أبغى حل لمسألة في كيمياء 211 بلييييييييييز

[جون تيري]

سلام عليكم

عندي مسألة وأبغى حلها بالتفصيل لو سمحتم

المسألة : ماهو حجم محلول ثماني هيدروكسيد الكينولين ( c9h7no) الذي تركيزه ( 5%w/v) اللازم لترسيب الألومنيوم من عينة وزنها 1.0 جرام وتحوي 20% من al2(so4)3 مع العلم يلزم اضافة 10% زيادة من الكاشف لإتمام الترسيب والنسبة بين al 3 و c9h7no في الراسب 1:3

[سحر البيان]

لو تقدر تجيب لي المسألة بالانجليزي ممكن أجاوبك

أو أعطيني اسم الكتاب

[جون تيري]

المسألة هذي من خارج الكتاب ولكن فيه مسأله شبهها في كتاب التحليل الكيميائي الكمي التقليدي للدكتور توفيق عميرة وعبدالعزيزالسباعي ومحمد آشي , المهم المسأله اللي شبهها هي صفحة 318 رقم 5

[سحر البيان]

لقيت المسألة ....

و ان شاء الله أحلها لك بس أعطي فرصه لأني مشغولة ....

و متى أخر موعد تبغى فيه حل المسألة ...

[جون تيري]

اوكي اختي بس ياليت اليوم الجمعة تحليها لأن الاختبار يوم السبت

وآسف على ازعاجك.

[سحر البيان]

أسفة أني أتأخرت في الرد ...

هذه الأيام مشغولة لدرجة حتى أولادي ما بأجلس معاهم
بالنسبة للمسألة هي تشبه مسألة في صفحة 305
راح أشرح هذه الاول المطلوب وزن أوكزالات الاثيل ؟؟؟
هنا فكرة لو طلب وزن أو حجم راح تحل المسألة عادي راح يطلع وزن و عشان تحولها حجم ...بمعلومية الكثافة أو النسبة المئوية الحجمية ... راح أشرحها في وقتها
المطلوب المطلوب وزن أوكزالات الاثيل اللي هو العامل المرسب ...نشوف شوية في معلومات ثانية عنه ؟؟؟ لا

الماده المطلوب ترسيبها هي الكالسيوم على هيئة أوكزلات الكالسيوم
طيب هذه المعلومة في أيش تفيدنا ؟؟؟
عشان نحسب المعامل الوزني
كمبيوتري راح يتخلف لو كتبت بالانجليزي ( عشان كذا تخيل معادلة)
الماده الناتجه أوكزالات الكالسيوم بنسبة 1:1

معلومة أن العينه فيها أكسيد كالسيوم ؟؟؟
معناه أن المصدر اللي راح يوفرلنا الكالسيوم هو أكسيد الكالسيوم
أشرحها بطريقة ثانية لنفرض عندي عينه و زنها 1 جرام فيها أكسيد الكالسيوم و أي ماده أخري ... وزن أكسيد الكالسيوم فيها0.5 جرام

أبغى أرسب الكالسيوم بأي كمية
في نظرك ماهو الوزن الأنسب اللي أعوض فيه 1 أو 0.5 ؟؟؟؟
أكيد 0.5 لان أكسيد الكالسيوم هو مصدر الكالسيوم
اذا هنا أنت قول لي فائدة معلومة 15% من أكسيد الكالسيوم
معلومة 10% زيادة في الكاشف راح أشرحها في وقتها

تابع الرد الثاني

[سحر البيان]

أول خطوة أحسب وزن أكسيد الكالسيوم
وزن أكسيد الكالسيوم = وزن العينه في النسبة المئوية ( لأكسيد الكالسيوم )

وزن أكسيد الكالسيوم = 1.2 * 15/100 =0.18 جرام
نحسب وزن أوكسالات الكالسيوم الازمه لترسيب الكالسيوم من عينه تحوى 0.18 أكسيد الكالسيو م = وزن أكسيد الكالسيوم مضروبه في المعامل الوزني (تذكر النسبة بينهم 1:1)
0.18 * 146/ 56 = 0.469 جرام

أخيرا نشوف معلومة 10% زيادة من الكاشف ( بعد تمام ترسيب الكالسيوم لو أضفت 10% زياده من الكاشف كم من الماده راح يترسب )
وزن أوكزالات الكالسيوم المترسبه بعد اضافة 10% من الكاشف = وزن أكوكزلات الكالسيوم المترسبه * النسبة المئويه للكاشف
0.469 * 10/100 = 0.0469 جرام

اذا الوزن الكلي نجمع = 0.469 +0.0469 = 0.516 جرام
ان شاء الله تكون واضحه عشان نحل اللي بعدها

[سحر البيان]

مسألة 5 ص 318
طلب حجم ثماني هيدروكسي الكونيلين ... معلومة 4% تفيدنا في تحويل الوزن في الأخير الى حجم
النسبة 3:1 مفيده لحساب المعامل الوزني
معلومة 10% زيادة في الكاشف معروفه
معلومة 8 ملي جرام ( حولها لجرام ) من كبريتات الألومنيوم ( أعطاك الوزن مايحتاج تحسبه )

نحسب وزن ثماني هيدروكسي الكونيلين الازمه لترسيب الكالسيوم من عينه تحوى 0.18 أكسيد الكالسيو م = وزن كبريتات الألومنيوم مضروبه في المعامل الوزني (تذكر النسبة بينهم 1:3)
Al2(SO4)3 +3 C6H7NO = 2Al(C6H7NO)3
0.008 *( 342/ 2*145) = 0.0068 جرام
وزن ثماني هيدروكسي الكونيلين الألومنيوم المترسبه بعد اضافة 10% من الكاشف = وزن أ ثماني هيدروكسي الكونيلين الألومنيوم المترسبه * النسبة المئويه للكاشف
0.0068 * 10/100 = 0.00068جرام

اذا الوزن الكلي نجمع = 0.0068 +0.00068 = 0.00748 جرام

نحولها لحجم = الوزن * 4/100 = 0.00748 جرام * 4/100 = 0.187 مل

ان شاء الله يكون الحل صحيح

[سحر البيان]

نفس فكرة المسألة 5

معلومة عينه وزنها 1 جرام
وزن أكسيد الكالسيوم = 1 * 20/100 =0.20 جرام

Al2(SO4)3 +3 C6H7NO = 2Al(C6H7NO)3
0.20 *( 342/ 2*145) = 0.170 جرام
وزن ثماني هيدروكسي الكونيلين الألومنيوم المترسبه بعد اضافة 10% من الكاشف = وزن أ ثماني هيدروكسي الكونيلين الألومنيوم المترسبه * النسبة المئويه للكاشف
0.170 * 10/100 = 0.017جرام

اذا الوزن الكلي نجمع = 0.17 +0.017 = 0.187 جرام

نحولها لحجم = الوزن * 4/100 = 0.187 جرام * 5/100 =0.00935 مل

ان شاء الله يكون الحل صحيح

ما اعرف حاسه الخطوة الأخيره في المسألتين غلط ...

أنا زمان مره عن الكيمياء التحليلية .... لو لقيت وقت بأرجع أقرأها و أصحح الحل اذا قدرت

و بالتوفيق و ان شاء الله تجي الأسئلة سهلة و ما تجي هذه المسالة

[سحر البيان]

معليش في أخطاء لأني أعمل قص و لصق ياريت تنتبه لها و اذ أمكن صححها

و بالتوفيق