تخصص تغذية اكلينيكية ومخاوفي . محتاجتكم :(

[انسانه محتاره]

بسم الله الرحمن الرحيم
مالي بعد الله الا انتو :(
انا بصراحة مقدمه على البعثة بكالوريس بتخصص تغذية اكلينيكية
وعشقيييي هذا التخصص احس اني حأبدع فيه حأدرس وانا مبسوطة المهم حبيت هذا التخصص

والله ما كتبت ذا الموضوع الا وبحثت في قوقل عن اجوبة لاسئلتي بس ما حصلت الجواب الشافي....
نبدأ ...:"(
1- (الاختلاط) انا من النوع الي يفكر في المستقبل لقدااااام يعني من الحين اشيل هم الي جاي
والي مخوفني انو طبيعة عمل اخصائية التغذية تلزمها الاختلاط بالرجال . بس سمعت انو اقدر اتخصص اطفال او حوامل ؟؟؟!! وانا بصراحه اختي دكتورة وشايفه معاناتها مع زوجها . صحيح الوحدة تفرض احترامها بس لا بد من النقنه ووجع الراس

2- (ساعات العمل) هذا الشي مسبب لي ولاهلي خاصة ازززززززمة .لانو مره ماما سألت الي تجيب الاكل للغرفة . انتي قسم تغذية اكلينيكية قالت ايوة ومدحت التخصص المهم سألت ماما عن عملها قالت صباح ومساء بس بينهم بريك (مستشفى خاص) .. زي ما قلتلكم اختي دكتورة وانا شايفه حياتها كلها في المستشفى حتى عيالها ما تقعد معاهم مرره صعب كذا < ما ابغا اصير زيها :(

3- (الراتب) حابة الي عندها معلومة عن رواتب اخصائيات التغذية تفيدني بلييز

4- اخيرا والله حالتي ما يعلم بها الا ربي كل اهلي ما يشجعوني اتخصص دا التخصص ويقولو حتطفشي من ذي الشغلة بس تدوري على المرضى كل يووم. :( . انا بقلهم انو في البداية لازم اتعب وبعدين ابدا اكون نفسي ويكون لي مكتبي الخاص
بصراحه اهلي خايفين من مسألة الوقت والاختلاط يأثرو على علاقتي مع عريس الغفلة وعلى عيلتي المستقبلية ههههههههه ( لانو عندنا عينة سابقه p: )

الله يسعدكم انا محتاجه لاي معلومة بسيطة تخص المواضيع الي طرحتها اي شي تعرفوووووونة قولوووه بلييييز او ايميل احد يفهم في دي الاشياء ؟؟
الله يفرج كربتكم فرجو كربتي والله حاسة بأكتئاب مو طبيعي واظن باين من كلامي خلاااص ودي افضفض

واسفففففه طولت علييكم

[انسانه محتاره]

ياهوو 35 مشاهده
ولا رد :(

[ba7r el masha3r]

أختي بالنسبة للتخصص جدااا رائع

وعموما التخصصات الطبية اغلبها اختلااط واعتقد مافي مركز للحمية خاص بالنساء فقط في جدة على حد علمي

بالنسبة للرواتب اقدر افيدك انو رواتب الاخصائيات تبدأ من 5575 ويكون شامل البدلات حطي خط احمر على يبدأ

ويطلع الراتب ابتداءً من هل انتي بكالوريوس ام ماجستير واللغه الانجليزية تلعب دور كبير بالراتب وطبعا اخر شي الخبرة

ولااازم لما تتخرجي تكون معاكي بطاقة الهيئة السعودية وشهادة التصنيف مطلوبة لكي يتم توظيفك وتعينك في اي قطاع وطبعا المطلوب في سوق العمل الأخصائية وليست الفنية اللي هو تخصص اللي تسألي عليه تخصص تغذية اكلينيكية

واللي متخرجة من كلية العلوم الطبية أفضل بكثييير من كلية التربية تخصص تغذية.

والله في وحده كانت معاها ماجستير من لندن بس شهادتها الجامعيه كانت خريجة كلية تربية وتقول انو بيرفضوها لمجرد انها متخرجه من كلية التربية فانتبهي .

وبس إن شاء الله تكوني استفدتي

[مـــلآك]

التخصص أكتر من رآآآآئع وقبل دا كله رغبتك فيه

الاختلاط في التخصصات الطبيه كلها ولانقدر نمنعه
بس ممكن في الماستر زي ماقلتي اذا تخصصتي حوامل او اطفال دا الشي يساعدك..

والي تقدم الاكل للمرضى دي ابدا مو تغذيه اكلينكيه
الاكلينيكيه عندنا من سنه رابع لك تتابعي وتكتبي دايت للمرضى
وسنه الامتياز لك مكتبك وكانك خلاص اخصائيه..

الرواتب زي ماقلت بحر لكن يختلف بين المستشفيات والاغلب مايلتزمو في سلم الرواتب..

ساعات العمل ساعات محدده وحسب المستشفى ممكن صباحي او مسائي
وزي ماقلت لك البنت الي امك سألتها شكلها مو تغذيه اكلينكيه