قرار مصيري الى جميع الطلاب وخصوصا طلاب الخبرة الانتظام

[شاهــر]

الْسَلآْم عَلْيُكّمٌ وٍرٍحَمُةّ اللھ وٍبُرٍگآتُهْ
شباب والله انا احترت نفسي اغير الكليه من العلوم للاقتصاد والادارة قسم ادارة اعمال ومحتااار جدا من ناحية الدراسه في قسم ادارة الاعمال وايش طبيعة المواد والمسارات
واهم شيء المستقبل الوظيفي هل هو افضل من كلية العلوم. تخصص كيمياء
افيدوني بخبرتكم جزاكم الله خيراً
وبالنسبه لقسم نظم المعلومات هل يعتبر افضل من الكيمياء من ناحية الحصول ع الوظائف

[_OCTOBER]

ياخوي شتان مابين التخصصين , كل تخصص في جهة !
هذه تخصصات ادارية , والكيمياء من التخصصات العلمية ..وكلا يسلك طريق مختلف تماما عن الاخر ..
ايش ميولك انت ؟ علمي ولا اداري ..!

اذا كنت من عشاق الكيمياء وتقدر على صعوبتها ...
انصحك تكمل في التخصص لانه تخصص ممتاز ومطلوب بشدة من سابك وارامكو والمدن الصناعية .
وتقدر تكمل هندسة كيميائية بعد البكلوريوس ..


...

[شاهــر]

المشاركة الأصلية كتبت بواسطة _october ياخوي شتان مابين التخصصين , كل تخصص في جهة ! هذه تخصصات ادارية , والكيمياء من التخصصات العلمية ..وكلا يسلك طريق مختلف تماما عن الاخر .. ايش ميولك انت ؟ علمي ولا اداري ..! اذا كنت من عشاق الكيمياء وتقدر على صعوبتها ... انصحك تكمل في التخصص لانه تخصص ممتاز ومطلوب بشدة من سابك وارامكو والمدن الصناعية . وتقدر تكمل هندسة كيميائية بعد البكلوريوس .. ...

مشكور ع ردك اخوي
وبالنسبه لميولي افضل الاداري بس اهم شي في الحصول ع الوظائف
مع العلم اني كنت اعشق تخصص الكيمياء لكن هفي الوقت الحالي اي خريج من كلية العلوم ماينصح فيها ابدا

[girl.k.s.a]

المشاركة الأصلية كتبت بواسطة شاهــر الْسَلآْم عَلْيُكّمٌ وٍرٍحَمُةّ اللھ وٍبُرٍگآتُهْ وعليكم السلام ورحمة الله وبركاته شباب والله انا احترت نفسي اغير الكليه من العلوم للاقتصاد والادارة قسم ادارة اعمال ومحتااار جدا من ناحية الدراسه في قسم ادارة الاعمال وايش طبيعة المواد والمسارات واهم شيء المستقبل الوظيفي هل هو افضل من كلية العلوم. تخصص كيمياء افيدوني بخبرتكم جزاكم الله خيراً وبالنسبه لقسم نظم المعلومات هل يعتبر افضل من الكيمياء من ناحية الحصول ع الوظائف

طبيعة المواد حفظ مع شوية حاجات لو قرأت وأتثقفت في الكتب والنت رآح تعرف تجآوب عليهآ
أنآ أحس قسم إدارة الأعمال سهل وممتع يمكن لأنو تخصصي ! الله أعلم
وبرضو يحتاج شخصية قيادية وقوية وعلاقاتها ممتازة مع الناس عشآن تقدر تشتغل كويس بعدين
وزي ما قال أكتوبر شتان ما بين الكيمياء و ادارة الأعمال =)
وحآول تشوف نفسك في المستقبل كيف رآح تصير وكيف رآح تكون مع قسم الادارة
وعندك قسم إدارة الأعمال ممكن تدخل تسألهم أكيد هما عندهم خبرة أكتر مننا
وممكن تقرأ بعض كتب المواد تبعهم عشان تستفيد أكتر وأكتر وربنا يوفقك

ونظم المعلومات قسم يختلف عن ادارة الأعمال طبعا وممتاز جداً ووظائفه
رواتبها عالية جدا ما شاء الله لكن التعامل زي ما انتا عارف حيكون غالبا مع الأجهزة
ويحتاج أشخاص يكونوا حابين الأجهزة ويعرفوا يتعاملوا معاها

+

كلام أكتوبر تبع قسم الكيمياء ممتاز تقدر تشتغل في سابك زي أخويا
لكن كآن عملو جدا جدا جدا متعب ولساعات طويلة وأستمر فترة فيه
وبعدين ربي سهل لو الحمدلله وصار أستاذ في كلية ينبع بعد ما كمل دراسة
و دحين مرتاح الحمدلله بس أثر التعب السابق ما زال موجود .
ومن خلال كلامو عن الشركة وقسمو حسيت إنو خطر على الصحة بسبب الغازات
والتركيبات الكيميائية اللي بتكون في المكان .

وأستخير أولا وأخيراً وربي يكتب لك اللي فيه الخير

[_OCTOBER]

اعتقد انه كلام اختي girl.k.s.a كافي بخصوص ادارة الاعمال وموثوق
بحكم انها متخصصة في نفس المجال وفي العادة طلاب ادارة اعمال على علم متصل بكافة تخصصات الادارة اكثر من البقية

وبالنسبه لميولي افضل الاداري بس اهم شي في الحصول ع الوظائف مع العلم اني كنت اعشق تخصص الكيمياء لكن هفي الوقت الحالي اي خريج من كلية العلوم ماينصح فيها ابدا

بفصل معاك هذه المره وبعطيك كل اللي في راسي ..

شف ياخوي اكيد الوظائف الادارية مغطية السوق في الفترة الحالية وخصوصا هنا في جدة اللي تعتبر نواة الاقتصاد السعودي
ومازالت التخصصات الادارية مهيمنة على الاغلبية بحكم اننا دولة اقتصادية من الدرجة الاولى وقطاع البنوك والمصارف هو المسيطر والله يستر بس من الازمة العالمية القادمة


ولكن ايضا لاتنسى ان الدولة تتجه الى تطوير ضخم لمشاريع الصناعة , وتطمح انها تكون دولة متقدمة ولها مكانتها في العالم الاول
وبداية هذه التحرك مشروع انشاء جامعة الملك عبد الله للعلوم والتقنية والاموال الضخمة اللي انصرفت عليها , لتشكل بنية تحتية
للمجالات العلمية وبيئة احترافية لتخريج نوعية متقدمة من الطلاب في هذه المجالات فقط دون التخصصات الاخرى
تتبعها مدينة الملك عبدالله واللي راح تكون احدث مدن السعودية والشرق الاوسط ع الاطلاق .
ايضا مدينة الجبيل و ينبع الصناعية تحت اشراف الهيئة الملكية لتطوير المدن الجديدة
ومشروع المدينة الصناعية بجدة والدمام واللي راح ينتهي في 2013 . واللي راح يوفر وظائف بالهبل لتخصصات الهندسة والعلوم الكيميائية.

لو كنت تخصص فيزياء او رياضيات او احياء او نانو ومدري ايش كانت قلتلك صح صعبة اما تخصص الكيمياء وملحقاته مطلوب جدا خصوصا في البيئة الصناعية
مثل الصناعات البلاستيكية - صناعات مواد البناء - الصناعات المعدنية - صناعة تحلية المياه - الصناعات المكملة

لو كان الوضع اللحين متعب في الوظائف , ثق بي المرحلة القادمة راح تكون مختلفة تماما ..
وتقدر تزور موقع الهيئة وتتطلع بنفسك على الخطط والمشاريع القادمة

http://www.modon.gov.sa/Arabic/Media...es/Jedah4.aspx



وبالنسبة للوضع الحالي للوظائف الادارية
صحيح في هجرات جماعية من التخصصات الاخرى وهجوم ع الادارة ...
ولو تلاحظ راح تلقى انه اغلب المهندسين , والمتخرجين من الحاسب وكلية العلوم في الاغلب يكملو دراسات عليا في ماستر ادارة اعمال ويفضلو وظائف ادارية على حساب تخصصاتهم ...
فقط عشان طبيعة البيئة الادارية اللي في العادة تكون في مكتب مكيف ...ولاتتطلب جهد
واغلب ساعات الدوام تنقضي بين سواليف بين الزملاء واستئذان والنظام السعودي المعروف .

ع عكس الوظائف العلمية اللي في الغالب تكون في بيئة متشددة واحترافية وتتبع نظام امريكي صارم في الدوام زي ارامكو وسابك
وقد تكون فيها خطورة وكرف في البداية زي ماقالت girl ksa ولكن في النهاية
هذه البيئات هي اللي تطور الشخص وتصقل مهاراته فعلا , ع عكس التخصصات الادارية اللي بصفة عامة تقتل الابداع ...

ع العموم لازم ياخوي تفكر بتعمق , لان الفرص تقريبا متساوية
لو كانت ميولك كيميائية اكمل فيها ولاتسمع لكلام احد .. ولايهمك الوظائف ان شاء الله موجودة
ولو كانت ميولك ادارية فعلا ..فاكيد المستقبل امامك والادارة تعطيك افضل من اي تخصص اخر لو اكملت تعليمك فيها وتميزت
اما اذا كان ميولك فقط عشان الراحة الوظيفيه ...فصدقني راح تندفن في الوظيفة بدون اي تقدم
وراح تندم انك تركت ميولك ورغبتك واتجهت مع رغبة الناس حتى لو كانت ذات مردود مادي جيد


الله يوفقك ياخي الكريم واسف لو اطلت عليك


.
.
.

[girl.k.s.a]

^
ممتآز كلامو ما شاء الله تبارك الله
خصوصا البارت الأخير
أتمنى لكم التوفيق