مباني الاذاعة والتلفزيون

[shnshn halawa]

السلام عليكم ورحمة الله وبركاته

انا طالبه من قسم التصميم الداخلي في جامعة الملك عبد العزيز

حابه اطلب مساعدتك في مشروع التخرج تبعي وهو

(تصميم مباني الاذاعه والتلفزيون)

محتاجه لداتا كامله عن الاستيوهات و الخاماتها الخاصه وطرق تركيبها

وتفاصيل تنفيذيه للابواب والشبابيك والحوائط والاسقف والارضيات وطرق تركيب عوازل الصوت بها

وازا في مساقط افقيه لمشاريع سابقه

واشتراطات تصميم الاستديوهات ... واي معلومه تانيه اكيد حتفيدني

ولكم مني جزيل الشكر والامتنان

[Mr.LandScaper]

ما شاء الله ،، مشروع فكرته جميله ,,,

ان شاء الله الأخوان في العمارة حيساعدوكِ كثير في الموضوع هذا

انا راح اتدخل اذا ما ساعدك أحد ،، طبعا هذا بالنسبة للطلب الأساسي و هو المبنى .

لو حابه أي مساعده خارج المبنى ابتداءً بواجهة المبنى و موقعه ثم المساحات الخضراء المفتوحة و المواقف
و انتهاءً بالبوابه الرئيسية ,,, ان شاء الله ما راح أقصر معاكِ

بداية أرجح لك تقتلي الموضوع بحث ،، يوم الخميس هو يوم للبنات في المكتبه المركزية في الجامعه من 10 صباحا
إلى 5 عصرا ,, لا تفوتي الفرصه، وأكيد ان شاء الله حتلقي شي

في النت كمان حتلقي ، لكن حتتعبي لين توصلي للشي اللي تبغيه ، و تأكدي ان المشكله في النت هي كيف توصلي للمصطلح السليم اللي يوصلك للمعلومات اللي تبغيها ..

بالتوفيق ان شاء الله

[shnshn halawa]

يسلمووو خيو

انا دورت في المكتبه المركزيه تبع البنات مره ما لقيت شي عن دا الموضوع

ان شالله الاقي في المكتبه المركزيه تبعكم يوم الخميس

لو عندك اسماء مراجع ياريت تفيدني بيها

ولك مني جزيل الشكر

[Mr.LandScaper]

ما أتوقع حتلقي كتاب عن مبنى الاذاعة و التلفزيون ,, لكن ممكن تلقي Case study

دوري في الفهرس تبع كتب العمارة يمكن تلقي موضوع عنه ,,

ممكن أعطيكِ Time saver للعمارة و التصميم الداخلي و تصميم المباني اذا مو عندك

[shnshn halawa]

يعطيك العافيا خيووو ما قصرت عندي الكتاب

شكرا لردك واهتمامك :)

[Mr.LandScaper]

اختي ,,,
عندي مجموعة كتب مساحتها 2.88 جيجا،،
الأسهل اني اعطيكِ اياها عن طريق التورنت ,, عندك مشكله بالتورنت ؟

[shnshn halawa]

اهلين خيووو

لا ما عندي مشاكل ياريت ترسلي اللنك تبعها

وشكرا مره تانيا تعبتك معايا :)

[Mr.LandScaper]

:) لا عادي ما فيها تعب ..

تفضلي هذا الرابط انا مسويه ،، تحميلك حيكون مباشر من جهازي
الكتب من تجميعي الخاص ,,,

http://www.zshare.net/download/8785784785ac41d0/

[samasim]

يووووووووووووووووووه

يا شن شن انا معاكي في نفس الحووووووووووووووسة .. الله يستر يا شيخة

اذا لقيت شي حارسل لك هوا ع الميل .. شي يو سون

[shnshn halawa]

Mr.LandScaper

مرررره شكرا اكتر شي في الحياه

اثقل الله ميزان حسناتك يوم القيامه :)


samasim

انا احوس.. تخيلي لسى ما لقيت بلان :D

الله يستر ويعيننا يارب

انا كمان لو لقيت شي يفيدك حرسلك هوا ان شالله :)