حــلـــم الــطــب

[m.7arbi]

السلام عليكم

ياحبآيبي أنا أتمنى الطب بس خايف من الصعوبه اللي يتكلمو عنها

يعني خايف اضيع سنوات من عمري وفي النهايه ما امشي فيه

الرغبه موجودهـ .. بس مو عارف احس انو محتار

انا نسبتي في الثانوي 93 والقدرات 79

واللي زاد رغبتي في الطب الفرص الوظيفيه فيه بعد التخرج ..
لان المملكه بـ حاجه ماسه للأطبآء والمجال الصحي ككل حسب الاحصائيات
واللي يثبت كلامي البعثات الجديدهـ للسنه هذي فـ البكالريوس كلها تخصصات صحيه .


بمعنى اخر هل الطب يسلب الشخص حياته !!
يكون دايما مشغول بالمذاكرهـ وبآله في الدراسه !

أتمنى منكم النصيحه فقط
أعتبروني أخوكم الصغير بـ أيش تنصحوهـ ؟

الله يوفقكم اجمعين

[واثق الخطى 1]

هلا بش حي من عاكس اتجاه الريح وجابك

شوف حبيبي انا شايف في موضوعك ان انت مدخل في راسك ان الطب صعب وتعجيزي وصعب تمشي فيه

لكن مافي شي صعب انت اش الفرق بينك وبين الدكاتره انت تقدر تكون احسن منهم كمان
لكن شوف ان ما بكذب عليك هو صعب ((ماعرفناله مره يقول صعب مره مو صعب المهم)) لكن يتسهل عليك بالمذاكره اول باول ونظام التحضيري لازم تنساه الي هو المذاكره قبل الاختبارات باسبوع لازم تذاكر اول باول

وتقريبا اصعب سنه اللي هي السنه الاولى في الطب لانهم ظاغطينا ظغط الله لا يوريك بس

وانت ماشالله نسبتك حلوه هي والقدرات وربي لو اقلك نسبتي اللي تخرجت فيها في الثانوي يمكن تنصرع ههههه بس مره نازله

ومن ناحية ضيق الوقت والانشغال فهذا الكلام صحيح في اول سنه في الطب حتى في الاجازه ذي مذاكره تخيل اما باقي السنوات ما افتيلك فيها يفيدونك الطلاب إن شاء الله لكن اتوقع ان بس في اول سنه لانه اظغط سنه في الطب

والله يوفقك وإن شاء الله نشوفك دكتور اد الدنيا

[Dr.Passed]

دكتور اي سنين طويله
لا تخلي كلام احد يخرب عليك

لازم اول حاجه السنه الاولى تحضيريه الكل ياخدها
بعدين ال 5 سنين الباقيه تنقسم نظريه واكلينيكيه في المستشفى

معقوله تبى تخش المستشفى وانت منتى عارف تسوي شي يعني لازم من السنين الاولى =) وبعدين اخر سنتين تدريب

وبعدين لا تخلي احد يقولك صعب..
زي ما الي دخل طب ..دخل وقال رأيو صعب ولا سهل..انت كمان عندك رأيك

يعني خليك مؤمن بتجاربك وقياساتك الخاصه للأمور لأنو سبحان الله في اشياء كتيره تفرق مع غيرك بس ما تفرق معاك و العكس

الصعوبه الوحيده الي انا مواجهتها دحين
اني شبه معزوله عن عيلتي
يعني ماعندي وقت كل اسبوع ازورهم
كتير حفلات وافراح تروح عليا لأني مشغوله
وفعلا ..

لكن انا احب الطب وازا كده انا حاحقق حلمي يعني مو خساره

وبعدين انت فكر فيها
اي تخصص حاتخشو محايقل عن 4 سنين
التحضيريه حتاخدها حتاخدها بالله تفرق معاك سنه سنتين كمان ؟؟

انا انصحك انك تشوف الشي الي ( انت) تبغى وازا تبغى تغير رأيك لا تخلي سببك التراجع من الموضوع

يعني لا تتراجع عشان طول السنين ولا الصعوبه ( الصعوبه ممكن الواحد يتعامل معاها) وازا كان في صعوبه حتكون السنين الاولى واي شي جديد علينا في الحياه أكيد حيكون صعب الين ما تتعود عليه

طبيعي انك حاسس بضغط دحين وافكار كتيره تدور في راصك

بس فكر كل التعب و السنين هادي أوصل على خط النهايه واقول لحلمي معليش ما اقدر ؟

انت لاتدخل مغصوب ولا عن ضغط ولا حتى من كلامي..

لكن كتير اشياء صعبه مررررره نبغى نحققها في حياتنا..هيا حلمنا اصلا..ايش حنعمل حنتراجع كلي مره ومحانعيش زي ما نبغى عشننا خايفين ؟؟

=)
ماما دائماً تقولي ..

صعوبه الطب في العمل مو في الدراسه

انت فعلا حتربط نفسك مع العالم بس هادا شي جميل
جميل انك تقوم في نص الليل مسرع وتنفذ احد بإذن الله
جميل انك تجيب الفرحه لقلوب الناس
جميل انك تسمع " الحمد لله كل شي تمام دحين انا جدا مبسوط"
جميل انك تسمع دعوه من احد طالعه من قلبو دعوه طيبه من القلب عشان اداءك معا ووقوفك جمبو
جميل احساسك انت مع نفسك وضميرك على كل شي حتكون مسؤول عنه وتفعله على الوجه الصحيح بما يرضي الله


انت استخير ولو ماتبغى خلي أسبابك اكبر من
" صعب" و "طويل"

إن شاء الله انك قدها ( بس ازا فعلا هادا حلمك في الحياه)