ايش رايكمـ وخاصة انتي يا MNMo0oNA ( ولد عمي كداب ولا لا ؟؟ )

[welee]

السلام عليكم ورحمة الله وبركاته > بالاسلاميهـ

WELCOME < بالانجليزيهـ

هآي < باليهوديه > جاب العيد

المهمـ كيفكم ان شاء الله تمام

ابغا اوريكم هرجه حصلت بيني وبين ولد عمي وابويه وقولي ليا مين الصح فينا ...؟؟!!

في ذلك اليوم المغبر والهواء العليل والشمس الحارقه والغيوم المتناثرهـ والقمر المنور

عزمنا عماني وكدا < اش دخل دولا دحين

المهم

اتكلمنا على الجامعه طبعا انا طالب مستجد

وقلت لابويه انا بجيب ان شاء الله في التحضيري معدل حول الـ 4.5 من 5

المهم نط ولد عمي ( محامي ) قال يا ويلي لو تبغا قسم حلوو ادخل محاماه لانو وانت بتدرس يجون محامين يقولون تعالو اشتغل عندنا وبنديك وبنديك

يعني وظااايف مضمونهـ ومره سهل المحاماهـ ويكون لكـ هيبهـ وكدا < من جنبها

المهم

نط ابويه بحركة كرتيهـ

وقال لا ادخل قسم محاسبهـ ولو خلصت من الجامعه ادرسك برا السعوديه كورس انجليزي سنهـ كاملهـ وادخك معهد كمبيوتر لمدة سنه او سته شهور

ويكون عندك احلى وظيفهـ في احلى شركهـ لانو اغلب المحاسبين هنا اجانب فلو جا سعودي على طول يوضفوه لانهم يخافو من مكتب العمل وكدا

فبالله ايش رايكمـ انتم لاني احترت معاهمـ دول الاثنين

ولحد يقلي ادخل على حسب انت الي تبغاه

انا ابغا احلى قسم واحلى وظايف واهم شي اعلى رواتب ومضمونهـ

بليز لحد يبخل وخاصة MNMo0oNA لو ما رديتي محا اسامحك < يا راقل

وسوري على الاطاله

اخوكم من قلب الحدث ويلي جامعة الملك عبدالعزيز جده

< مذيع على غفله

[سارة 200]

شوف انت ايش تبغي
بعني وش طموحاتك
يعني ايش تبغي تصير في المستقبل
وعلى اساسه قرار
وانت المفروض تقرر يعني لا باباولا ولد عمك

[katloni]

>>>>> انبراش عالطاير :p
يعمي انت الحين خلي تفكيرك في السنة التحضيرية
وبعديـن لكل حادث حديث لمن تجيب النسبة الطلوبة

<<<<<< تعور :(

[لون الورد]

يا سيدي مالك غير المحاسبة قسم رائع وتخصص حلو ووظايفو احلى واعلى رواتب لو اثبت نفسك داخل الوظيفة وقبل دا كلو استخير ربنا واعقدها وتوكل
وسلالالامتك

[Mi$$20]

إش معنا
المتموزيل

mnmo0ona

هآآآآ
أعترف ؟؟؟
هآآآ





خخخخخخخخخخ أمزح

مممممم بالنسبهــ ليا أنا اوافق ولد عمكــ قسم المحامه مره جيييد ومطلوب في سوق العملـــ والدليل انهم مايخذو إلا المتخرجين بنسب عاليه يعني النابغين .. بسس لازم تكون حاب الدرآسه فيه .. لانه صعب ويبغاله //ستدي هارد// زي ماسمعت ...

وقسم المحاسبه كمان كويس بس من اللي اسمعه .. هذا القسم مجاله محدود شويه .. ويبغالكــ ان يكون معاكــ شهادات <إذا كنت تبغي وظيفه برآتب عالي.. ولو درست ذا القسم وسافرت مصر تآخذ شهاده ليها اسم خآآص cbr2 مدري ولله الموهم هذي الشهاده مره مطلوبه لما تشتغل وتعليه من مرآتبكـ في الوظيفه ...

أولا وأخراٍٍٍٍ
القرار بيدكــلان هذا مستقبلكــ
ولازم انتا تصنعه بنفسكــ
عشين يكون ليكـ ـبصمتك الخاصه
وتفتخر بنفسكــ دائمآآ ....

ولله يوفقكـــ والجميع .. :-)

[fato0o0om]

مدام انك مذيع ادخل اعلام احسن :p

والله المحاسبه حلو المحاماه مدري

وعلى قولتهمم خليك في التحضيري الاول وبعدين خير

[صمت الغـروب]

والله انا مثلكـ هيك هروج . . .

بس سألت عن المحاماه صراحه يقولولي فيه حفظ كثيــــــــــر . . . قوانين وهيك شغلات . . .

فلله يعين واللي كاتبو ربي فيه الخير . . . دحين اشتغل بسنة دي وخلي التخيلات لنهاية السنة . . .


(كلٌ ميسر لما خلق له . . )

الله يفقنا جميعا للخير . .

[ana-vip]

بابا يقول وماما تقول والي يقول يقول <<<اغنيه ههههه

الشي الي انت تبغاه انت راح تبدع في مو الي هما يبغو ازا انت مفكر بالوظيفه وكم راتبها شوف جيب ورقه وقلم وقارن بينهم الاثنين

هل انت جرئ بانك تزقف وتحلل عشان تكون محامي او انت ممكن انك تكون محاسب فكر تمام التمام لان مرا ماينفع بعدين الندم

ربي يوفقك يارب وتدخل الشي الي يعيشك بخير الله ملك


ثاني شي ايش معنى منوله طيب واحنا ولا يعني مالنا رب <<<فيس يبكي

هههههههههههههه بالعكس منو بجد بجد رئيها يعطيك بوووووش ماشاء الله قوي واعطتني بوووش قبل كدا ربي يحفظها يارب

[roroo]

المشكله الأيام دي الواحد يفكر بالفلوس كل همو الفلوس ولا وين بشتغل في مكتب بيكون في كرف ولا برتاح

يا واد إذا إنتا أخذت الشهادة إلي إنتا تبغاها و مبدع فيها لو كان إيش إنت بتنجح نفسك بنفسك لو معاك ثانوي بس
تجتهد وما تفكر بالتفاهه هاذي يعني انت باقي دوبنا بادئين بالأسبوع الثاني و تفكر إيش تبغى تدخل
ركز في التحضيري مافي مانع تحط في بالك تخصص عشان تدخلو بس مو تشوف أكثر من تخصص و تقول ابغى هنا لالا هنا ولا أقولك هناك بتضيع على الفاضي أحسن شي سيباها للصيف و فكر برواقه بتكون فاضي ^_^ بعد ما تعدي الترم الأول
وكمان المحاماة حلللللللوة مرررررررة لأنو مستحيل أي شركة أي دائرة حكومية ما تبغى محامي أو لمن تروح برا لازم يبغون محامي .. هيا صح صعبة لأنو كلها أنظمة بس مع الممارسة بتعرفها بدون حفظ أقرب مثال خالي مدرس فنية ( ماشاء الله رسام درجة أولى ) الأن محامي !!! كيف ؟؟ لأنو مجرد أنو بس يقرى في الأنظمة الرسمية صار فاهمم الهرجة , والحمدلله ياخذ راتبين و عايش حياتو راتب معلم و راتب محامي ^_*
..............

المحاسبة .... برضو مرررررره حلوووووووة لأنو مافي أي شركة م تبغى محاسب مافي أي دائرة حكومية ما تبغى محاسب لو تروح أي مكان يحتاجو محاسب و مهم جدا جدا


<<< يبو هرجك كثر يلا برا ههههههههههه
>>> فاهم أحب الفلسفه المهم brb عشا

[توته الصقر}]

انت اول شي خلص من هالسنه وبعدين نشوف القسمين هذي وحللها تحليل ماصار يعني تشوف مستقبل القسمين انت اللى تمشي فيه تختاره

والله يعينك ويعيننا كلنا
حتى انا كنت محتارة بموضوع نفس موضوعك بس بدري ماراح اقوله دحين
ا ن شا ءالله لما تعدي هالسنه على خير راح اقوله