ما راح يضيعنا إلا طيبتك الزايدة..

[فزاع السعودية]

الله يحفظك ويرجعك لنا بالسلامة يا بو متعب. والله كلنا نحبك لكن:!!

ما راح يضيعنا إلا طيبتك الزايدة..


كلنا شفنا وسمعنا خطابك اللي قبل سنة و3 شهور.. كان (شديد اللهجة) وأقوى من هالخطاب. والمفروض يكون فيه تحقيق مع المتسببين في قتل المآت.. وعلى فكرة اللي تسببو في هالكارثة أخطر من الإرهابيين. حيث أن الأرهابيين في العملية الواحدة أقل ضحاياهم من الكارثة بالعام الماضي..

معقولة كل هذا تحقيق!!! المسألة بسيطة ما يبيلها الــ FBI . جيب المقاول وجيب المهندس المشرف على المشروع وحقق معاهم وبس!!

لكن على ما يبدو الموضوع وصل لأسماء معاهم عدم تعرض. وهنا تحفظ القضية ضد مجهول.

الحمد لله أنا ما تضررت من الأمطار. لكن لما أشوف أطفال ونساء ينقلون من رجال لا يعرفونهم وهم يبكون. والله شفت طفلين ما تتجاوز أعمارهم الـ5 سنوات مع عامل هندي. وكنت أراقبهم من بعيد لبعيد حتى اني رحت وتغديت بالمطعم الساعة 5 وأراقبهم وأنا داخل المطعم. فلما طلعت سألت العامل الهندي عن الطفلين قال: أنا مخرجهم من الساعة 11 وغرقت سيارتي وطلعت هالطفلين اللي معاي. وأنا جالس ما أدري وين أوديهم. قلت له بسيطة حملت واحد وهو حمل الثاني وعدينا طريق الملك عبدالله متجهين إلى سيارتي. إلى ما وصلتهم للبيت والله بكيت لما شفت أمهم طالعه بالشارع وهي تبكي تقول أنا ما أدري أيش أسوي أولادي محتجزين 6 ساعات بالطريق وأبوهم محتجز داخل الشركة.


* لما كنا طلاب بالابتدائي كنا نردد ونغني دائماً عند هطول الأمطار:

(اللهم زد وبارك وهدم المدارس).. لكن الله لم يستجيب لنا طوال هذه المدة إلا أمس حيث تضررت جامعتي الموقرة (جامعة المؤسس) بالأمس..

أعذروني على بعض الكلمات اللي فيها شطحات:
لكن طفشاااان لأني وصلت جدة قبل أول أختبار لي كان يوم السبت بتاريخ 11/2/1432 والمفروض كان أختباري يوم الخميس لكن تأجل إلى يوم الاثنين القادم.. لتتأجل عودتي إلى القصيم!!