تعاإأآلو نتعلمـ إنجليزي

[لهيب الزهور]

طيب الحين عندنا كلمات وجمل وش الفائدة منها ؟!
أنا قلت ان الفائدة منها وضعها خطة طويلة المدى , الحين نفرض أننا وصلنا عدد 100 كلمة و100 جملة, لابد أن يكون الدفتر (الملف) هذا هو صديقك الحميم , يومياً راح تقرأ منه شوي , بالنسبة للكلمات مثلاً تأخذ كل يوم 15 كلمة تقرأها على السريع وتتذكر معناها من الشرح والجملة وكذلك ياليت لو تكتبها عشان تحفظ الاسبلينق بتاعها ,
والجمل نفس الطريقة , لابد من استعمالها بالمحادثة مستقبلاً من دون محاولة تذكرها , يعني أبغى كل الجمل تكون مثل قودمورنينق ,بالمناسبة أحد الشباب اطلع على الدفتر (الملف) الخاص وقال بسميه الدفتر (الملف) الذهبي
لأن الدفتر (الملف) راح يكون معاك على طول ان شاء الله , ويكفيك انه هو لغتك الآن بمعنى ان المعلومات اللي في رأسك هي نفسها اللي في الملف , بمعنى انك تشوف لغتك بيد يدينك , وميزتها انك تتابع نفسك بنفسك , يعني بعد شهر راح تشوف وين وصلت بالكلمات لأي عدد وكذلك للجمل ,
وأي جديد يمر عليك على طول سجله وعيد عليه باستمرار ,
بالنسبة للكلمات فهي واضحة , الكلمة ومعناها ومثال ,




نأتي الآن للجمل ,
الجمل تشمل أي جملة سمعتها وحسيت انها مفيدة وممكن تستفيد منها مستقبلاً , وأي سؤال حاولت تسأله وواجهت صعوبة فيه , وكذلك شرح لبعض القواعد ,
بشرح الأخيرة ,
الآن لو أخذت Present Simple على سبيل المثال وفهمته , ممكن تنساه أو يكون فيه لخبطة , أفضل حل أشوفه انك تكتب بعد آخر جملة وصلتها فرضاً كانت رقم 50 , تكتب Present Simple والجملة رقم 51 راح تكون مثال للـ Present Simple ومثال آخر لطريقة السؤال وكذلك النفي , الآن ماراح تنسى الـ Present Simple لو تموت !
لأنك صورته على شكل جمل بسيطة تقرأها باستمرار ,
وكذلك مع القواعد الأخرى , فجميع القواعد عبارة عن جمل ,
الآن لو اني طبقت طريقة دفتر السعادة من أيام الثانوي كان مااحتجت أرجع وأحفظ بعض الكلمات من جديد !
لكن مافات إلا الشر مثل مايقولون ,