شرح خطوات التسجيل ببرنامج التعليم عن بعد + اسئلتكم واستفساراتكم !!

[! سلطـــان !]

السلام عليكم ورحمة الله وبركاته

مساء الخير للجميع ... ونتمنى لجميع الطلاب والطالبات الراغبين بالتسجيل في برنامج التعليم عن بعد بجامعة الملك عبد العزيز التوفيق والنجاح

التخصصات المتاحه ببرنامج التعليم عن بعد تقدرون تعرفونها عند تسجيلكم ... الرجاء القرائة بتأني عند التسجيل

اولا : لمن يرغب بالتسجيل بالتعليم عن بعد عليه زيارة رابط التسجيل

http://odus1.kau.edu.sa/app_v3/lms/index.asp



+++ ثانيا شرح خطوات التسجيل +++

عند فتح الرابط تجي هذي الصفحة نضغط ع طلب جديد



تجي صفحة ( تعليمات القبول الالكترونى ببرنامج التعليم عن بعد ) ... الرجاء قراءة التعليمات والشروط والتخصصات المتاحه

بعدين نروح لأسفل الصفحة ونعلم على المربع الصغير وراح ننتقل دايركت للصفحة الثانية



وبعدين تجي صفحة ( آلية القبول الالكترونى ببرنامج التعليم عن بعد ) ... وفيها خطوات الالتحاق ببرنامج التعليم عن بعد ... الرجاء قراءتها

ونروح لاسفل الصفحة ونعلم ع المربع الصغير وراح ينقلنا دايركت للصفحة التالية

بعدين تجينا صفحة ( القبول الالكترونى ببرنامج التعليم عن بعد ) ... تعبي بياناتك مثل المطلوب بالصفحة ...

نقطة مهمة ( بالنسبة لحساب النسبه )

تجيك ثلاث مستطيلات ...

1- المجموع الكلى لدرجات شهاده الثانويه <<< هذا تكتب فيه المجموع الكلي للدرجات بالغالب ما يكتبون الرقم هذا بالشهاده
جرب احد هذي الارقام ... ( 3000 او 3200 او 3400 او 2800 )

2- مجموع درجات الطالب <<< تكتب مجموع درجاتك الموزونه الي حصلت عليه ... الرقم مكتوب بالشهاده

3- نسبه درجات الطالب الى المجموع الكلى <<< بهذا المستطيل تجي النسبة دايركت ( وقارنها بمعدل ثالث ثانوي وليس المعدل التراكمي )

اذا ما ضبط غير الارقام بالمستطيل الاول مثل الي كتبتها فوق ... واذا برضو ما طلعت نفس النسبه اكتب مشكلتك وان شاء الله نساعدك بهذي النقطه

بعد ما تكمل كل البيانات ننزل تحت ونكتب اليوزر والباس ( اي يوزر وباس بس لازم تحفظه ) ... وبعدين نضغط ع حفظ البيانات

راح تجيك صفحة وفيها رقم الطلب بأعلى الصفحة باللون الاحمر ( مهم جدا تكتب الرقم وتحفظه عندك )

ننزل اسفل الصفحة ونضغط ع كلمة ( اضغط هنا للمتابعة ) ... راح يجيك مربع حوار بأعلى الصفحة يطلب منك كتابة رقم الطلب للمتابعه انسخ رقم الطلب والصقة واضغط موافق ...

راح تنتقل لصفحة الطلب ....



+++ طريقة التعامل مع صفحة الطلب +++

اولا ارفع صورتك الشخصيه ( هذي خاصه بالطلاب الطالبات مو مطلوب منهم هذا الخيار )

ثانيا اطبع النماذج المطلوبه وعددها خمس نماذج وهي :
1- نموذج تعهد بإحظار اصل الثانوية العامه
2- نموذج بيانات الطالب
3- نموذج ارسالية الـ dhl .. وتأكد من وجود الرقم التسلسلي المكون من عشر ارقام
4- نموذج جامعة بلا تدخين
5- نموذج تعهد الطالب للالتحاق ببرنامج التعليم عن بعد



ثالثا عند الضغط ع ( رفع الصورة الشخصية ) يجيك صفحة وفيها استعراض اضغط استعراض
واختار الصورة من جهازك ثم رفع ... واقرى شروط رفع الصورة الموجوده بالصفحة ...

رابعا متابعة حالة الطلب ... اسفل الصفحة لاحظ هذي الصورة



عندما تقوم بأرسال الاوراق راح تجي ( ايقونة صح باللون الاخضر ) ... وبالمثل لباقي المتطلبات

بالاخير ان شاء الله اذا جت ايقونة الصح على خيار ( 4- ارسال رسالة على الجوال للاشعار بإمكانية السداد ) راح يجي مكتوب اسفل بنفس هذا المستطيل الوقت المحدد الي لازم تسدد فيه الرسوم وبالغالب يكون 15 يوم ... لازم تسدد قبل ما ينتهي الوقت .

كذا انتهينا من خطوات التسجيل

وبين فترة والثانيه ارجع لطلبك من خلال هذا الرابط

http://odus1.kau.edu.sa/app_v3/lms/index.asp

وادخل ع تعديل الطلب واكتب رقم الطلب والباس الي حفضتها من اول وشوف وين وصلت معاملة القبول من خلال الصورة الي ارفقتها بالاعلى

,

,

,

,

+++ بعض الاسئلة والمشاكل التي صادفت بعض الطلاب +++


* لا استطيع الدخول على طلبي يظهر لي لايمكن العثور ع الملقم او تظهر صفحة خطأ من موقع الجامعه

حاول بأوقات ثانيه لان من المحتمل يكون في خلل او ضغط ع سيرفر موقع الجامعة

* لا استطيع رقع صورتي الشخصيه ويظهر لي هذه الرساله ( Folder not found\\192.168.13.251\APP_V3\LMS\files )

الخلل من موقع التسجيل عليك با الانتظار الى ان يتم حل هذه المشكله من قبل المسؤولين عن الموقع او قم بالاتصال بالعماده من خلال هذي الصفحة :
http://elearning.kau.edu.sa/Pages-%D...%84%D9%8A.aspx

* تاريخ تخرجي قديم هل يتم قبولي

توكل ع الله وسجل في طلاب تاريخ تخرجهم قديم وانقبلوا

* لا استطيع طباعة النماذج المطلوبة للتسجيل

هناك حلين :

الاول : تغيير الجهاز او الطابعه والمحاولة من جهاز اخر او طابعة اخرى

الثاني : اتبع هذه الطريقه ....

1- افتح صفحة الطلب الي موجود فيها ايقونة الطباعه
2- من اعلى المتصفح اذهب الى ملف ثم حفظ بأسم يطلع مربع حوار اختار المكان الي تبي تحفظ فيه ويفظل عمل مجلد خاص واضغط على حفظ وانتظر الى ان تحفظ الصفحة
3- اذهب الى المجلد الي حفظت فيه الصفحة وافتحه يجي مجلد ثاني خاص بالصفحة افتحه مثل الصورة تحت



4- اذا فتحت المجلد تجيك ملفات من ضمنها صفحة ويب افتح الصفحة الموجوده ... ومهم جدا تفتحها بمتصفح Internet Explorer اذا كان عندك متصفح الفيرفوكس لا تفتحها بهذا المتصفح
لان بعض الصور ماراح تظهر الطريقه مثل الموجود بالصورة تحت



5- اذا فتحت الصفحة اطبعها بالضغط ع الاختصار ( Ctrl + P ) من الكيبورد ... او من قائمة ملف بأعلى الصفحة وتختار طباعة

راح تطبع جميع الاوراق ان شاء الله ...


+++ ملاحظة مهمة جدا +++

عند التسجيل استخدم متصفح Internet Explorer فـــقــــــط .... باقي المتصفحات راح تواجه فيها مشاكل

بالتوفيق للجميع واي سؤال او استفسار تفظلوا وان شاء الله ماراح نقصر معكم سواء انا او اي شخص عنده معلومه











.

[؛؛وجود؛؛]

موضوع كافي ووافــــي
لكل نقطه بالتفصيل والايضـــاح


ماقصرت بارك الله فيك وفي مجهودك المبارك

[حلمنآ الوردي]

يعطيك العافيه ع التوضيح
بسس انا عندي مشكله
الاوراق تنطبع بسس اول ورقتين مايكونو كاملات بس العنوان وتحته اتعهد انا الطالب ......
سويت مثل ماقلت بسس طلعت لي كذا


مادري وش اسوي ..
سؤال الشعار الي ع الاوراق لونه ازرق سماوي < مادخل مزاجي ليكون مطبوع معي غلط ؟

[! سلطـــان !]

المشاركة الأصلية كتبت بواسطة ؛؛وجود؛؛ موضوع كافي ووافــــي لكل نقطه بالتفصيل والايضـــاح ماقصرت بارك الله فيك وفي مجهودك المبارك

يعطيك العافية واتمنى الفائدة للجميع

المشاركة الأصلية كتبت بواسطة حلمنآ الوردي يعطيك العافيه ع التوضيح بسس انا عندي مشكله الاوراق تنطبع بسس اول ورقتين مايكونو كاملات بس العنوان وتحته اتعهد انا الطالب ...... سويت مثل ماقلت بسس طلعت لي كذا مادري وش اسوي .. سؤال الشعار الي ع الاوراق لونه ازرق سماوي < مادخل مزاجي ليكون مطبوع معي غلط ؟

خليك معي خطوة خطوة

تفتحين صفحة الطلب الي فيها طباعة النماذج

روحي اعلى المتصفح واستخدمي متصفح ( الاكسبلورر ) افتحي قائمة ملف وبعدين حفظ بأسم

يطلع لك مربع حوار مثل الصورة الي تحت



عندك حفط كنوع اختاري نفس الصيغة المحدده بالصوره واحفظي الملف

بالنسبة الى الشعار اذا تقصدين شعار جامعة الملك عبد العزيز عادي هو لونه كذا

حتى لو كان عندك طابعه اسود وابيض بدون الوان ما يضر عادي

جربي الي قلت لك عليه وان شاء الله تنحل المشكله

[الام الطموحه]

مرحبا اخ سلطان انا درست خطه ا الترم اللي راح انتساب سنه تحضيريه قسم اداري وانساني اقدر احول الفصل القادم من انتساب للتعليم عن بعد وكيف الطريقه وشكرا لك

[! سلطـــان !]

المشاركة الأصلية كتبت بواسطة الام الطموحه مرحبا اخ سلطان انا درست خطه ا الترم اللي راح انتساب سنه تحضيريه قسم اداري وانساني اقدر احول الفصل القادم من انتساب للتعليم عن بعد وكيف الطريقه وشكرا لك

السلام عليكم

تقدرين تحولين ان شاء الله ... بس قبل التفكير بالتحويل لازم تعرفين التخصصات المتوفرة بالتعليم عن بعد واذا كان من ضمنها التخصص الي تبينه توكلي ع الله

التخصصات المتاحه حتى تاريخه هي :

ادارة اعمال ... مسار عام
ادارة عامه ... مسار عام
لغة عربية ... لغة انجليزية ... ( علم نفس بالموقع مكتوب للطلاب فقط والله اعلم ممكن يكون في للطالبات بعد )

طريقة التحويل حسب ما قرأت في بعض المواضيع ان طلبات التحويل تتم بعد شهر رمضان ان شاء الله عن طريق الاودس

ولكن نصيحتي لك بالاتصال ع عمادة القبول والتسجيل والتاكد ومعرفة الطريقه بالتفصيل

اذا ما ردوا عليك بشطر الطالبات اتصلي ع شطر الطلاب لانهم تجاوبهم افظل من شطر الطالبات

على هذا الرابط

http://admission.kau.edu.sa/content....ng=AR&cid=2598

نقطه اخيرة معدلك لازم يكون فوق الـ 2

بالتوفيق

[ABRAR ANA]

عطييييك الف عافيه اخوي سلطان على هالموضوع

لأن كل شوي ينط براسي سؤال و احس اني انحشرت

مو كل شوي انزل موضوع علشان اسأل فيه عن شي

السؤال اللي يخربش في عقلي الحين

هو انه الحين وقعنا على تعهد احضار الشهاده الاصل بعد ما ننقبل يعني

ينفع طيب نجيبها نهايه التيرم بالمره و احنا رايحين نختبر ؟

[! سلطـــان !]

المشاركة الأصلية كتبت بواسطة abrar ana عطييييك الف عافيه اخوي سلطان على هالموضوع لأن كل شوي ينط براسي سؤال و احس اني انحشرت مو كل شوي انزل موضوع علشان اسأل فيه عن شي السؤال اللي يخربش في عقلي الحين هو انه الحين وقعنا على تعهد احضار الشهاده الاصل بعد ما ننقبل يعني ينفع طيب نجيبها نهايه التيرم بالمره و احنا رايحين نختبر ؟

الله يعافيك

صار لي عام دراسي كامل ومحد طلب مني اصل الشهاده

وفي احد الاخوان راح يودي الاصل للعماده وقالوا لا تجيبها الين نرسل لك

يعني خلي الاصل عندك الين يطلبونه منك

وخذي راحتك اي شي مو واضح تفظلي بالسؤال

تمنياتي لك بالتوفيق

[حلمنآ الوردي]

<< بنجن خلااص
خيوو سلطان سويت مثل ماقلت لي تماام وضبط
بسس برضوو نفس المشكله الاولى الورقتين ماينطبعن كاملات
شووف مثل كذا






وش الحل ؟؟

[! سلطـــان !]

شي يحير من جد

يعني كل الاوراق ما انطبعت والا ورقتين بس ؟

طيب في محاوله ثانيه

حاولي من طابعه ثانيه وشوفي او من جهاز ثاني ... اذا مافي امكانيه او جربتي وبرضو ما ضبط

عندي لك حل ثاني ... راح ارسلك النماذج بملف وورد وانتي تعدلين عليه وتضيفين اسمك

بس ابي اتأكد الحين كل الاوراق ما انطبعت معك والا بس نموذج تعهد احضار اصل الثانوية العامه ونموذج بيانات الطالب ؟

اذا كانت هذي النماذج بس محلوله ان شاء الله بنسقها بملف وورد ارسلها لك وتطبعينها وان شاء الله تضبط معك

وفي حل ثالث واخير <<< شغال حلول ... بس نخليه اخر شي اذا فشلت كل هالمحاولات مع اني ما اتمنى نضطر لهذا الحل