ..



ودحينا نشوف الخصائص الفيزيائية المذكورة عندنا في الكتاب :
1) نصف القطر الذري Atomic radius ... وهيا المسافة بين نصف قطر الذرة والمدار الاخير ...


في الدورة الواحدة حيقل نصف القطر من اليسار لليمين .... لانو حيزيد العدد الذري ..فتزيد عدد البروتونات ...فحتزداد الشحنة الفعالة ..حيزداد جذب النواة للاكترونات الخارجية ... بالتالي حتنكمش شوية الذرة ..( عشان الشحنة بتجذبها ) ... فبالتالي حيقل نصف القطر الذري
أما في المجموعة الواحدة من اعلى الى اسفل حيزداد عدد المدارات في الذرة ...وكل ما نزلنا عنصر في المجموعة حيزيد مدار ... يعني حيكبر حجم الذرة ..بالتالي يزداد نصف القطر ....:)


2) Ionization energy (I.E) طاقة التأين .. هي الطاقة اللازمة لنزع الكترون من الذرة ..


طاقة التأين حتزيد من اليسار لليمين خلال الدورة الواحدة بسبب زيادة العدد الذري بالتالي تزيد الشحنة النووية الفعالة (الشحنة النووية الفعالة = شحنة النواة - معامل الحجب) فزيادة العدد الذري يؤدي إلى زيادة عدد البروتونات في النواة مما يؤدي إلى زيادة جذب الذرة لالكترونات المستويات الخارجية ..فحتى ننزع الكترون نحتاج طاقة ( طاقة التأين ) كبيرة ...


امااا في المجموعة الواحدة من اعلى الى اسفل.. حتقل طاقة التأين لأنو حيزداد نصف القطر ( عشان العدد الذري ازداد فزادت المدارات ) فابتعدت الكترونات الخاجرية عن النواة ... عشان كدا حيسهل فقدها ( البعيد عن العين بعيد عن القلب ..P: ) أي انو حتحتاج لطاقة تأين صغيرة لنزعها ..
نستنتجانو طاقة التأين تتناسب عكسيا بشدة مع نصف القطر الذري ..

في عندنا استثنائين ...

اولهم .. انو طاقة التأين للمجموعة التانية حتكون اكبر من التالتة ( ع الرغم انننا قلنا انو من اليسار لليمين حتزداد الطاقة ) ...والسبب انو فقد الكترون من ns2 np1 أسهل من فقدوو من مجال ممتلئ الا وهوا ns2

تاني استثناء ... انو طاقة التأين للمجموعة الخامسة أكبر من السادسة ...
عشان ازا رسمنا المدار P ...
ns2 np3 [i] [i] [i] , ns2 np4 [i!] [i] [i]
لاحظي الفرق بينهم .... الغرفة الاولى فيها الكترونين في المجموعة السادسة بنما الكترون واحد في المجمعة الخامسة
واننا نشيل الكترون من غرفة فيها زوج من الالكترونات اسهل لتقارب الاكلترونين فحيسوو تنافر


دا كلو بالنسبة للطاقة اللي نحتجها لنزع الكترون واحد .. اما ازا نبا ننزع الكترون تاني وهوا اللي نسميه second ionization...حنحتاج لطافة تأين أكبر ... ( عشان لما شلنا الالكترون الاول سارت الشحنة كبيرة ... عشان عدد البروتونات اكبر من الالكترونات ... فسارت النواة تجذب الالكتروناتا الخارجية بقوة اكتر ... فعشان نزيل الكترون حنجتاج لطاقة اكبر عشان نتغلب على طاقة جذب النواة للاكترون الخارجي ) ...
ونفس الشي للاكترون التالت ازا نبا نزيلووو حنسميه third ionization ...وحتكون الطاقة أكبر وأكبر ...

بعبارة بسيطة ..I1<I2<I3




3) Elecrton Affinity (E.A)الألفة الاكترونية .. هي كمية الطاقة الممتصة لما نضيف الكترون لذرة غازية متعادلة .. وحنكون أيون غازي شحنتو -1
بشكل مبسط الالفة الكترونية .. هي قدرة العناصر على جذب الكترون

بصفة عامة وحسب كلام الكتاب الفلة :
تزيد الألفة الإلكترونية خلال الصف (الدورة ) من اليسار لليمين ... لانو كل ما اتحركنا لليمين حنلاقي انو الذرة حتصل لحالة الثبات ازا زودنالها الكترون وحتنبسط... يعني حتسعى لاضافة الكترون ..فالالفة الالكترونية حتزداد

ويقل بالاتجاه لأسفل في المجموعة لزيادة نصف القطر وزيادة عدد الإلكترونات مما يقلل ثبات الذرة .. فما تباا الكترونات فحتقل الالفة الاكترونية ...:(


لكن ازا شفتي الجدول اللي في ص 334 ... حتلاحظي انو الألفة الالكترونة تقريبا تتغير بشكل عشوائي ..لكن في كزا ملاحظة ممكن نستنتجها ...
اول شي : اللافلزات ليها الفة الكترونية اكبر من الفلزات ..

تاني شي : تتأثر الالفة الكترونية بظرية الثمانيات ...يعني حتكون مجموعة الهالوجينات ليها اكبر الفة الكترونية عشانها تميل لاكتساب الكترونات

تالت شي :الغازات النبيلة A8 عشان مدارها الاخير مكتمل ... فما تبا تكتسب الكترونات ... فالالفة حقتها حتكون بالسالب وهيا اصغر ما يمكن



في النهاية ...

في المجموعة الرأسية ..كلما سرنا نزولاً فإن عدد الإلكترونات الداخلية يزداد مما يحجب تأثير جذب النواة للإلكترونات الخارجية مما يترتب عليه :
( زيادة الحجم ـ نقص طاقة التأين -نقص الألفة الإلكترونية )

في الدورة الأفقية ..
كلما اتجهنا يميناً في الدورة ( بزيادة العدد الذري ) فإن عدد الإلكترونات الداخلية بظل ثابتاً ، بينما يتزايد عدد الإلكترونات الخارجية مما يزيد التجاذب بين النواة والإلكترونات الخارجية فتنكمش الذرة ويترتب عليه ( نقص الحجم ـ زيادة طاقة التأين ـ زيادة الألفة الإلكترونية )



ربي يوفقكم جميعا ...
و ازا حصل مني أي خطأ ...بليييز نبهوني ....

[راايق جداا]

المشاركة الأصلية كتبت بواسطة زهرورة الله يعافيك أخوي بس أنا ماسويت شيء لحد الحين ماحد يسأل وإلا سألوا أنا ماجاوبتهم هو أنا أصلاً عايشة في شقة مع أختي فمايحتاج أفتح شقة وهذول أشرف بركات ويوسف زويل يدرسون في الجامعة وإلاوش قصتهم

اكيد مدرسين خصوصين يدرسون طلاب الجامعه،،،،

يعطيكِ العافيه،،،

-------------------
راايــ،،ــق جــ،،ــداا

[wow.]

المشاركة الأصلية كتبت بواسطة υикиσωи واااو يا قلبي ..دا شرح مبسط لبداية شابتر 9 ... ان شالله بسس تفهمي ع كلامي اللي مدري كيف ... امممممم ... وازا ما تفهمي عليا بالعامي .. قوليلي .. وطبعا طبعا ...دا زي ما تقووولي مرااا شي مبسط ..بسس عشان تعرفي احنا قاعدين نتكلم عن ايش ... بسس ما يغني ابدااااا عن الكتاااااب ...

الله يعطيك العافيه ياقمر

[do0oji]

الله يعطيك العافيه ياقلبي .... بس كنت حابه اسأل محد عندو فكرة اذا حينحذف شي في الكيمياء ولا لأ ؟ او الاحياء او الفوكابلري ؟؟؟؟ وشكرااا

[do0oji]

محد يبغى يرد عليه ؟؟؟

[υикиσωи]

شابتر 8 محذوف في الإحصاء شابتر 15 و16 محذوفين في الكيمياء وwriting بالنسبهــ quize 2 ... شابتر و1و2 و3 والvacabulary بالنسبهــ quize 2 ... شابتر 2 و3و4 و5 و7و8و9 و10 و11و12و13 و14 و15و16و17 و18 و19 و20و21و22 و23 و29 >> رااح أتأكد منها :) وبالنسبهــ final exam writing من شابتر 1إلى 4 :) وvocabulary نفس اللي معانا في الإختبار الثاني بالإضافهـ إلى 31 و34 و44 و45 و56 و62 :)

دا الكلام نقلا هن شهودا يعطيها العافية ...يا دوجي

[do0oji]

مرررره شكراا حبيبتي .....بس ان شاء الله مانتحمس زياده وبعدين ننصدم <<<<<قالولك سيارة هههه

[أنثى نرجسية]

:
\/


مَآشآءْ الله نوونْ مكفيّة وموفيّة ..


موفقَة .. :)



,’