تم تحويلي من الرياض الى هنا احتاج مساعده

[SARAH.A.A]

اول حاجه مرحبا !!

ورمضان كريم عليكم كلكم ...
جابه استفسر عن كم حاجه انا كنت بدرس بكلية اهلية بالرياض طب وتم تحويلي هنا من وزارة التعليم العالي حولوني على قسم العلوم الطبية الأساسية وانا ولا مره سمعانه فيه !!

وقالوا لنا حنعادل لكم موادكم واذا خلصتوا سنه 3 حنختبركم اختبار ال cpt اذا جبتو فوق 60 بالميه حتطلعو سنه رابع طب !! وقالوا دوامكم حيكون بكليه الطب انا مو عارفه اي حاجه عن التخصص هذا ياليت احد يفيدني بلييز ويديني الخطة الدراسية حقتو وكذا لنو بجد محتاجه مساعده وحيكون اللبس كيف لنو انا نت اداوم بالرياض سكرب ولاب كوت مو عارفه هنا اش حلبس وكيف النظام بشكل عام في الجامعه وكمان حابه اسأل فين مبنى كلية الطب

شكرا مقدما

[الدكتور مروان]

تحيااتي لكي اختي العزيزه
بصرااحه انا ماعندي خلفيه كامله عن نظام التدريس داخل المملكه بشكل كبير انشاءلله باقي الاعضاء فيهم الخير والبركه وانشاءلله راح يساعدوكي ولكن انا على حسب علمي انو قسم العلوم الطبيه الاساسيه
بتكون في هيئة الندريس يعني ممكن تكوني مدرسه لاحد مواد الطب ومابتكوني دكتوره فقط بتكوني مدرسه لاحد مواد كلية الطب بس غريب انهم حولوكي من عندهم لانو انتي بديتي من الاول بكلية الطب البشري كيف يحولوكي وهل انتي طلبتي التحويل بنفسك
تحيااتي ليكي عزيزتي الفاضله

[SARAH.A.A]

كل الحكايه د.مروان انو انا كنت بدرس بالكليات العالمية الأهلية .. وتقفلت وانسحب منها التراخيص من قبل وزارة التعليم العالي طبعا عملو معانا اجتماع وادونا خيارات وكان من بينها جامعة الملك عبدالعزيز انا اخترتها والحمد لله انقبلت..

انا كنت طالعه مستوى خامس طب يعني سنه ثالثه يوم حولوني على عبدالعزيز ورحت الجامعه عطوني رقم جامعي وكل حاجه لكن قالوا لي انتي انقبلتي بقسم العلوم الطبيه الأساسيه هوا من حسب مافهمتو انو قسم بحثي واكاديمي بس ماعندي اي تفاصيل ثانيه عنو وقالو حنعادل لك المواد اللي تتطابق مع القسم هذا والباقي تدرسيه لين ماتخلصي سنه 3 من علوم طبيه اساسيه بعدها راح نختبرك اختبار عن كل ال3 سنوات اللي فاتت لو جبتي فوق 60 من ميه راح تطلعي سنه 4 طب يعني ابدا روتيشن
وقالوا الدوام حيكون بنفس كليه الطب وكذا لكن انا ماعندي اي فكره عن الجامعه او انظمتها وخلوني اوقع انو فهمت انظمة الجامعه وكذا وانا ماعرفها ولا عطوني اي حاجه عنها !! ولا قالوا لي اش راح البس ولا عطوني خطه دراسيه ولا شي عشان كذا حبيت استفسر هنا وقلت الشباب والبنات ماحيقصروا ان شاء الله فبليز اللي عندو اي خلفيه عن التخصص او حاجه يفيدني

وحكون جدا شاكره

[ريتشارد]

http://admission.kau.edu.sa/Pages-%D...%8A%D8%A9.aspx

[Class of 11]

المشاركة الأصلية كتبت بواسطة SARAH.A.A كل الحكايه د.مروان انو انا كنت بدرس بالكليات العالمية الأهلية .. وتقفلت وانسحب منها التراخيص من قبل وزارة التعليم العالي طبعا عملو معانا اجتماع وادونا خيارات وكان من بينها جامعة الملك عبدالعزيز انا اخترتها والحمد لله انقبلت.. انا كنت طالعه مستوى خامس طب يعني سنه ثالثه يوم حولوني على عبدالعزيز ورحت الجامعه عطوني رقم جامعي وكل حاجه لكن قالوا لي انتي انقبلتي بقسم العلوم الطبيه الأساسيه هوا من حسب مافهمتو انو قسم بحثي واكاديمي بس ماعندي اي تفاصيل ثانيه عنو وقالو حنعادل لك المواد اللي تتطابق مع القسم هذا والباقي تدرسيه لين ماتخلصي سنه 3 من علوم طبيه اساسيه بعدها راح نختبرك اختبار عن كل ال3 سنوات اللي فاتت لو جبتي فوق 60 من ميه راح تطلعي سنه 4 طب يعني ابدا روتيشن وقالوا الدوام حيكون بنفس كليه الطب وكذا لكن انا ماعندي اي فكره عن الجامعه او انظمتها وخلوني اوقع انو فهمت انظمة الجامعه وكذا وانا ماعرفها ولا عطوني اي حاجه عنها !! ولا قالوا لي اش راح البس ولا عطوني خطه دراسيه ولا شي عشان كذا حبيت استفسر هنا وقلت الشباب والبنات ماحيقصروا ان شاء الله فبليز اللي عندو اي خلفيه عن التخصص او حاجه يفيدني وحكون جدا شاكره

انا اللي فهمته من كلامك ان الموضوع واضح انتي دحين حيعادلولك المواد اللي درستيها (البيسك) اللي هي بتكون مشتركة بين الطب والجراحة والعلوم الطبية الاساسية ويكون تخصصك علوم طبية أساسية بس تقدري ترجعي طب وجراحة عن طريق الاختبار وتطلعي رابعة معانا (كلينيكل).

على الخطة الدراسية ممكن يكون عندك أشياء مختلفة عن بقية دفعتك لكونك من جامعة اخرى يعني مواد الثقافة الاسلامية والعربي ودي الحاجات بس على العموم الكل بينزل له الجدول الدراسي بعد بدء السنة الدراسية في اول اسبوع واذا حابة تقرئي عن وضعك الأكاديمي في الجامعة ادخلي على ال ODUS برقمك الجامعي ورقم هويتك وتشوفي ايش اللي نازل لك الين دحين.

وهادي الخطة الدراسية العامة لسنوات الطب والجراحة http://medicine.kau.edu.sa/GetFile.a...ap%20final.pdf

وبالنسبة لكلية الطب -شطر الطالبات- هي شاملة طب الأسنان والبشري والصيدلة والعلوم الطبية التطبيقية والعلوم الطبية الاساسية وموقعها مقابل مستشفى الجامعة ( على يمينك وانتي داخلة من بوابة الطير )

ارجو انه اكون وضحتلك الصورة اكتر وأي استفسار انا جاهزة. بالتوفيق

[SARAH.A.A]

يسلموو ويعطيكم الف الف عافيه يارب ماقصرتو والله

بس حسأل اش حيكون لبسنا ؟ وكمان حسأل هل اختبار الcpt تعجيزي او عادي يعني اللي دارس وكدا حيعديه

[SARAH.A.A]

وهما ادوني رقم جامعي بس من دون باسسوورد

[Class of 11]

لبسنا هو سكرب ولاب كوت للطب البشري لون السكرب Royal blue
الاختبار للأسف ما عندي خلفية عنه
الباسورد هي رقم هويتك من غير اول رقم

[SARAH.A.A]

يسلمو والله يعطيكي الف عافيه يارب

[Class of 11]

المشاركة الأصلية كتبت بواسطة sarah.a.a يسلمو والله يعطيكي الف عافيه يارب

الله يسلمك ويعافيكي :)